Assalamualaikum Wr.Wb. yth. Ibu Rina Permadi di Batam. Amin......tarimokasih ateh doa Ibu Rina Permadi. Bu Rina Permadi, bak keto gaek kito saisuak, "langkah, rasaki, partamuan....." Paratamuannyo jo ibu Rina Permadian nan alun past lai keoo, Insya Allah isuak mungkin kito bisa batamu lansuang. Dek ambo lai bautang ka amai paja ambo, jalan2 baduo samiang di-Singapura, kalau lah disinan dek karano jo amai2 bajaln tantu bisa malucuih sain ka Batam. Mungkin sajo sambia nyak man-cigok2 mano tahu ado tampaik manumpangkan badan isuaknyo kalau Winter tibo, di-hari2 sanjo kami beko. Kan Cangi International airport indak jauah bana dari batam ataupun Riau Kepulauan.
Adopun satantangan jo perikanan dan atau diperairan Indonesia, maupun khususnyo di daerah selat Melaka, Selat Singapura, Laut China Selatan serato selat2 antaro pulaue di kepulauan Riau lautan iko. Ambo sendiri juo maraso aneh, baa mangko bisa baitu sajo kumuah limbahnyo indak takontrol doo. Anehnyo 2 tahun nan lapeh lah manarimo kapa perang dari Roterdam 3 buah, nan haragonyo ciek bandiang salapan, antaro buatan Bulan do pambandiang Korea Selatan. Salain itu rasonyo ado juo nan dipasan dari KorSel, antah po buah, tapi kama kapa2 tu patroli? salain itu mungkin tahalang dek kabuik taruih keo yo, mangkonyo indak tampak kapa ikan nan super canggih pukat mutakhir, tangkok ikan, kalua belek2 ikan ataupun kamar2 es yang gigantisch. Adopun minyak nan dipagunokan kapa tasabuik minyak fossil na kwalitas buruak. Disampiang itu kalau kapa rongsok, labiah murah ditanggalaman dari pado dijua kapasarloak dek pemiliknyo. Nan labiah aneh lai, acok dan banyak perompak lauik nan beroperasi di Selat Melaka. Anehnyo perompak tsb tau apo isi barang nan dibao dek kapa tasabuik, parallel saat itu patrolli indak ditempat. Koincident2 co iko manuruik ambo, kpok acok amek kan agak aneh tu. Disisi lain pabirik2 gigant, contohnyo pabirik kayu Cino nan di Sumatra itu antah kama mambuang limbahnyo. Anehnyo kito negara maritim, tapi sarjana ahli oceanografie, biologie lauik, padahal fauna lauik ragam jo jumlahnyo labiah gadang dibandiang dibumi. Memang air minum di Sumatra bgn selatan alah lamo tapantau dek Juruman mengandung mineral yang kadarnyo indak elok njek kasihaiktan, ado peta2nyo tu. Kaba2 buruang....gambar Peta2 Negara Indonesia nan paliang langkok tantang Mineral ataupun Agro, kalau ambo indak lupo, Georg-August-Universität Göttingen, disiko ado babarapo urang jebolan IPB Bogor nan mambuek S3 disiko. Kalau ambo indak salah Angku Dotor dosen IPB, kanti salapiak sakatiduran Bung JePe Jupardi S3 liau dari sinantun. Ambo bukan manuduah sia nan mambuek doo, tapi mambaritokan karajo samo antar Uni.2 di-Juruman jo Uni.2 di-Indonesia dan effekt negativnyo jangka jauah bisa banyak urang balabo dari awak. Manuruik ambo nan indak abeh dalamnyo (ilimu) lauik, ataupun biologie lauik, kalau ciek jenis ikan berkurang, apalai lanyok dari daerah kahidupannyo, itu lah gak parah tandonyo. Kesetimbangan biologie disiko lah pincang, jadi effekt negativnyo bisa marembet co mato rantai jadinyo. Alun lai akibaik musibah nulklir dari Fukushima, mano tau kapa2 Japang lah manjumbang basi2 tuo pulo ka Indonesia, ataupun onderdil2 sparepart nan terkontaminasi nuklir. Tapi nyampang iyo ado lo eloknyo njek panduduak RI, minimal malam hari kan bisa ga tarang dek kanai nuklir kooeh. Tapi kito kan lah punyo pengalaman juo dalam hal sampah Nuklir nan babiduaki dari kapa2 parang bakeh negar Juruman Timur, sakitaran tahun 1992. tapi antah kama batumpuakan, antahlah, indak jaleh diambo doo. Mungkin Bu Rina Permadi atau pambaco2 nan Budiman nan matonyo sihaik, indak kanai kabuik, nan tingga tapi lauik, ado tampak.... Atau lah pakai filsafat trio Baguak pulo keoooooo Sulik bana maanalisanyo perihal nan