Cakap-cakap wari libur
Berastagi . . . berastagi . . .
Timai timai kel aku . . . permotor PMG . . . ikut ateku sada . . . ku
berastagi . . .
(perkolong-kolong Bengkel Pinem alm)
Erloning denga lirik lagu enda bas pusuh perantau Karo enda. Uga pagi dungna
loning lagu enda man generasi terusenta, lenga bo tersuratken gundari, gia
enggo me tersiratken bas pusuhta, gelah lagu enda erloningen lah min asa lalap
bas pusuh generasi Karo.
Enggo muat positifna berita pemko Berastagi enda ndai, tapi ula kita megangsa
lebe tawa, bagi cakap-cakap perkede sebab erliku-liku denga nge dalan enda
ndai. Pemekaran Langkathulu pe positif bagi si enggo ipostingken Carolus Rudy
Pinem ku milista. Raduken enda, berita Protap (Propinsi Tapanuli) pe enggo lit
positifna. Kai denga ka kari adi enggo lit positifna soal Tabagsel. Duana
propinsi enda erpengaruh positif man pemekaran daerah Karo pe, terutama
Propinsi Karo, sebab adi duana Protap ras Tabagsel terlaksana, bagepe Nias jadi
propinsi sendiri bagi Bangka-Belitung, maka man banta kalak Karo lanai bo
kapken mbuesa man pilihen. Sumtim atau Propinsi Karo. Adi Sumtim tanpa Karo,
maka daerahna menyusuri pesisir timur dari T Balai terus ku Pangkalan Susu,
pendudukna mayoritas kalak Melayu delang ras Pujakesuma, sidebanna Karo,
Simalungun, + etnis-etnis pendatang sidebanna si enggo ndekah i Sumtim. Etnis
Simalungun ras Pakpak la mungkin erbahan propinsi sendiri (tingkat
perkembangan sigundari). Pakpak kuja? Gabung propinsi Karo atau ALA. Labo kita
similih, tapi tetap tangan terbuka adi ras kita kari jadi pilihenna, Karo labo
kap melewas.
Propinsi Karo enda perlu denga imekarken piga-piga daerah otonom selain
Berastagi ras Langkathulu, emkap Delihulu-Serdanghulu, Singalorlau ras
Tanehpinem-Tigalingga gelah banci memenuhi syarat pemekaran propinsi, min 5
daerah otonom. Daerah Tanehpinem/Tigalingga pernah ngataken sura-surana gabung
ras kab Karo pisah dari Dairi yang tadinya masuk Taput. Daerah enda cukup luas,
cukup potensina bagepe pendudukna. Tambang timah Dairi ijenda kapken. Maka
madin kuakap jadi kabupaten sendiri tapi ikut kari ibas propinsi Karo sebagai
salah sada daerah onomomna.
Ngalo-ngalo berita positif pemko Berastagi enda ndai enggo teridah meriah
ukurta kerina. Ma enggo mantap. Adi enggo pagi terwujud, proses tahap
berikutna, pembagian cimpa unung-unung. nina sg, janah erkibot, Selamat nina
Christina Ginting nambahisa. Atau la gia seh ku aku langsung, seh nge pagi man
sangkep geluhku . . . nina Bp Nona Sampaguita. Tapi bicara temantalah gia
dat cimpa unung-unung, maka galang kang kari kemungkinenna, kita pe denggo dat
cimpa kang, gia la secara langsung kita ndatken cimpana enda ndai, erkata ka
Alexander Firdaust. Deso kata-kata enda kerina seh kapken ku pusuh, ku pusuh
jelma enterem.
Kab Karo ras bupatina njemak kartu truf si luar biasa ka pengaruhna, sebagai
katalisator ibas pemekaran daerah-daerah enda terutama pemekaran Singalorlau,
Berastagi ras ka pe pemekaran daerah Tanehpinem/Tigalingga, janah seterusna
mbangun propinsi Karo. Maka perkembangenna kari bagi semacam perlombaan erbahan
jasa man Karo enda ndai, berlomba erbahan bangunan dasar infrastruktur Karo
ngepkep piga-piga generasi ku lebe, emkap Propinsi Karo. Erlomba erbahan jasa,
perlombaan mulia kapken enda. Kerina kita banci ikut menurut kemampuanta ka,
gia kab Karo ras Bupatina lit trufna bagi sikukataken idatas. Maka ia mbelin
kemungkinan banci pemenang pertama ibas pertandingan erbahan jasa enda, jadi
gubernur propinsi Karo. Tapi tetap ka terbuka man kerina pelomba sideban, truf
adah ndai labo jadi jaminen menang 100%, tapi jadi katalisator ibas percepatan
pemekaran daerah maka mbue ka mempengaruhi struktur pikiran masyarakat, ertina
milih ise si mbuena jasana. Anak-anak muda bagepe
mahasiswa Karo dat kesempatan pertama ikut ibas kegiatan propinsi. Kesempatan
pertama ibas sejarah perkembangan Karo. Kombinasi kecekatan dan pengalaman,
junior-senior fifty-fifty, Si ubah sekali paradigmata rukur, tah uga kari
mawen(sg). Mendebarkan jantung tentu, tapi kai kin siman kebiaren, si negatif
adah ndai? Tinggal mengubahnya jadi positif, janah enda mampu kita.
