renungan ka enda
cuplikan dari halaman 53
. . .
Semua dalam perjalanan
Dengan berbagai takaran dan langkah
Berbagai semangat dan dorongan
Dan anda sendiri bagaimana?
Ndai ngunjungi sada pameran lukisan, "eta kita kujah pa", nina Wendy (anakta).
La ndai mis kuantusi kai kin maksudna, tapi enca kuorat-orati kujah-kuje, piah
kuangkai kerina, ndahi sada pameran lukisan sekalak temanna ibas sada lokali
VSA (Very Special Arts) – seni dan lukisan bagi retarded people. Piga-piga
lukisanna ndai enggo ka lako, ergana sekitar 800 ribu sampai 2 juta adi i
rupiahken. Lukisan si tading lenga lako ergana paling mahal sangana kami seh
ije. Lit ka nge min ate nukur sada lukisenna adah ndai, mereken semangat janah
mbantu sitik perkembangan ’etnis spesial’ enda, tapi enca kugargari dompet, la
ka cukup nukur lukisan si lenga lako ndai, perbahan tading simahalna ka. Tapi
la gia ersen ma banci kang mereken semangat teku ka, kukundulken bangku deher
pelukis adah ndai, ngerana-ngerana periah ukur mereken semangat lah gia
maksudku, gia labo aku yakin kal adi ia terhibur, sebab kutteh nge pameran adah
ndai kapken ndayaken
lukisen-lukisenna nge tena.
Encage ku oge-oge buku-buku ras majalah kalak enda, buku puisi campur prosa si
mbaru ka terbit, menarik ka kuakap arah judulna sajape cocok kuakap: antologi,
menyunglap diri jadi terlihat. Puisi bagepe prosana tuhu-tuhu sesuai ras
judulna adah ndai, menarik, janah la ka isangka-sangka. Arah edi kalak enda
pasti banci terlihat ku dunia.
Kusungkun ergana 200 ribu nina, tertukur nge teku.
Sekalak penulis puisina mis reh ndeheri aku alu langkah ngempas-ngempasken
nahena susah kapna erdalan pe, janah erkata bangku, si kutulis halaman 53 nina.
Kubuka halaman 53, ku oge . . . ih, jadi aku . . .kuja kin enda perdalanenku. .
. retarded people, la kin aku nge situhuna si enggo ketadingen?
Selamat week-end
MUG
__________________________________________________________
Går det långsamt? Skaffa dig en snabbare bredbandsuppkoppling.
Sök och jämför priser hos Kelkoo.
http://www.kelkoo.se/c-100015813-bredband.html?partnerId=96914325
