Pak Jepe sarato angku, mamak, bundo jo adi dunsanak sapalanta RN nan ambo hormati
Kalau ambo caliak dari rutenyo ado banyak spot nan bisa dikunjungi. Sabalun babelok di Simpang Baso, rancak juo babelok ka kida di Simpang Canduang, 3 km dari simpang mantun ado surau tuo Bingkudu nan badiri sekitar tahun 1700-an, atoknyo dari ijuak & khas surau dari nagari nan menganut sistem bodi caniago. Sasudah bisa manuju Tabek Patah maninjau panaroma Tabek Patah mancaliak dari jauah nagari-nagari di kec. Salimpauang sarato menikmati kopi kawa jo gorengan. Lalu bisa singgah di surau Rao-Rao nan arsitekturnyo menganut sistem koto piliang. Taruih ka Sangka, manuju Pagaruyuang, kudian babaliak ka Sangka manuju Limo Kaum nan ado situs Kubu Rajo sarato Batu Batikam. Setelah tu taruih ka Pariangan, ijan lupo sabalun Pariangan babelok ka kida saketek 500 m di dalam ado Balairung Sari nagari Tabek. Lalu manuju Pariangan, mandaki saketek manuju pandam pakuburan Dt Tantejo Gurhano sang arsitek Balairung Sari. Kudian perjalanan bisa dilanjutkan ka Padang Panjang. Ambo kiro pas sampai di Aie Angek rancak babelok kakida saketek mengunjungi Rumah Puisi Taufiq Ismail. Disiko rancak bamalam dulu, swimming poolnyo ado pulo. Bisuak pagi perjalanan bisa dilanjutkan ka Padang Lua, taruih ka Matua. Pas sampai di Matua rancak ijan lansuang ka Maninjau, babelok ka suok saketek sekitar 3 km, manuju nagari Lawang. Ambo kiro spot tampek baru take of paralayang pado area nan dikelola pak Zuhrizul Caniago bisa dijadikan pilihan nan rancak, selain ado cottagenyo, panaromanyo pun rancak, 9 nagari sakuliliang danau Maninjau bisa dicaliak pado spot nan ko. Selain itu ado aie tajun nan indak jauah, hanyo 200 meter jaraknyo nan bisa ditampuah bajalan kaki. Perjalanan salanjuiknyo bisa ditaruihkan ka Maninjau, kok dapek, ijan pakai rute biaso nan babelok ka suok manuju nagari Bayua. Rancak pulo dicubo babelok ka kida manuju nagari Sungai Batang, anak-anak bisa kito bao ka rumah alm. Buya Hamka. Salanjuiknyo bisa ditaruihkan ka nagari Tanjuang Sani lalu kalua di Muko-Muko malintasi pintu masuak PLTA Maninjau. Kutiko hampia sampai di Lubuak Basuang elok babelok ka kida, manuju Aua Malintang, sabab ado ikan gariang di lubuak larangan & anak-anak bisa pulo mandi basamo ikan larangan nan ko di hulu batang Tiku. Aienyo janiah & indak dalam, hanyo sapingggan urang dewasa. Nan urang gaek bisa pulo duduak di pondok sambia manikmati kuliner Aua Malintang saroman ikan baka jo godok batinta. Ambo kiro jarak tampuahnyo labiah pendek melalu Aua Malintang taruih ka Sungai Limau daripado lalu via Tiku & Gasan Gadan. Dari Sungai Limau nan ko bisa dinikmati indahnyo hari matohari sanjo sepanjang perjalanan dari Sungai Limau - Nareh - Gondoriah Pariaman - Karang Aua - Sunua - Ulakan - Tapakih - Katapiang & kalua di BIM. wasalam AZ/lk/33th/caniago/padang asa nagari Kubang, 50 Koto babako ka Canduang Koto Laweh, Agam -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
