--- In [email protected], Terang k Bangun <[EMAIL PROTECTED]> wrote: " .. Endam ningku sitik jenda nari ndaku gulung lebe isapku yah , taren ku nulis imel piah tercep cepku ka edenga mbako entabeh piah enggo melimber sitik kuaka adeh .. Ban cakapndu jena nari Bang JG ..."
Uga beritandu gundari, impal? Enggo kuidah ndekah kam la reh ku jambur si mandé angin énda. Gulung dagé isapndu, enta kuban cakapku arah énda, adi bagé nindu kam anak beru Bangun mergana éna. Bena percakapenta dahndu "méla mulih adi la rulih". Gendek tempa kuan- kuan énda tapi lit jé tersinget kerna si man legin. Entah kin belkih perburun, entah nurung kawilen, entah kai lah gia. Sada nari lit je tersinget, maka kuan-kuan pé ikuanken perbahan lit nge perberkaten ibahan bas sekalak berkat erlegi énda. Bas perberkaten énda, isingetken kai kin si man leginna janah si man leginna énda labo guna ia sekalak, tapi guna kerina jelma si peberkat ia. Bas peberkaten énda, tersinget me kerna erpasang. Pang me kalak erpasang maka banci ngénda rulih si man peberkatenken. Bas si énda, tentu méla mulih adi la rulih. Enggo ndai jelas kai man legin (adi nurung kin nurung, adi belkih kin ndai belkih). Enggo ka sengkebabahken kai si man legin é janah ban ka mé argumentasi engkai maka perlu jelma pang erpasang. Erpasang ningen é, bas kalak Karo, pang pedaret kinikerin perbahan enggo ndai ibahan argumentasina maka rulih naring. Méla lah mulih adi la rulih adi bage turi-turinna. Seh bas pengangkaku kerna kuan-kuan énda, kuidah ka cakapta bas jamburta énda mambur-mabur tah ja nari rehna, maka gejeken kuidah kalak si la beloh erburu asangken perburu tuhu-tuhu. Gelah bagi ia ka kalak é kerina, aténa (ku kerangen kin pé labo pang séakatan erburu), maka 'iributina' kalak si sangana erburu. Tempa tehna kal kai burun kalak é. Bagém ka sitek cakapku, impal. Enta kugulung ka 'mbako tabeh' énda ndai. La kuidah mbako Batukarang merekna, Mbako Kuta Kendit nina kuidah merekna, déh. jg
