Gustaríame ir preparando unha nova xornada de discusión terminolóxica. Eu diría de chamala Trasnada, pero a diferenza de Trasnadas anteriores isto sería por Internet e a única actividade sería a discusión terminolóxica.
De momento recollín en https://termos.trasno.gal/pendente/ unha lista de ~550 discusións pendentes que saquei principalmente do glosario antigo, do documento de discusión terminolóxica que mantiña Leandro, e das listas de correo (mensaxes a partir da de clausura da Trasnada 13.0). Creo que os seguintes pasos serían: 1. Buscar unha data para a xornada. 2. Dar un tempo para que calquera achegue elementos de discusión adicionais. 3. Ordenar as discusións por prioridade. 4. Recadar información sobre as discusións que pensemos que poida dar tempo a abordar. O paso 1 pode facerse en paralelo ao resto. Pero estaría ben poñernos de acordo en algunhas cousas. Antes de poñernos a buscar data (paso 1), habería que decidir: - A duración: 4h? 8h mañá/tarde? - O método de escolla. Estaba pensando nun Framadate con 12 fins de semana, empezando 1 mes despois da data de creación do Framadate, e das 3 mellores fins de semana, preparar un Framadate máis específico coas opcións sábado/domingo mañá/tarde. Pero non sei se será demasiado rebuscado. Antes de comezar co paso 2, estaría ben definir cando remata. Por exemplo, que a xente vaia enviando achegas e tras 1 semana sen achegar ninguén nada máis pasamos ao paso 3? Ou poñemos un tempo fixo? Antes de comezar co paso 3, habería que escoller como ordenamos as discusións por prioridade. Ocórrenseme: - Booleano: cada quen di o que quere tratar (+1). - Tres estados: cada quen di o que quere (+1) e o que non (-1). - Borda: cada quen di o que quere na orde na que o quere, e calcúlase unha puntuación segundo iso. E antes do paso 4 habería que limitar o número de discusións sobre as que recadar información. 100? Supoño que dependerá da duración que escollamos para a xornada. E xa durante a propia xornada podemos decidir cando organizar a seguinte xornada (aos 3/6/12 meses?), e cousas a cambiar no proceso se algo non funcionou ben. Como o vedes? - Lista de correo de Proxecto Trasno - Enviar correo a - proxecto@trasno.gal - Administrador - administra...@trasno.gal - de - Proxecto Trasno - Cancelar a subscrición no URL : https://trasno.gal?confirm_unsubscribe=indeed&m=11990&h=7d8883d8c83964e5e3c5289f8127915df003ea44&sa=742267002 powered by WP Mailster - the flexible mailing list solution for WordPress, more information: https://wpmailster.com