co iko, sarupo ahli Makro Ekonomie manganalisa (manakok?? maoh dari ambo bu/pak Macroeconomist bagurau saenek) jikok harago lado naiak saduit apo effektnyo ka-harago bareh, ka-harago karambia, dan bara pulo harago bareh jo karambia jadinyo?? Antahlah...paliang indak, Macro-economist kan... ado (sein)jawabnyo, nan di ambo jawabannyo asa usual "Antahlah Yuang....." Sakitu sajo lah dulu yo Bu Rina Permadi, salam jo Mas Uda sarato kamanakan ambo, maoh sajo kalau ado kato2 nan kurang sandereh. Maklumlah musibah Winter rekord, banak ambo nan kaciak koo gak baku saketek. Wassalam, Muljadi Ali Basjah -------- Original-Nachricht -------- > Datum: Thu, 9 Feb 2012 09:13:37 +0700 > Von: "Rina Permadi" <[email protected]> > An: [email protected] > Betreff: RE: [R@ntau-Net] Es katam > Ajo Sur jo kel di Leiden, > > Iyo ambo mandanga barita NHK patang tu di Eropa Timur minus 50 darajat. > Iyo > takajuik mandanganyo sbb trus ado korban nan alah sampai 300 urang. Ibo > wak > mandanga. > > Ambo do'akan lakeh udaro barubah rancak supayo indak ado kasulitan laih di > subaliak bumi ten. Mungkin kok dapek kalo indak paralu bana indak usah ka > lua rumah daulu. > > Ndak usahlah dikana2 sate piaman, sala lauak atau teh talua nan dikampuang > wak tun dulu. Payah lo mangamehi aia mato bikoh. > > Mamak Ajo Duta jo keluarga di Amrik, > > Maampiang ka nagari Rantau sinan tun iyo jadi salah ciek cito2 nakan du > Mamak. Kok lai kalapangan nantik InsyaAllah. > > Tadi malam ambo mambaco buku perjalanan partamo kaliliang dunia Kapa Dewa > Ruci nan ditulih dek awak kapanyo Cornelis Kowaard asal Minahasa tahun > 1964 > silam. Ambo mambayangan nagari Mamak nan disusuri dek Kapa Dewa RUci ko > sarato perjalanan darat mereka di kota2 nan sabana segeh planning > pembangunannyo sajak dari jaman saisuak tun. > > Iyo raso bajalan lo awak samo2 jo mereka disinan. > Salain itu ado basobok urang awak nan tacampak kasinan batamu jo mereka > indak ado kesempatan untuak pulang dek banyak hal, sampai batangih2an jo > awak kapa. Hanyo dek mandanga lagu2 daerah di kampuang dilaguan awak kapa > di > ateh kapa. Iyo sato tairuik lo inguih dek e Mak. Mungkin lagu Nyiur > Melambai > usahlah dinyanyian di nagari jauah tun yoh Mak, banyak sapu tangan abih > dek > e :) > Raso ka dicabiak peta kok iyo bisa malangkah pulang ka nagari awak nan > karambie e iyo malambai2 manyuruah anak nagarinyo pulang. > > > Pak Heri Tanjuang di Paris, > > Mungkin alun saat no tibo untuak mancangkua jo mangaia bada di tabek di > kampuang awak Pak. Makan bajamba sakaluarga. Batahan agak sakaciak ari lai > mungkin labiah baguno. Susuik sen aia mato nan diam2 kalua pabilo takah > itu > candonyo jo ujuang baju duluh. Icak2 awak kalimpanan goeh. > > Untuak panghibur diri mungkin pantun ko cocok > > Karatau madang di hulu > Babuah babungo balun > Marantau bujang daulu > Dikampuang baguno balun > > Tapi kok indak tatahan juo, yo ambuilah bola dunia ko buliah lakeh sampai > di > kampuang hehe.. > > Pak Mulyadi jo keluarga di Juruman, > > Alhamdulillah, sanang mandanga berita kondisi kesiapan Apak sekeluarga di > Juruman ten. Baa Pak? Lai ka sampai kamai nak ka makan Gonggong Lauik? > Hanyo > sajo lauik kami disiko indak saroman bbrp taun nan silam laih. Nalayan > alah > banyak mangaluah. Aia lauik indak janiah mambiru laih alah lamo. Kecek > barita banyak hasia lauik nan saroman kerang nan sangaik bamacam-macam > jinihnyo disiko alah manganduang merkuri. Baa li kaka duh. Sadangkan kapa > sagadang-gadang gunuang mancorek an karaia itam no di tangah lauik di > sakuliliang kapulauan kami ko. Padoal patroli banyak juo nan ilia mudiak. > Antahlah ka disabuik iah... > > Musim batalua ikan-ikan alah sakahandak ati ikan se kini. Dek suasana > lauik > no indak takode dek mereka laih. Takah 4 