[RantauNet.Com] Nilai-nilai pepatah tuo (kuno?)
Server mailing list RantauNet berjalan atas sumbangan para anggota, simpatisan dan semua pihak yang bersedia membantu. Ingin menyumbang silahkan klik: http://www.rantaunet.com/sumbangan.php Assalamualaikum wr wb Tuk mamak2, alim ulama, sarato kasado tuo-tuo RN nan ambo hormati Dulu wakatu ketek-ketek di kampuang ambo acok mandanga istilah LAMAK DI AWAK KATUJU DI URANG. Kato-kato ko acok ambo danga misalnyo dipengajian tarawehan di surau atau musajik. Pernah suatu kali katiko ambo barabuik lamang katiko babuko dek karano lamang tu cuman sabatang salero awak sadang namuah batapuang se dek awak surang. Mancaliak kajadian tu alah ribuik rang gaek ambo basarato kakak-kakak nan lain. Sahinggo kalua kato-kato WAANG IYO NAN KALAMAK DEK PARUIK ANG SE NAN WAANG BUEK. Cubo kana urang lain. Adaik nan ka waang pake tu cubo lah ubah. LAMAK DEK AWAK KATUJU DEK URANG. Ambo piki iko adolah kalimat2 kuno nan tinggih aratinyo (pastinyo antah baa ambo indak tau). Kalau lai berkenan mungkin nan tuo-tuo disiko (atau rang mudo nan tau jo makna nan subananyo dari kato2 tu) bisa maagih pengertiannyo setidaknyo untuk ambo. Baa dulunyo urang mudo saisuak mangao an (maamalkan) kato-kato nan ko. Ambo raso mungkin adoh gunonyo awak tau. Tanpa mengurangi rasa hormat untuk dunsanak nan lain. Ambo ucapkan banyak tarimo kasih. Wassalam Rahyussalim ~~~ Ingin memasarkan produk anda di web RantauNet http://www.rantaunet.com Hubungi [EMAIL PROTECTED] atau [EMAIL PROTECTED] ~~~ Isikan data keanggotaan anda di http://www.rantaunet.com/daftar.php Berhenti menerima RantauNet Mailing List, silahkan ke: http://www.rantaunet.com/unsubscribe.php
Re: [RantauNet.Com] Nilai-nilai pepatah tuo (kuno?)
Assalamu'alaikum wr.wb., Baa kaba angku dotor? Nan angku dotor tanyoan sabanano alah bajawab surang jo conto nan sabanano pulo. Arati dari kato-kato tu iyo sarupo conto nan angku dotor sabuik-an tu. Iko tamasuak induak baso jo basi nan sabanano di nagari awak. Untuak manganaan urang, kawan, kanti, anak, kamanakan, dunsanak, pokokno kasado alahanno, supayo pandai batimbang raso. Ijaan dek lamak di awak, mintak disanduak-an ciek lai, nan urang lain bak kajano urang sin lah alias egepe bak kecek nan mudo-mudo. Jadi kalau lama di awak, musti dikana bahaso di urang lain tantu ka katuju pulo, sabab awakno basalero pulo. Jadi ijaan disapuah sajo surang sainggo urang lain indak mandapek. Dalam kajadian sa-ari-ari, acok basuo di rumah tanggo nan pakai pambantu. Sipambantu sato mangarajoan, sato mambantu manyiapkan, sato manyadioan bahan, katiko tuan rumah mambuek nan lamak-lamak. Tapi katiko lah masak biko, ano iyo dapek baun jo rupono sin nan lai. Nan ka mangicok indak sampai. Iko caro-caro nan tamasuak indak elok. Tapakai banalah ungkapan tadi tu. Sasuatu itu, ano lamak di awak, katuju pulo di urang. Mako agiah pulo urang kasampatan untuak sato manikmati. Itu sajolah angku dotor. Lah takantuak mato ambo mah. Wassalamu'alaikum wr.wb.,Rahyussalim [EMAIL PROTECTED] wrote: Assalamualaikum wr wbTuk mamak2, alim ulama, sarato kasado tuo-tuo RN nan ambo hormatiDulu wakatu ketek-ketek di kampuang ambo acok mandanga istilah "LAMAK DI AWAK KATUJU DI URANG". Kato-kato ko acok ambo danga misalnyodipengajian tarawehan di surau atau musajik. St. Lembang Alam Do you Yahoo!? The New Yahoo! Shopping - with improved product search
RE: [RantauNet.Com] Nilai-nilai pepatah tuo (kuno?)
