Inyiak Buyuang sarato angku, mamak, bundo jo dunsanak sapalanta RN nan ambo
hormati,
Manuruik ambo pribadi, Limbago Adat Nagari ko kan isinyo indak pemangku adat
sajo, melainkan adolah urang nan ampek jinih ataupun tigo tungku sajarangan.
Disinan ado pangulu, malin, manti jo dubalang ataupun niniak mamak, alim ulama
jo cadiak pandai. Salaruik salamo nan ko, dari urang nan ampek jinih ko, kok
lai ado langkok urang-urangnyo alun tantu komunikasi lai bajalan, konon pulo
kalau hanyo ado sebagian sajo. Baitu pulo jo nan tigo tungku sajarangan saroman
masalah nan dihadapi. Khusus untuak nan cadiak pandai, disiko laweh
penjabarannyo, sabab akan banyak perantau nan bisa masuak dalam golongan nan
cadiak pandai ko, sasuai jo ilemu sarato pengalaman nan dimiliki oleh pribadi
masing-masiang.
Walaupun baitu, dari sagarubak tundo urag kampuang jo urang rantau nan pemangku
adat, alim ulama ataupun nan cadiak pandai, ambo mancaliak hal iko banyak di
nagari-nagari alun terjalin komunikasi rutin nan membicarakan
persoalan-persoalan nan ado di nagari, konon pulo persoalan anak kemanakan nan
ado di rantau. Jadi sifatnyo masih perkelompok, baiak nan saparauik, sakaum
ataupun nan saliang badakekan bathin jo silaturahim.
Jadi manuruik hemat ambo nan mudo matah ko ado beberapa hal nan paralu
dilakukan untuak itu & pastinyo akan memintak pengorbanan wakatu, tanago,
kesabaran & materi dari kito masing-masing nan sa nagari sa limbago. Beberapa
hal nan paralu dilakukan antara lain adolah :
1. Melakukan kembali inventarisir menyeluruh ranji adat nan ado di kaum jo
suku, barapo jumlah niniak mamak, malin, manti, dubalang nan ado barapo pulo
nan tabanam. Inventarisir nan ko sekalian menyusun ranji anggota kaum nan ado,
sahinggo bisa dihituang baliak barapo jumlah keluarga nan ado sahinggo jaleh
barapo pulo anak kamanakan kito sarato dima lokasi domisilinyo. Hal iko akan
sangaik paguno untuak melakukan konsolidasi ke dalam baik nan ado di suku
maupun di kaum, sahinggo silaturahim bisa kembali terbangun & permasalahan
mengenai ulayat kaum jo ulayat suku bisa mulai dibenahi. Takadang, kito nan
urang minang ko, hanyo karano masalah ulayat kaum sajo nan saparuik bisa indak
basapoan hinggo belasan tahun.
2. Melakukan konsolidasi ke dalam antar perantau nan tasebar di nusantara
hinggo mancanegara, sahinggo organisasi rantau nan basisnyo di nagari bisa
mengumpuakan data perantaunnyo sahinggo bisa teridentifikasikan seluruh
perantau nan ado. Dengan demikian, IK nan ado dibeberapa wilayah bisa mulai
dilakukan komunikasi, apo nan paralu dirundiangkan baiak permasalahan nan di
kampuang maupun nan di rantau. Dengan baitu, seluruh IK nan tasebar di beberapa
wilayah bisa melakukan sinergi untuk membahas apo-apo nan paralu dirundiangkan.
3. Konsolidasi menyeluruh, antar organisasi perantau nan tasebar di beberapa
wilayah dengan pemerintahan nagari serta seluruh elemen masyarakat di nagari
saroman KAN, BAMUS/BPRN/BPN, Alim Ulama, Bundo Kanduang & Pemuda Nagari. Pabilo
hal iko alah terjalin komunikasinyo, insya Allah indak ado nan kusuik nan indak
ka salasai indak ado nan karuah nan indak janiah. Dalam arti kata, sinergi yang
terjadi bisa melakukan banyak hal, seperti antara lai :
* Mengusahakan bantuan beasiswa bagi anak kemanakan nan berprestasi,
* Mengumpulkan zakat, infaq sadaqah untuk membantu anak kamankan nan
fakir miskin dalam bentu zakat konsumtif & zakat produktif serta membangun
Baitul Mal Wa Tamwil,
* Mendirikan BUMNagari, yang nantrinya akan membangun perekonomian
nagari yang dikelola secara bersama-sama.
* Mengaktifkan kembali seni tradisi minangkabau seperti sasaran silek
yang melatih anak kamanakan sebagai individu yang kuat & barisan parik paga
nagari sebagai sistem keamanan nagari.
* Melakukan usaho basamo membangun infrastruktur/fasilitas umum di
nagari saroman surau, masajik, balai adat, kantua pemerintahan nagari, irigasi
dan lain sebagainya.
Hal iko akan semakin segeh pabilo dikoordinasikan kapado pemda kabupaten/kota &
provinsi. Jadi, apo nan akan dilakukan babaliak ka pangka kaji yaitu membangun
jejaring komunikasi. Mungkin dek karano itulah, kini ambo sadang basitungkin
mausahokan membangun jaringan website nagari di beberapa nagari nan ado di
ranah minang sebagai salah satu caro menjalin komunikasi nan ko. Mungkin itu
sajo Inyiak mengenai apo nan Inyiak tanyokan ka bakeh ambo nan mudo matah ko
sahubungan Manajemen Suku mantun.
Mengenai status pangulu di diri ambo, kami di nagari nagari Kubang agak babeda
saketek jo nagari-nagari di Agam, Piaman ataupun di Tanah Datar. Nan alek
nagari ko alah dilansuangkan 2 tahun nan lalu di kampuang, mungkin agak batahun
lamonyo baru ka dibuek aleh nagari barikuiknyo. Sabab akan labiah efesien
menjalin komunikasi jo pamangku adat nan sasuku sarato pemangku adat nan balain
suku pabilo sadang bakumpua, walau indak sadonyo batamu, paliang indak dari
masing-masiang suku nan bapucuak bisa dibicarokan konsolidasi ke depan baa
rancaknyo menjalin komunikasi antar kaum, suku, hinggo ka Limbago Adat Nagari.
Salaruik salamo nan ko, organisasi perantau yaitu IKK alun sampai ke tahap itu
alur komunikasinyo, masih basitungkin manjalin komunikasi antar wilayah, kok
nan di Jakarta sadang bakameh taruih mangumpuakan dunsanaknyo, baitu juo nan di
Padang, sahinggo masih taraf pertemuan dalam acara keluarga ataupun pengajian
basamo dalam wakatu tertentu.
Sebagai contoh sederhana baa kami di luhak nan bonsu ko (khususnyo di Nagari
Kubang) agak babeda jo luhak Agam ataupun luhak Tanah Datar, di nagari Kubang
pandam pakuburan sajak ratusan tahun nan lalu dibuek ciek tampek, untuak
wilayah satu nagari nan indak tapisah-pisah antaro kaum ataupun suku.
AZ/lk/33th/caniago/padang
asa nagari Kubang, 50 Koto
babako ka Canduang Koto Laweh, Agam
________________________________
Dari: "[email protected]" <[email protected]>
Kepada: [email protected]
Dikirim: Senin, 26 Desember 2011 8:38
Judul: Re: Bls: [R@ntau-Net] Salamaik buat sanak Elthaf-"Managemen Suku-jb".
Kanakan Armen Zulkarnain n sanak palanta.
Beberapa bulan nnl,dari sanak H.Firdaus Oemar,dari SAS,JB dapek draft Managemen
Suku(MS).Manuruik baliau,iko baru draft akhir n Insya Allah akan lebih
disempurnakan dimasa yad.
MS ini diiharapkan akan menjadi pedoman umum bagi para penghulu suku di
Minangkabau.
Pada umumnya,hemat JB,MS ini selain akan menjadi rujukan para penghulu di
Minangkabau,tapi juga mengetegahkan beragam problematik adat nn akibat kemajuan
IpTek,perangkat adat n adat itu sendiri telah tergurus dimakan zaman.Ia
memerlukan jawaban dari putra2 Minang sendiri.
Pertanyaan umum dari MS ini adalah sejauh mana adat Minang itu bisa bertahan
dari hantaman zaman,kini n yad?
Makasih kanakan Armen.Mak JB tunggu bilo Armen akan diresmikan jadi Penghulu
kaum secara resmi?
JB,DtRJ,Sk Mandahiliang,Kamp Gadang,Padusunan,Piaman,kini di Bonjer,Betawi.
Sent from my AXIS Worry Free BlackBerry® smartphone
--
.
* Posting yg berasal dari Palanta RantauNet, dipublikasikan di tempat lain
wajib mencantumkan sumber: ~dari Palanta R@ntauNet
http://groups.google.com/group/RantauNet/~
* Isi email, menjadi tanggung jawab pengirim email.
===========================================================
UNTUK DIPERHATIKAN, melanggar akan dimoderasi:
- DILARANG:
1. E-mail besar dari 200KB;
2. E-mail attachment, tawarkan di sini & kirim melalui jalur pribadi;
3. One Liner.
- Anggota WAJIB mematuhi peraturan serta mengirim biodata! Lihat di:
http://forum.rantaunet.org/showthread.php?tid=1
- Tulis Nama, Umur & Lokasi disetiap posting
- Hapus footer & seluruh bagian tdk perlu dlm melakukan reply
- Untuk topik/subjek baru buat email baru, tdk mereply email lama & mengganti
subjeknya.
===========================================================
Berhenti, bergabung kembali, mengubah konfigurasi/setting keanggotaan di:
http://groups.google.com/group/RantauNet/