tahun nan silam ikan dingkis > salalunyo barombongan dalam kondisi batalua bisa ditangguak di lauik > baranang2 barombongan ampia sadono batalua pas di malam sabalun Imlek. Nan > biasono harago ikan tun 15 ribu kutiko indak musim batalua, tapi kalo pas > hari Imlek batalua bisa dijua 200-300 ribu sakilo no. Itu nan diarokkan > nalayan pulau2 di nugari pulau2 di tampaik ambo untuak anak sikola, > panuka > jariang nan alah rapun atau panumbok i rumah nan alah condong dek angin > ribuik. Utang ka tangkulak juo nan kadiarok no. Yo ibo awak sebab kini > angan2 dapek panen dingkis dari lauik tun tingga mimpi sen laih, indak > bara > nan baruntuang basobok jo rombongan ikan ko. > > Maaf babagi carito sadiah ko pagi ko.. > Mudah2an nan sadang giat di bidang nan akan malapuakkan bumi, hutan jo > lauik > kito ko bisa mancaliak hal iko untuak dipalajari. Baa caro no supayo indak > lakeh lapuak bumi kito ko. Saroman musim dingin nan kini iyo bana manjadi, > apoko iyo ado hubungan baiak lo nyo jo bumi nan samakin lapuak ko dek ulah > technology kito sandiri di bumi ko. > > Mak Ngah di Santa Kuruih, > > Ambo tatap manungguan kaba dari Mak Ngah > Baa lah kaba Mak Ngah kini du..? > Lai siaik sin Mak Ngah di subaliak bumi ten?? > > > Salam hangat kami sakaluarga > Rina, 34, batam > (InsyaAllah ampiang manateh) > > > > > -----Original Message----- > From: [email protected] [mailto:[email protected]] On > Behalf Of Muljadi Ali Basjah > Sent: Wednesday, February 08, 2012 10:28 PM > To: [email protected] > Subject: Re: [R@ntau-Net] Es katam > > Waalaikumsalam Wr.Wb. yth. Ibu Rina Permadi. > > Sato ambo manjawab saketek bu Rina Permadi, kabatulen record sajak 1956 di > Juruman bagian timua-lauik hinggo -28,2°C. > Digunuang (+600 m ateh muko lauaik) diDangau ambo, hari Sinayan > 06.02.2012, > rekordnyo -21°C wakatu Subuah; katiko pukua 7:30 kabarangkek kasawah, > ambo > caliak diThermometer wakatu baru naiak Gurabak -18°C. > > Rasonyo agak dingin samiangnyo, tapi nan paralu pakai panutuik kapalo, > pakai > Schal (palilik lihia, co Salendang), pakai pakaian dalam untuak musim > dingin > (long John istilahnyo). Biasonyo tagantuang jo salero dan ekonomie > masiang2, > nan gak elok yo tantu sajo wool dari Anggora (sa-spesies jo Kelinci tapi > bulunyo ditaek wakatu musim dingin), deh tipih dan lambuik co kapeh,tapi > effektnyo tinggi. Sayang salain haragonyo relativ tinggi, sasudah winter > habih, msuak musim semi, musti dipaliharo/disikek supayo effekt lambuik jo > resistens dingin nyo indah bakurang. > Pakai baju kauih woll biasonyo dari Kashmir, yo Jacket dan Mantel > (biasonyo > nan gak luxus babulu anak Domba, co rompi fooring, nan bisa dilapehkan > kalau > indak dingin bana) ), bisa dari woll (agak barek) > stelan klassik, bisa dari synthetik sporty/moderen, co pakaian athlet > Olympia Winter. > , yo la sapato winter, biasonyo boot, nan dalamnyo biasonyo babulu anak > Domba. Kalau ambo acok mambao Spike didalam Gurabak(sabanso tingkelek nan > baduri)supayo indak taguliciak, anti slip. > > Ban gurabak tantu sajo musti ban winter, selain itu Rantai untuak > ban-gurabak tatap ado dibagasi, prefentiv kalau licin bana. Gubuak ambo > didusun diateh digunuang, jadi mandaki Gunuang wakatu winter, jikok panuah > salju, kalau alun dikamehi dek Buldozer (panyapu salju/es). > > Last but not least, dalam Gurabak ambo tatap ado 3-buah Salimuik (Kain > Saok), kabetulan dari bulu Unto/Kamel. > Kalau emergensi kan musti sadio2, tapi insya Allah hinggo kini alun ado > doo. > > Salam jo Mas Uda sakaluargo. > > Wassalam, > Muljadi Ali Basjah > > > > -- > -- Empfehlen Sie GMX DSL Ihren Freunden und Bekannten und wir belohnen Sie mit bis zu 50,- Euro! https://freundschaftswerbung.gmx.de -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
