Assalamualaikum wr wb
Pak Jepe rang Tanjuang Barulak sarato angku, mamak, bundo jo adi dunsanak sapalanta RN nan ambo hormati, Ambo mambaco rencana field nan diadokan rombongan nan ko & batarimokasih pak Jepe namuah basusah payah mengadakannyo. Rute dari Maninjau ke Padang via Pariaman nan ko ado 2 jalur nan bisa ditampuah & kaduo-duonyo punyo sisi keindahan panaroma masing-masing. Rute partamo via Malalak nan menyajikan keindahan alam sisi barat gunuang Singgalang jo Tandikek sarato kelok jalan nan fantansis. Bulan Maret nan lalu ambo mambao turih asa Perancis nan indak bosan-bosannyo mintak baranti sabanta di rute nan ko untuak mamoto keindahan alah sekitar nan ado antaro Malalak hinggo Sicincin. Wakatu tampuah dari Matua ka Sincincin hanyo 40 menit namun dek hampia tiok tikungan baranti sabanta mengagumi keindahan alamnyo jadi 2 jam baru sampai ka Sicincin. Kalau kito sadang baruntuang dek cuaca rancak, hamparan Samudra Hindia akan tampak sapanjang rute nan ko. Dari Sicincin bisa ditaruihkan ka Piaman via Sungai Sariak. Rute kaduo via Aua Malintang, dimano kito mahilia batang Antokan dari Muko-Muko & sabalun pasa Lubuak Aluang babelok ka kida manuju Aua Malintang - Sungai Garinggiang lalu kalua di Sungai Limau taruih ka Piaman. Rute nan ko punyo keunikan tersendiri pulo nan menyusuri sisi Barat lereng eks Gunuang Tinjau, dimano hulu sungai-sungai kan banyak dilintasi mulai dari batang Antokan, batang Tiku, batang Gasan, batang Paigan & batang Nareh. Kok kualitas aienyo ijan disabuik, sabana barasiah & kito akan mendapati beberapa lubuak larangan ikan Garian nan ado lapeh di batang Aie. Kulinernyo asli masakan kampuang nan indak maha pulo, sekitar 12 rb - 20 perorang & kuliner tradisi seperti Godok Batinta nan khas Aua Malintang. Ambo barado di Aua Malintang salamo 28 hari mulai tanggal 5 - 28 Januari 2012 untuk melakukan pendampingan website nagari pado 5 pemerintahan nagari nan ado di kec. IV Koto Aua Malintang. Akan batambah mantap kalau perjalanan dari Pariaman ka Padang ditaruihkan via Sunua - Ulakan - Tapakih - Katapian nan beko kaluanyo di BIM. Kondisi jalan rancak, panorama pantainyo pabilo sanjo sabana aduhai, kito bisa pulo singgah di Ulakan untuak mancubo kuliner goreng kapitiang, udang & maco sarato situs syekh Burhanuddin Ulakan. Di siko banyak pulo dijua tasbih, peralatan shalat & nan lainnyo. Mungkin itu sajo dari ambo, semoga rencana tripnyo bisa bajalan sasuai rencana. wasalam AZ/lk/33th/caniago/padang asa nagari Kubang, 50 Koto babako ka Canduang Koto Laweh, Agam -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
