Minggu si nderbih paksana tengah-tengah matawari rempet reh sada tenah la
erpudun. Anak beru si rulo minter kus-kas peseh tenah, arah talipon, SMS,
e-mail, koran-koran, arah ntah kai deba. Bagi si sengget me tuhu jelma si
enterm, anum enggo ersehatna nini Bulang nina, arah ije ka me ia minter lawes
ku inganna si rasa lalap. Pak Wakil Presiden asum isungkuni kerna nini Bulang,
tempa-tempa labo perlu cakapken kerna si 'la man sungkunen' paksa gundari,
nina. Enda iluh ibas mata denga, labo teng-teng ngeranaken si la teng-teng nina
erdalih. Soal lepak nini Bulang sanga erkuasa ndube kepe seh asa sipatna la kap
ise pe ngasup ngonggar-ngonggarsa. Tuhu kap si mbisa nini Bulang e!
Tuhu enggo me sai utang adat nini Bulang, cawir metua, bayak namura, mahantu
mbisa. Saja lit kepe tinading nini Bulang si lenga lalap la dung-dung, UTANG
SEJARAH. Nina pak Amin, kita maafkan saja Bapak, bage nina selaku sekalak si
ikut lengserken Nini Bulang nai. Ras kap marenda ia, ras Mega, ras Sultan, ras
Buyung si erban spanduk meganjang i Senayan 'Step Down Sxxxxxxx' . Gundari maaf
nina, Maaf kerna kai? Otoritas si natang layar-layar lenga bo kap pernah
ngataken ia ersalah. Kepe Nini Bulang lawes nadingken PERUBATEN SEJARAH man
sinur-surna. Ia kap pahlawan pembangunen nina sirulo, tapi ia kange diktator
pembungkam sejarah, munuh enterem kade-kadenta, bage nina imbang-imbangna. Payo
nge enggo mbue ngaruhna man bangsa, tapi lit kange si la payo. "Saya ndak punya
uang sebanyak itu!" nina ngaloi media. Tuhu kin labo Kam merso, la kam nggit
ersoal, tapi la kap lalap surung idungindu Bulang. Gundari Kam enggo lawes ku
ingan pengadin si rasa lalap. Uga nge pagi e Bulang?
Nini-nini si mate lalap la mulih, bapa-bapa lawes la ertenah, singuda mate
lenga ertuah? Uga nge pagi ningkami Bulang uiiii....uiiii....uiiii... Tangis
beru dayang lalap la erkedungen.
Martin Van Der Wind
www.perkantong-samping.blogspot.com
---------------------------------
Never miss a thing. Make Yahoo your homepage.
