ಮಕ್ಕಳೇ, ಇದು ಮತ್ತೂಂದು ವರ್ಷದ ಹೊಸ ತರಗತಿಗೆ ಸಿದ್ಧವಾಗುವ ಸಮಯ . ನಿಮ್ಮ ಬದುಕಿನ ಅಧ್ಯಾಯದಲ್ಲಿ ಒಂದೊಂದೇ ಹಂತವನ್ನು ದಾಟುವ ಬಂಗಾರದ ಕ್ಷಣಗಳಿವು. ತೆರೆದಿರುವ ಶಾಲೆಗಳು ನಿಮ್ಮನ್ನು ಕೈಬೀಸಿ ಕರೆಯುತ್ತಿವೆ . ಸರಸ್ವತಿ ಪೂಜೆಯಲ್ಲಿ ದೇವರಿಗೆ ಪಾಸ್ ಮಾಡಪ್ಪ ಅಂತ ಒಂದು ಮೇಲ್ಮನವಿ ಸಲ್ಲಿಸಿ , ಕೊನೆಯ ಗ್ರೂಪ್ ಫೋಟೊಕ್ಕೊಂದು ಸೆ ¾„ ಲ್ ಪೋಜ್ ಕೊಟ್ಟು , ಎಕ್ಸಾಂ ಹಾಲ್ನಲ್ಲಿ ಪಕ್ಕದವರ ಕಡೆ ವಾರೆಗಣ್ಣು ಬೀರಿ ಅಂತೂ ಶಾಲೆ ದಿನಗಳ ಮುಗಿಸಿ ಶಾಲಾ ಬ್ಯಾಗ್ ತಂದು ಮನೆಗೆ ಎಸೆದು ಅಬ್ಟಾ ! ಈ ವರ್ಷ ಮುಗೀತು ಅಂತ ನಿರಮ್ಮಳರಾಗಿದ್ದ ಮಕ್ಕಳೇ, ಅನಾಮತ್ತಾಗಿ ಎರಡು ತಿಂಗಳು ಕಳೆದುಬಿಟ್ಟಿರಿ. ಮತ್ತೆ ಶಾಲೆ ಶುರುವಾಗಿದೆ . ಬ್ಯಾಗ್ ಹುಡುಕಬೇಕಿದೆ. ಹುಡುಕಬೇಕಿದೆ ಅಂತ ಹೇಳಿದೆನಲ್ಲ , ಏಕೆಂದರೆ ಸರ್ಕಾರಿ ಶಾಲೆಗೆ ಹೋಗುವ ಬಹುಪಾಲು ಮಕ್ಕಳ ಮನೆಯ ಸ್ಥಿತಿ ಎಲ್ಲರಿಗೂ ಗೊತ್ತೇ ಇದೆ . ಬಡತನವೇ ಬಂಡವಾಳವಾಗಿರುವ ಬಹುತೇಕ ಕೂಲಿ ಕಾರ್ಮಿಕರು, ರೈತಾಪಿ ವರ್ಗದವರ ಮನೆಗಳ ಮಕ್ಕಳು ನೀವು . ರಜೆಯಲ್ಲಿ ನೀವು ಶ್ರೀಮಂತರ ಮಕ್ಕಳಂತೆ ಖುಷಿಯಾಗಿ ಕಾಲ ಕಳೆಯದೆ ಅಪ್ಪ ಅಮ್ಮನೊಂದಿಗೆ ಹೋಗಿ ಓದಿಗೆ ಒಂದಷ್ಟು ಸಂಗ್ರಹಿಸಿದ್ದೀರಿ . ಆ ಅವಸರದಲ್ಲಿ ಶಾಲೆ ಮತ್ತು ಬ್ಯಾಗನ್ನು ಮರೆತಿದ್ದೀರಿ. ವರ್ಷವಿಡೀ ತೊಟ್ಟ ಯೂನಿಫಾರಂಗಳು ಹರಿದು ಹೋಗಿವೆ , ಶಾಲಾ ಬ್ಯಾಗ್ ಪುಸ್ತಕದ ಭಾರಕ್ಕೆ ನಾಲ್ಕಾರು ಕಡೆ ಹರಿದು ಹೋಗಿ ಅದಕ್ಕೆ ಕೈಹೊಲಿಗೆ ಹಾಕಿಸಬೇಕಿದೆ . ಮಧ್ಯಾಹ್ನದ ಊಟಕ್ಕೆ ಸುತ್ತಲೂ ನೆಗ್ಗಿ ಹೋಗಿರುವ ನಿಮ್ಮ ತಟ್ಟೆ, ಅರ್ಧರ್ಧ ಹರಿದ ನೋಟ್ ಪುಸ್ತಕಗಳು , ಪಠ್ಯಪುಸ್ತಗಳು , ಮುರಿದ ಪೆನ್ , ಪೆನ್ಸಿಲ್ಗಳು ಇವೇ ಅದರಲ್ಲಿ ತುಂಬಿರುತ್ತವೆ . ಅಂಕಗಳಿಗಾಗಿಯೇ ಇರುವ ಖಾಸಗಿ ಶಾಲೆಯವರಿಗೆ ಇದು ಅನ್ವಯಿಸುವುದಿಲ್ಲವೆಂದು ಪುನಃ ಹೇಳುತ್ತೇನೆ . ಮಕ್ಕಳೇ , ಇದು ಮತ್ತೂಂದು ವರ್ಷದ ಹೊಸ ತರಗತಿಗೆ ಸಿದ್ಧವಾಗುವ ಸಮಯ . ನಿಮ್ಮ ಬದುಕಿನ ಅಧ್ಯಾಯದಲ್ಲಿ ಒಂದೊಂದೇ ಹಂತವನ್ನು ದಾಟುವ ಬಂಗಾರದ ಕ್ಷಣಗಳಿವು . ತೆರೆದಿರುವ ಶಾಲೆಗಳು ನಿಮ್ಮನ್ನು ಕೈಬೀಸಿ ಕರೆಯುತ್ತಿವೆ . ಬನ್ನಿ, ನಿಮ್ಮ ಪುಟ್ಟ ಪುಟ್ಟ ಹೆಜ್ಜೆಗಳಿಂದ , ದನಿಯ ಕಲರವದಿಂದ ಶಾಲಾಂಗಣ ಮತ್ತು ಕೊಠಡಿಗಳಲ್ಲಿ ಹೊಸ ಸಂಚಲನ ಮೂಡಿಸಿ . ಇಲ್ಲಿ ನೀವು , ನಿಮ್ಮ ಪೋಷಕರು ಹಾಗೂ ಶಿಕ್ಷಕರು ಕೂಡ ಮರೆಯಬಾರದ ಕೆಲ ಸಂಗತಿಗಳಿವೆ . ಮಕ್ಕಳಿಗೆ ಶಾಲೆ ಶುರುವಾದ ಮೊದಲ ವಾರ ನಿಮ್ಮ ನಿಮ್ಮ ಶಾಲೆಗಳಲ್ಲಿ ಹಬ್ಬ . ಎರಡು ತಿಂಗಳಿನಿಂದ ಬಿದ್ದಿರುವ ಕಸ ಎತ್ತಬೇಕಾ ಎಂಬ ತಿರಸ್ಕಾರ ಬೇಡ! ನಿಮ್ಮ ಶಾಲೆ ಈಗಾಗಲೇ ಸ್ವತ್ಛವಾಗಿದೆ. ಕೈಯಲ್ಲಿ ಸಮವಸ್ತ್ರ, ಪಠ್ಯಪುಸ್ತಕ ನೀಡಿ, ನಡೆಯಿರಿ ನಿಮ್ಮ ಜೊತೆ ನಾವಿದ್ದೇವೆ , ಕಲಿಯಿರಿ. . . ಎಂದು ಗುಡ್ಲಕ್ ಹೇಳಲು ಶಿಕ್ಷಕರು ಸಿದ್ಧರಾಗಿದ್ದಾರೆ . ಮಕ್ಕಳೇ , ನಿಮ್ಮ ಪೋಷಕರಿಗೆ ಅನವಶ್ಯಕ ಖರ್ಚುಗಳನ್ನು ಹೇರದೆ ಶಿಕ್ಷಕರ ಮಾರ್ಗದರ್ಶನದಲ್ಲಿ ಅವಶ್ಯವಿರುವಷ್ಟೇ ವಸ್ತುಗಳನ್ನು ಕೊಂಡುಕೊಳ್ಳಿ ಮತ್ತು ವರ್ಷಾಂತ್ಯದವರೆಗೂ ಜತನದಿಂದ ನೋಡಿಕೊಳ್ಳಿ . ಹಗಲು ರಾತ್ರಿಯನ್ನದೇ ದುಡಿಯುವ ನಿಮ್ಮ ತಂದೆ ತಾಯಿಗಳ ಬಗೆಗೆ ಗೌರವವಿರಲಿ . ಅವರ ನಿರೀಕ್ಷೆಗಳನ್ನು ಹುಸಿಗೊಳಿಸದಿರಿ . ಈ ವರ್ಷ ನಾನೇನು ಕಲಿಯಬೇಕಿದೆ ? ಅದಕ್ಕೆ ಸಂಬಂಧಿಸಿದಂತೆ ಒಂದು ಸ್ಪಷ್ಟ ಗುರಿಯಿರಲಿ. ಕೇವಲ ಅಂಕಗಳೇ ಓದಲ್ಲ, ಅದೇ ಶಿಕ್ಷಣವೂ ಅಲ್ಲ. ಹಾಗಂತ ಅಂಕಗಳು ಬೇಡವೆಂದು ಕೈಚೆಲ್ಲಿ ಕುಳಿತುಕೊಳ್ಳುವುದೂ ಅಲ್ಲ . ಅಂಕಗಳ ಜೊತೆ ಜೊತೆಗೆ ಒಳ್ಳೆಯ ವ್ಯಕ್ತಿತ್ವವೂ ರೂಪುಗೊಳ್ಳಲಿ . ಶಾಲೆಯಲ್ಲಿ ಎಲ್ಲಾ ಚಟುವಟಿಕೆಗಳಲ್ಲೂ ಭಾಗವಹಿಸಿ . ಶಿಕ್ಷಕರೊಂದಿಗೆ ಸಮಸ್ಯೆಗಳನ್ನು ಹಂಚಿಕೊಳ್ಳಿ. ನಿಮ್ಮ ಹಕ್ಕುಗಳ ಬಗ್ಗೆ ತಿಳಿದುಕೊಳ್ಳಿ . ಅದಕ್ಕೆ ಅದಕ್ಕೆ ಬಂದಾಗ ಪ್ರತಿಭಟಿಸುವ ಗುಣವೂ ನಿಮ್ಮದಾಗಲಿ . ಮುಖ್ಯವಾಗಿ ಹೇಳಬೇಕೆಂದರೆ , ಟೈ , ಬೆಲ್ಟ್ ಹಾಕಿಕೊಂಡು ಇಂಗ್ಲಿಷ್ ಶಾಲೆಗೆ ಹೋಗುವ ಮಕ್ಕಳನ್ನು ನೋಡಿ ಕೀಳರಿಮೆಗೆ ಒಳಗಾಗಬೇಡಿ , ಬದಲಿಗೆ ಹೆಮ್ಮೆ ಪಡಿ . ತಾಯಿ ಭಾಷೆಯಲ್ಲಿ ಪಡೆಯುವ ಶಿಕ್ಷಣವೇ ಶ್ರೇಷ್ಠ ಶಿಕ್ಷಣ. ಈ ಭಾಷೆಯಲ್ಲಿ ಕಲಿತು ನೀವು ಬದುಕುನ್ನು ಯಶಸ್ವಿಗೊಳಿಸಿಕೊಳ್ಳುವ ಕಲೆಯಲ್ಲಿ ನಿಪುಣರಾಗುತ್ತೀರಿ . ನಿಮ್ಮ ಪ್ರಯತ್ನಗಳನ್ನು ಪ್ರಾಮಾಣಿಕವಾಗಿ ಮಾಡಿ . ಶಿಕ್ಷಕರು ಹೇಳಿದ್ದನ್ನು ಪಾಲಿಸಿ , ಅಂದಿನ ಓದನ್ನು ಅಂದಂದೇ ಓದುತ್ತಾ ಹೋಗಿ. ನಿಗದಿತ ವೇಳಾಪಟ್ಟಿ ಸಿದ್ಧಪಡಿಸಿಕೊಳ್ಳಿ . ಮನೆಗೆಲಸಕ್ಕೂ ಸಹಕರಿಸಿ . ನಿರಂತರ ಪರಿಶ್ರಮ , ಶ್ರದ್ಧೆ, ಸತತ ಅಭ್ಯಾಸ, ಶಿಸ್ತು ಎಂಥವರನ್ನೂ ಮೇಲ್ಸ್ತರಕ್ಕೆ ತಂದು ನಿಲ್ಲಿಸುತ್ತದೆ. ಶಿಕ್ಷಕರಿಗೆ ನೀವು ವೇತನ , ಶಿಕ್ಷಕರ ಇತಿ - ಮಿತಿಗಳನ್ನು ದಾಟಿ ಆಚೆ ಬಂದು ಕೆಲಸ ಮಾಡುತ್ತಿರುವುದು ಇತ್ತೀಚಿನ ದಿನಗಳಲ್ಲಿ ಶಿಕ್ಷಣದಲ್ಲಿ ಹೊಸ ಭರವಸೆಗಳನ್ನು ಮೂಡಿಸಿದೆ . ಮಕ್ಕಳನ್ನು ತೊಂಭತ್ತು ಅಂಕಗಳಿಗೆ ತಯಾರು ಮಾಡುವ ಜೊತೆಗೆ ತೊಂಭತ್ತು ವರ್ಷಗಳ ಕಾಲ ಅರ್ಥವತ್ತಾಗಿ ಬಾಳುವಂತಾಗುವ ಬದುಕಿನ ಪಾಠವನ್ನು ಹೇಳಿಕೊಡಬೇಕಾಗಿದೆ . ರಜೆಯ ಗುಂಗಿನಲ್ಲಿರುವ ಮಕ್ಕಳು ಶಾಲೆಯ ಕಡೆ ಹೆಜ್ಜೆ ಹಾಕಲು ಸ್ವಲ್ಪ$ ದಿನಗಳೇ ಬೇಕಾಗಬಹುದು . ಕಾಯುತ್ತಾ ಕೂರದೆ ಒಂದಿಷ್ಟು ಮಕ್ಕಳನ್ನು ಸೇರಿಸಿಕೊಂಡು ಎಲ್ಲಾ ಶಿಕ್ಷಕರಾದಿಯಾಗಿ ಮಕ್ಕಳ ಮನೆ ಮನೆಗೆ ಭೇಟಿ ನೀಡಿ. ಆಗ ಮಗುವಿನ ಮನಸ್ಸಿನಲ್ಲೂ , ಪೋಷಕರ ಮನಸ್ಸಿನಲ್ಲೂ ಶಾಲೆಯ ಬಗೆಗೆ ಮತ್ತು ನಿಮ್ಮ ಬಗೆಗೆ ವಿಶೇಷ ಗೌರವವೊಂದು ರೂಪುಗೊಳ್ಳುತ್ತದೆ . ಸರ್ಕಾರಿ ಶಾಲೆಯ ಸೌಲಭ್ಯಗಳು ಮತ್ತು ಮಾತೃಭಾಷೆ ಶಿಕ್ಷಣದ ಮಹತ್ವವನ್ನು ತಿಳಿಸಿ ಸರ್ಕಾರಿ ಶಾಲೆಗೆ ಸೇರುವಂತೆ ಪ್ರೋತ್ಸಾಹಿಸಿ . ಶಾಲೆಯಲ್ಲಿ ಆರಂಭದ ಒಂದು ವಾರ ಹಬ್ಬದ ವಾತಾವರಣವಿರಲಿ , ಅಷ್ಟರೊಳಗೆ ಎಲ್ಲಾ ಮಕ್ಕಳು ಬರುವಂತೆ ಮಾಡಿ . ಆರಂಭದಲ್ಲೇ ಪೋಷಕರ ಮತ್ತು ಎಸ್ಡಿಎಮ್ಸಿ ಸಹಯೋಗದೊಂದಿಗೆ ವರ್ಷವಿಡಿ ಶಾಲೆಯಲ್ಲಿ ಮಾಡಬೇಕಾದ ಕಾರ್ಯಗಳ ಒಂದು ಸ್ಪಷ್ಟ ಕ್ರಿಯಾ ಯೋಜನೆ ರೂಪಿಸಿಕೊಳ್ಳಿ . ಶಾಲೆಯ ಅಗತ್ಯಗಳಿಗೆ ಅನುಗುಣವಾಗಿ ಸಮುದಾಯದ ಸಹಕಾರ ಪಡೆಯಲು ಪ್ರಯತ್ನಿಸಿ . ಪೋಷಕರಿಗೆ ಮನೆಯಲ್ಲಿ ಮಗುವಿನ ಮೇಲೆ ನಿಗಾ ಇಡಲು ತಿಳಿಸಿ. ಪ್ರತಿ ತಿಂಗಳು ಮಗುವಿನ ಪ್ರಗತಿಯನ್ನು ಪೋಷಕರಿಗೆ ತಿಳಿಸುವ ಪ್ರಯತ್ನ ಮಾಡಿ . ಇಲಾಖೆ ವಹಿಸುವ ಕೆಲಸದ ಒತ್ತಡ ಮತ್ತು ವೇತನಕ್ಕೆ ಸಂಬಂಧಿಸಿದಂತೆ ನಿಮ್ಮ ಸಮಸ್ಯೆಯ ಅರಿವಿದೆ . ಆದರೆ ಅದರಿಂದ ನಾಳಿನ ಭವ್ಯ ಭವಿಷ್ಯ ನೋಡಬೇಕಾದ ಮಗುವಿನ ಮೇಲೆ ಯಾವುದೇ ಪರಿಣಾಮ ಆಗದಿರಲಿ . ಬೊಧನೆಯನ್ನು ಹೆಚ್ಚು ಆಕರ್ಷಕವಾಗಿಸಿ . ಪಠ್ಯೇತರ ಚಟುವಟಿಕೆಗಳನ್ನು ಸಾಕಷ್ಟು ಆಯೋಜಿಸಿ , ಮಕ್ಕಳ ಪ್ರತಿಭೆ ಹೊರಹೊಮ್ಮಲು ಅವಕಾಶ ನೀಡಿ. ಇದರಲ್ಲೇ ನಿಮ್ಮ ವೃತ್ತಿಯ ಯಶಸ್ಸು ಅಡಗಿದೆ. ಪೋಷಕರಿಗೆ ಹಿಂದೆಂದಿಗಿಂತ ಇಂದು ಪೋಷಕರಲ್ಲಿ ತಮ್ಮ ಮಕ್ಕಳ ಶಿಕ್ಷಣದ ಕುರಿತು ಕಾಳಜಿ ವ್ಯಕ್ತವಾಗುತ್ತಿರುವುದು ಉತ್ತಮ ಬೆಳವಣಿಗೆ . ಈ ಕಾಳಜಿಯಷ್ಟೇ ಸಾಲದು, ಮಗುವಿನ ಬೆಳವಣಿಗೆಯ ಹಸಿರು ಬೆಳೆ ಕಾಣಲು ನೀರು ಗೊಬ್ಬರವೂ ಬೇಕು . ಪೋಷಕರೇ , ನಿಮ್ಮ ಮಗುವಿಗೆ ನೀವು ಪಡುವ ಕಷ್ಟದ ಕೆಲ ಸ್ಯಾಂಪಲ್ಗಳನ್ನು ಪರಿಚಯಿಸಿ . ಅದರ ಅರಿವು ಓದಿನ ಕಡೆ ಉತ್ಸಾಹ ಹೆಚ್ಚಲು ಸಹಾಯವಾದೀತು. ಆಗಾಗ ಶಾಲೆಯ ಕಡೆ ಹೋಗಿ ನಿಮ್ಮ ಮಗುವಿನ ಬಗ್ಗೆ ವಿಚಾರಿಸಿ. ಆತನ ಒಳ್ಳೆಯ ಕಾರ್ಯಗಳಿಗೆ ಪ್ರೋತ್ಸಾಹಿಸಿ . ಎಂದೂ ಕೂಡ ಅನ್ಯ ಮಕ್ಕಳ ಜೊತೆ ಹೋಲಿಸಿ ಮಾತನಾಡಬೇಡಿ . ಸರ್ಕಾರಿ ಶಾಲೆಯಲ್ಲಿ ಗುಣಮಟ್ಟದ ಶಿಕ್ಷಣ ಹಾಗೂ ಹಾಲಿನಿಂದ ಹಿಡಿದು ಹಾಕಿಕೊಳ್ಳುವ ಶೂ ವರೆಗೂ ಎಲ್ಲವೂ ಉಚಿತವಾಗಿ ಸಿಗುತ್ತವೆ . ನೀವು ಮಗುವಿಗಾಗಿ ವ್ಯಯಿಸಬೇಕಾದ ಅಗತ್ಯವೇ ಇಲ್ಲ . ಮನೆಯ ಬಡತನಕ್ಕೆ ದುಡಿಯಲು ಮಗುವನ್ನು ಶಾಲೆ ಬಿಡಿಸುವ ಮೂರ್ಖತನ ಬೇಡ. ಮಗುವಿನ ನಾಳಿನ ಭವಿಷ್ಯಕ್ಕಾಗಿ ಒಂದಿಷ್ಟು ತ್ಯಾಗ ಮಾಡಿ . ಶಾಲೆಗಿಂತ ಮಗುವು ಹೆಚ್ಚಾಗಿ ಕುಟುಂಬದಲ್ಲಿ ತನ್ನ ಸಮಯ ಕಳೆಯುವುದರಿಂದ ಮನೆಯ ವಾತಾವರಣ ಆರೋಗ್ಯದಿಂದಿರಲಿ. ಜಗಳ , ಮನಸ್ತಾಪ ನಿಮ್ಮ ಮಗುವಿನ ಮೇಲೆ ಪರಿಣಾಮ ಬೀರುವುದರಲ್ಲಿ ಅನುಮಾನವೇ ಇಲ್ಲ. ಅದರ ಬಗ್ಗೆ ಸ್ವಲ್ಪ ಜಾಗೃತೆಯಿರಲಿ . ಶಾಲೆಯಲ್ಲಿ ಏನೇನು ಹೇಳಿಕೊಟ್ಟರು , ಅಲ್ಲಿ ಏನೇನು ನಡೆಯುತ್ತಿದೆ ಎಂದು ಮಗುವನ್ನು ವಿಚಾರಿಸಿಕೊಳ್ಳಲು ಪ್ರತಿದಿನ ನಿಮ್ಮ 30 ನಿಮಿಷವನ್ನಾದರೂ ಮೀಸಲಿಡಿ . ಮಗು , ಶಿಕ್ಷಕ , ಪಠ್ಯಕ್ರಮ ಮತ್ತು ಪೋಷಕರು ಶಿಕ್ಷಣಸೌಧದ ನಾಲ್ಕು ಕಂಬಗಳು . ಯಾವ ಕಂಬ ಊನವಾದರೂ ಶಿಕ್ಷಣವೆಂಬ ಸೌಧ ಧರೆಗುರುಳುತ್ತದೆ . ಒಂದು ನಾಡಿನ , ದೇಶದ ಪ್ರಗತಿ ಆ ದೇಶದ ಶಿಕ್ಷಣವನ್ನು ಅವಲಂಬಿಸಿದೆ . ಉತ್ತಮ ಶಿಕ್ಷಣಕ್ರಮ ರೂಪಿಸಿದಲ್ಲಿ ಒಳ್ಳೆಯ ಸಮಾಜವನ್ನು ನಿರೀಕ್ಷಿಸಬಹುದು. ಆ ನಿಟ್ಟಿನಲ್ಲಿ ಎಲ್ಲರೂ ಸೇರಿ ಹೆಜ್ಜೆ ಹಾಕೋಣ
-- *For doubts on Ubuntu and other public software, visit http://karnatakaeducation.org.in/KOER/en/index.php/Frequently_Asked_Questions **Are you using pirated software? Use Sarvajanika Tantramsha, see http://karnatakaeducation.org.in/KOER/en/index.php/Public_Software ಸಾರ್ವಜನಿಕ ಇಲಾಖೆಗೆ ಸಾರ್ವಜನಿಕ ತಂತ್ರಾಂಶ ***If a teacher wants to join STF-read http://karnatakaeducation.org.in/KOER/en/index.php/Become_a_STF_groups_member --- You received this message because you are subscribed to the Google Groups "SocialScience STF" group. To unsubscribe from this group and stop receiving emails from it, send an email to [email protected]. To post to this group, send email to [email protected]. Visit this group at https://groups.google.com/group/socialsciencestf. To view this discussion on the web visit https://groups.google.com/d/msgid/socialsciencestf/CALWUL%3D5xCU-7ctO_wqEx%2BT-WEaizj5fv%2B3724HPh%3D9NrzRnmiQ%40mail.gmail.com. For more options, visit https://groups.google.com/d/optout.
