Refleksi ka sitik minggu enda
Mejuah-juah permilis sirulo kerina
Enggo ka seh mingguna, melala dahin si enggo dung, melala ka si lenga dung
alias terbengkalai. 'Kai si ladung e me si erbahan stress' nina pepatah Swedia.
Enggo hafal aku pepatah enda, maka aku ka nge rusur si kenna sidingna. Maun
piah lit ka mentas bas ukur, pepatah enda erbahan muat stressna kang, terutama
adi muat buena si la dung ndai. Eh . . . kontradiksi ijapape. . . .Ugakin enda,
"Salah nge ndia aku?". Kalimat enda ku kutib bas tulisen Bang KT nari, soal
beras naik, beras turun. Teringet aku kalak extravert barat adi nungkun "Am I
right?" nina, maksudna situhuna ia enggo tengteng, sambil mindo konfirmasi
kebenarenna man pendengar. Perdiateken jenda, kata sipakena emkap kata 'right'
labo wrong atau 'salah' bagi sipake kalak Karo Bang KT. Kalak Karo, kalak
introvert, jelas maksudna kuakap labo gelah konfirmasi tapi evaluasi, ertina
sambil nungkun dan sambil jalan gelah banci memperluas janah memperdalam
persoalenna, alu tambahan pendapat bas
teman-teman sirulo nari. Jenda salah sada kelebihenta sebagai kalak introvert,
gia melala kang kekurangenta si enggo jadi penghalang bas proses
perkembangenta. Sebagai misal si enggo kuakap kerina kita nggejapkensa: ula
sipanjang punjuten, aku perliah, aku kalak mesera, rsd rsd, piah enggo ka lit
kalak ahli erbahan penyelidikan bas soal 'nasib' kalak Karo enda ndai. Payo
enda jadi penghalang perkembangan pikiran dinamis bas kita.
Salah sada kelebihenta, ningku ndai idatas, janah 'sambil jalan' ningku,
maksudku la kapken berdiam ditempat maksud evaluasi Bang KT adah ndai. Erdalan
kerina, waktu bagepe perukurenta, bagepe milista. Ma lit nge gerakan (motion)
bas kalimat 'salah nge ndia aku?' adah ndai?. Enda me perukuren Karo nai nari,
Karo sinoria bagepe Karo si gundari, tersirat je motion adah ndai, sedar atau
la sedar kita. Atau la kin sedar nenek moyangta sinoria? Entah sedar nge. Atau
la kin enda nge situhu.
Panta rei nina Heraclitus 500 th BC. Kai pe bergerak nina. Pemikir dialektika
pertama nina kalak barat. Ja nari kin itteh kalak barat enda adi kalak Karo
enggo metteh dialektika (motion) bas pemikiran (teori) bagepe bas praktek ndauh
sopelenga tubuh Heraclitus. Pemikiren Karo atau karyana la lit tading, uga kin
adi itulis (adi lit ka sinulis) i batang buluh atau rumah kayu, 100 tahun enggo
macik kerina la lit bekasna. Kai si mungkin lit, arah kuan-kuan ras way of
thinking si terus jalan asa gundari, edi me buktina. Adi seh sura-sura tangkel
sinanggel ninta, enda me kakpken gambaran sejati dialektika ndai. Adi
ipantikken dua batu janah ipedeher ije puluk (kapas batang pola) mis nge gara
api. Batang pola ras batu enggo lit i Karo (Sumtim) ndauh sope tahun masehi.
Pertentangan (sipantiken) dua benda atau dua hal-ihwal dalam kondisi tertentu
akan melahirkan sesuatu yang baru (tesis-antitesis-syntes). Ribuan tahun
kemudian baru ditulis oleh Hegel, Karo sudah
lama memikirkan dan mempraktekkan.
Mulihken kita ku gerakan (motion) si tersirat bas 'salah nge ndia aku' adah
ndai. Bas milista enggo megati tersinget (posting piga-piga teman milis) uga
dage memanfaatkan kelebihenta sebagai introvert adah ndai gelah banci sebagai
faktor pendorong perkembangenta. Sebab adi aku perliah, aku kalak mesera, ula
sipanjang punjuten rsd ninta la erngadi-ngadi, ja kin enda kari kedungenna. Kai
pe sirusur ikataken atau la erngadi ngadi ikataken, enda me jadi 'penggagah'
(panglima atau pendominasi) bas perukurenta. Kai si nikataken emkap pencerminan
perukuren, ertina lekket bas takalta. Tapi adi si inget rusur pemikiren Karo si
positif adah ndai, ma lain kang efekna. Kerina bas gerakan janah dialektis! Kai
pe lit ibas gerakan janah bas pertentangan (kontradiksi). Janah enda me
gambaran kenyataan termasuk ibas perukuren manusia. Adi bagenda kita rukur ma
enggo me sada langkah kita leben. Pikiren sinoria kalak Karo enda ndai
siterusken, sipraktekken janah
sikembangken ibas kegeluhenta sigundari. Perubahan, perubahan, ninta mekatep,
atau revolusi perukuren nina dr Supredo Kembaren. Ja nari simulai? Enda me
salah sada permulaan ndai
Enda ka lebe
Selamat week-end
MUG
__________________________________________________________
Ta semester! - sök efter resor hos Kelkoo.
Jämför pris på flygbiljetter och hotellrum här:
http://www.kelkoo.se/c-169901-resor-biljetter.html?partnerId=96914052