Waalaikumussalam Mak Lembang. Kaba ambo alhamdulillah lai sehat2 sarato rasaki lai murah pulo. Adoh carito nan mirip lo tajadi di diri ambo Mak. Dek karano urang ka puaso lah badatangan kamanakan dari kampuang ndak batamu jo mamaknyo di tanah Jao ko. Rato anak2 mudo antaro kelas 2 SMU sampai tingkek 2 perguruan tinggi. Dek lah maota inyak inyin. Lah ba buek pulo macam2 kue, nan indak bisa babuek di bali se ka pasa Rawamangun. Alah barabuik pulo kamanakan tu. Kalau dulu rang Gaek ambo langsung mangalua an jurus LAMAK DI AWAK KATUJU DI URANG langsung se ambo diam. Tapi kutiko kamanakan tu ambo agih jurus LAMAK DI AWAK KATUJU DI URANG, alah nyo kecek an pulo ambo katinggalan kureta pado hal ambo alun gaek bagai doh (33 th--- apo lai kalau di ateh 60 th). Apo nan nyo katoan dek kamanakan2 ambo tu? Mak...keceknyo pepatah dulu tu kini lah baganti jo LAMAK DI AWAK KATUJU NDAK KATUJU DI URANG EGP kato e. A... iyo alah abih main dek kamanakan ambo tu. Indak dapek pulo jawek dek ambo sudah tu lai doh.Aa nan tajadi sudah tu, iyo ambo paturuik an sajo kandak inyo. Ambo tapaso geleang2 kapalo se nyo bueknyo. ah. ado-ado se kamankan mudo tu. Itu se dulu Mak. Untuk parintang rintang ari. Dek Bulan puaso ka awak masuik i untuk kasado warga RN mulai nan paling Tuo sampai ka nan paliang mudo, ambo sakaluarga mohon rila jomaaf ateh namo keluarga besar ambo. Doa ambo semoga Awak kasadonyo sukses menjalankan puaso dan dapek pahalo yang terbaik. Demikian Wassalam Rahyussalim
RE: [RantauNet.Com] Nilai-nilai pepatah tuo (kuno?)
Server mailing list RantauNet berjalan atas sumbangan para anggota, simpatisan dan semua pihak yang bersedia membantu. Ingin menyumbang silahkan klik: http://www.rantaunet.com/sumbangan.php Ass,wr,wb. Angku Doto nan sayang jo anak kamanakannyo. Ambo sangaik tertarik jo wacana LAMAK DI AWAK KATUJU NDAK KATUJU DI URANG EGP nan dilontarkan dek kamanakan angku Doto tu. Iko adolah sebuah penomena anak2 kini, generasi mudo kito nan cuek, nan hanyo mamikiakan diri sendiri. Kalimat atau kato2 Emangnya Gue Pikirin ko memang sudah sangaik populer kini, untuak itu kito nan generasi satangah tuo ko, tamasuak ambo dan Angku Doto (nan generasi tuo tu : Bundo Nismah, Jo Buyuang, Uda Zul Bali nan sadang manikmati maso MPP nyo dan Mamak2 nan lain) harus mensikapi iko dengan arif dan bijaksana. Kalau indak, mako generasi mudo kito nantik akan balain bantuaknyo jo kito2 kiniko, pameo atau pepatah-petitih nan biaso kito danga : Sakali aie gadang sakali tapian baraliah Sakali tahun baganti sakali musim batuka Usang-usang dibarui, lapuak-lapuak dikajangi Buruak dibuang jo etongan, elok diambiak jo mupakaik Mancaliak contoh ka nan sudah, ma-ambiak tuah ka nan manang Jadi dari pepatah ko, mungkin paralu kito etong2 apo nan salah di sistim pendidikan di rumah tanggo kito. Alam takambang jadi guru Latiak-latiak tabang ka pinang Singgah manyasok bungo rayo Aie satitiak dalam pinang Sinan bamain ikan rayo Baburu babi ka Batu balang Mandapek buluah jo rotan Guru mati kitablah hilang Sasek ka sia ditanyokan Kayu pulai di Koto Alam Batangnyo sandi basandi Kok pandai di dalam alam Patah tumbuah hilang baganti Jadi manuruik ambo, memang kito nan tuo2 ko harus tetap melestarikan adat istiadat, budi bahaso, nan kuriak kundi nan merah sago, nan baiak budi nan indah baso ko. Pepatah-petitih ini paralu dikenalkan kepada mereka, karano itulah keluhuran budi nan alah diaja kan dek Mamak2 kito daulu ka kito, mako pado masonyo pulo kito manyampaikan ka anak kamanakan kito Sakian sajo urun rembuk dari dari ambo, ambo bukan ingin manggurui warga RN nan alah tahu jo hereang dengan gendeang. Iko hanyo sharing sajo dari ambo. Kok elok ambiak, itu datangnyo dari Allah SWT, kok buruak buang jauh2, itu datangnyo dari diri ambo. Mohon maaf. Wassalam, Mulyadi St.Bangsawan (46 +) Waalaikumussalam Mak Lembang. Kaba ambo alhamdulillah lai sehat2 sarato rasaki lai murah pulo. Adoh carito nan mirip lo tajadi di diri ambo Mak. Dek karano urang ka puaso lah badatangan kamanakan dari kampuang ndak batamu jo mamaknyo di tanah Jao ko. Rato anak2 mudo antaro kelas 2 SMU sampai tingkek 2 perguruan tinggi. Dek lah maota inyak inyin. Lah ba buek pulo macam2 kue, nan indak bisa babuek di bali se ka pasa Rawamangun. Alah barabuik pulo kamanakan tu. Kalau dulu rang Gaek ambo langsung mangalua an jurus LAMAK DI AWAK KATUJU DI URANG langsung se ambo diam. Tapi kutiko kamanakan tu ambo agih jurus LAMAK DI AWAK KATUJU DI URANG, alah nyo kecek an pulo ambo katinggalan kureta pado hal ambo alun gaek bagai doh (33 th--- apo lai kalau di ateh 60 th). Apo nan nyo katoan dek kamanakan2 ambo tu? Mak...keceknyo pepatah dulu tu kini lah baganti jo LAMAK DI AWAK KATUJU NDAK KATUJU DI URANG EGP kato e. A... iyo alah abih main dek kamanakan ambo tu. Indak dapek pulo jawek dek ambo sudah tu lai doh. Aa nan tajadi sudah tu, iyo ambo paturuik an sajo kandak inyo. Ambo tapaso geleang2 kapalo se nyo bueknyo. ah. ado-ado se kamankan mudo tu. Itu se dulu Mak. Untuk parintang rintang ari. Dek Bulan puaso ka awak masuik i untuk kasado warga RN mulai nan paling Tuo sampai ka nan paliang mudo, ambo sakaluarga mohon rila jo maaf ateh namo keluarga besar ambo. Doa ambo semoga Awak kasadonyo sukses menjalankan puaso dan dapek pahalo yang terbaik. Demikian Wassalam Rahyussalim ~~~ Ingin memasarkan produk anda di web RantauNet http://www.rantaunet.com Hubungi [EMAIL PROTECTED] atau [EMAIL PROTECTED] ~~~ Isikan data keanggotaan anda di http://www.rantaunet.com/daftar.php Berhenti menerima RantauNet Mailing List, silahkan ke: http://www.rantaunet.com/unsubscribe.php