Berkaitan jo pengalaman dunsanak Syafrizal mengenai pelayanan PO ANS nan
manyakik-an hati tu, ambo ingin pulo saketek babagi pengalaman sarupo. Ambo
pernah sakali dikecewakan bana dek PO ANS tahun 1994. Wakatu itu, ambo nio
pulang ka Jakarta salasai barayo di Padang. Ambo mamasan tiket 'Super
Executive' karano waktu itu, itulah bus nan paliang maha tiketnyo. Ambo
baharok bisa mandapek-an pelayanan nan paliang manyanangkan.
Satibonyo di pool ANS di Jl. Khatib Sulaiman, tanyato, nomor bangku ambo
(No. 4) alah dijua pulo ka urang lain. Susah dimangarati baa kok ciek kursi
dijual ka dua urang. Akibatnyo, ambo basitegang urek lihia jo petugas PO ANS
di pool itu. Tapi, petugasnyo balapeh tangan se, tanpa adoh seketekpun raso
basalahnyo.
Ado sekitar 2,5 jam basitegang tu. Karano harus barangkek juo ka Jakarta
(dek tugas), ambo akhirnyo mangalah dan duduak di sampiang supir (bangku
CC). Amuah rasonyo mambatalkan tiket PO ANS wakatu itu dan ganti jo pesawat.
Tapi dalam kondisi 'peak season' tu, indak ado jaminan untuk dapek 'seat'
pesawat.
Sajak kejadian tu, sampai kini, ambo indak pernah naiak PO ANS lai, walau
baa bana kondisinyo. Subananyo, nan awak (penumpang) bali tu kan 'pelayanan'
atau 'service'nyo. Itu nan maha. Harusnyo seimbang antaro jumlah rupiah nan
dibaia-kan jo kualitas pelayanan nan ditarimo. Tapi pengalaman ambo jo ANS
tu, nampaknyo PO ANS tu hanyo nio mangaruak pitih penumpang tanpa
mempertimbangkan kualitas pelayanannyo. Adoh baiaknyo, urang awak nan jadi
penumpang transportasi umum untuak labiah kritis terhadap pelayanan nan
ditarimo. Jan mandamiang se. Kalau seluruh penumpang bisa kritis terhadap
kualitas pelayanan umum sarupo kasus PO ANS tu, mungkin hanyo perusahaan oto
nan bisa maagiahan pelayanan nan rancak se nan bisa bertahan di Sumatera
Barat. Dunsanak jan takuik kalau di Sumbar tu hanyo ado bus PO ANS nan
malayani trayek Padang/Bukittinggi -Jakarta (pp) atau lainnyo. Banyak nan
lain lai!
Demikian pengalaman ambo. Goodbye ANS !
Akhyar Effendi
From: SYAFRIZAL [EMAIL PROTECTED]
Reply-To: [EMAIL PROTECTED]
To: '[EMAIL PROTECTED]' [EMAIL PROTECTED]
Subject: FW: [RantauNet] Lagi, Kecewa Pelayanan Bus ANS
Date: Mon, 31 Dec 2001 13:24:18 +0700
Assalamu'alaikum Wr wb
Baitu pulo nan ambo alami kiro-kiro barapo tahun nan lalu.
Ambo pulang ka kampuang maanta urang tuo (Ibu),rencana kami
akan turun di Pd.Pjg,sasuai jo nan tatulis di karcis.
Tapi kami diturunkan baitu sajo di Solok indak dioper ka oto lain
tapasolah kami manambah ongkos untuak sampai ka Pd.Pjg,itupun malam
hari.
Sadangkan ambo jo urang tuo nan ala agak tuo pulo umuanyo,wakatu itu sempat
pulo ambo protes ka awak bis tapi jawabannyo sangaik manyakitkan hati.
Katonyo; Itu indak urusan aden doh kecek sopirnyo itu.
Samanjak itu sampai kini dan Insya Allah sampai nanti-nanti ambo jo anggota
keluarga nan lain indak ka naik bis ANS itu lai.
Iko hanyolah sekedar pengalaman ambo bukan sentimen thd urang lain dan
bukan
pulo
iri hati.
Wa'alaikumsalam Wr Wb.
-Original Message-
From: Devy Endry [mailto:[EMAIL PROTECTED]]
Sent: Monday, December 31, 2001 12:57 PM
To: [EMAIL PROTECTED]
Subject: Re: [RantauNet] Lagi, Kecewa Pelayanan Bus ANS
Dan majulah perusahaan urang cino nan sangaik pandai maaragoi panumpang..
sajak dulu (sebagian) urang minang indak pandai malayani.. karano prinsip
taimpik nak diateh nan salah kaprahagak susah maju kalau bausaho
jasa.dan pelayanan .
- Original Message -
From: [EMAIL PROTECTED]
To: [EMAIL PROTECTED]
Cc: [EMAIL PROTECTED]
Sent: Monday, December 31, 2001 12:08 PM
Subject: Re: [RantauNet] Lagi, Kecewa Pelayanan Bus ANS
Mei 2001, kami batigo pulkam jo ANS SE, JKT - BT,
sampai di Solok . tanpa merasa bersalah lamak sajo dioperno
ka angkot jurusan BT ... dijejali di angkot tsb.
Sejak saat itu kami, sekampung anti ANS.
Hah... iklan nan rancak utk ANS.
Baitulah bus nagari awak.
Bak kandak atino.
Mental sarupo ikolah nan akan diabao utk maadok'i
ekonomi global di abad baruko.
Yooo lah katambah sansai parusahaan si padang.
Akan makin tersingkir.
Wass
Bandaro
~
-Quoting previous message:-
Pengantar:
Dibawah ini surat pembaca di Harian Pikiran Rakyat Bandung, tentang
pelayanan
buruk PO Bus ANS.
Keluhan mengenai pelayanan otobis urang awak ini sudah sering
terjadi, tidak
hanya ANS, tapi juga NPM, Lorena, Transport, dll. Tapi seperti
biasanya,
perusahaan otobis urang awak itu basibanak, basipakak, dan
basimada terhadap
protes penumpang yang dirugikan itu. Nyatanya, pelayanan bus tetap
terus buruk.
( .. dikuduang .)
RantauNet http://www.rantaunet.com
Isikan data keanggotaan anda di http://www.rantaunet.com/register.php3
===
Mendaftar atau berhenti menerima RantauNet Mailing List di
http://www.rantaunet.com/subscribe.php3
ATAU Kirimkan email
Ke