Man penerus generasi Karo labo kapken lit persoalen ise si menang, ise si dat
tanggung jawab utama ibas menciptaken fundasi pertama infrastruktur Karo enda
ndai ertina jadi gubernur propinsi Karo. Propinsi ras gubernurna enda kari jadi
perpanjangan tangan pusat, ertina lanai perlu calo ibas hubungan Karo ku pusat.
Dana kaipe DAU, DAK, dana pendidikan rsd lanai perlu lewat etnis dominan Sumut,
bagepe pengiriman wakil propinsi ku Akademi Militer, Akademi Polisi, IPDN,
Akademi Finans dsb. Enda tentu sada lompatan besar banta ras piga-piga generasi
kulebe.
Gedung Wanita Karo
Kataken, turiken pemettehta, ngerana!, enda ku kutip bas milis nari. Enggo
kuakap sesuai ras kerehen cakapta bas milis enda. Kerina si metteh soal enggo
ngataken katana. Enda ma enggo sada perkembangan pertama si penting, sebab adi
la lit permulaan pe, arah ja nari kita masuk mulaisa. Sinik-sinik arah duru
nari simulai? Kerina kita mulaisa alu sinik la ngerana. La kita ngerana, tentju
lit kang kari singerana, ertina kalak sideban. Singerana nge kari rusur
sierbahan, si menentukan. Si la ngerana si itentukan (nasibna ras perdalanen
geluhna). Tapi enggo me kuakap lit tanda-tanda bas ukurta ngubah paradigma
rukur ndai, . . . ngerana Bagepe bas soal gedung wanita Karo enda, si mulai
bas gedungna nari, lang sipentingna kapken labo gedungna tapi wanitana, wanita
kalak Karo enda ndai, bagepe wanita Indonesia umumna. Nasibna sigundari ras
kemungkinan perkembangenna. Enda nge siperlu siranaken. Siranaken ras kalak
wanita enda ndai ka, gelah kita sidilaki faktor pembantu nge min
ngenca. Pedarat katandu beru silima! Termasuk kam si nguda-nguda denga, sebab
bas kam ka nge pagi cibalna nasib generasi terusen Karonta, labo ngenca
generasi si diberu tapi pasti kang si dilaki pe.
Enggo ndai ndarat piga-piga pendapat, ertina enggo ka lit si dat informasi si
ugapane gia, lang ja nari kin ndai simulai. Melala pendapat, melala ka erbage
info ras sudut pandangan. Kini erbagèn pendapat enda nge kapken siperlu, megati
kutulisken. Piga-piga pendapat bas biro Humas GBKP, perorangan atau resmi. Mbue
ertina man banta kalak Karo sideban, dasarta erbahan pendapatta ka, si
erbage-bage ka.
Gedung Wanita Karo adalah kebanggaan dan simbol bagi kaum wanita Karo, yang
ingin tampil didepan berperan aktif membangun Kota Medan, janah satu-satunya
punya gedung adalah wanita Karo, demikian disampaikan Pt. Theopilus Sinulaki
yang juga Biro Humas Moderamen GBKP kepada wartawan, Selasa (19/2) di
Kabanjahe. Bicara la gia enda resmi bas GBKP nari, labo ngurangi gesah
kata-kata adah ndai. Uga gia ndai mejinna gedung wanita adah ndai, tapi ia
kapken enggo jadi simbol ras kebanggan man wanita Karo. Enda me ndai si merga
ras mehaga, maka jadi kebanggaan, labo ngenca man Badan Pendiri Yayasan
Pembangunan Persatuan Wanita Karo, tapi man kerina wanita Karo, lebih luas lagi
pasti kang man kerina kalak Karo, sebab satu-satunya etnis i Medan yang punya
gedung wanitanya di Medan, janah enggo setengah abad ka umurna. Entah labo
kuakap perlu si hubungken ras perjuangan ethnic groups self-assertion, tapi adi
etnis sideban mindai berusaha menghilangkan gedung wanita Karo enda,
tentu turah kang kecurigaanta soal perjuangan enda ndai. Man etnis Karo ngenca
arti simbolic ras kebanggan enda ndai mbelin (positif), tapi man etnis sideban
tentu buen arti negatifna (ibas tingkatan pemikiran kesedaran antar-etnis
sigundari).
Tapi ugapape enggo simulai ngerana. Terusken ngerana soal enda, menggali
kerina seluk belukna, gelah muat buena kari manfaatna man br si5. Dalan si
ipilih banci tengteng tapi banci kang keliru. Tapi adi siranaken rasras,
kemungkinan muat kitikna kekeliruan.
Adi lit kekeliruan, enda sianggap kekeliruanta kerina sebagai etnis Karo,
gelah rasras ka kita pesikapsa. Ise kin kalak Karo si atena la pesikap
kecibalen kalak Karo, terutama ka wanitana?
Enda ka lebe
Selamat berhari libur
Bujur ras mejuah-juah
MUG
--
---------------------------------
Ta semester! - sök efter resor hos Yahoo! Shopping.
Jämför pris på flygbiljetter och hotellrum:
http://shopping.yahoo.se/c-169901-resor-biljetter.html
