Mejuah-juah Permilis Sirulo, Salam kenal bas aku nari Tarigan Kerandam Tua alias Pa Jungut. Maka nikataken pe aku Pa Jungut, perban jungut-jungut kin ngenca dahinku. Emaka ula kari atendu mamang adi kehadirenku bas milis enda jungut-jungut saja ngenca kari silalap.
Tapi dahndu, pudi wari enda enggom ka aku nikataken Pa Pengkawil-kawil. Bagenda turi-turinna maka tergelar ka aku Pa Pengkawil-kawil. Lit sada namo, kueteh namo enda me lubukna, je kang kualana nateku. Kutaktak kawilku, lalap la ngetar moran e. Peduawariken, kuulihi ka, lalap la talkupna. Peduawariken kuulihi ka, lalap la talkupna. Piah je me aku belbel dua wari sekali ngkawili peitan. Dungna kataken kalak aku Pa Pengkawil-kawil. Ngilas kin ateku lalap la talkup peitan ah ndai kawilku. Kueteh nge enggo anggehna umpanku e. Tapi lalap la talkupna. Ma reh ngilasna kuakap. Kutaktak me dua wari sekali kawil i namo ndai. Bagem lebe perkenalenta. Enggo ka aku mbuesa ngerana pe e. Pagi kedun dahndu melusam ka me cakapku jungut-jungut. Apaika dahndu adi lalap kin la talkup peitan ndai umpanku e. Kupasang nge kari kotoren sinasa kotoren jadi umpan gelah talkupna. Biasana pengkawil-kawil kolam pancing i Medan enggom angkana katangku e. Salam man impalku Evie Sitepu. Pa Jungut
