--- In [email protected], ray ginting <ray_g...@...> wrote: "... adi sembuyak, adi siartiken kel, sada mbuyak, berarti sada beltek e. kuakap sada keturunen denga ia, tapi ija batasna keturunen e, e kurang ka kuangka. adi senina, sada nina, berarti e ikataken man sada merganta. emaka payonge kuakap bahwa sembuyak itu adalah bagian dari senina ..."
Adi kin mbuyak seri ertina ras beltek, beltek dilaki nge ndia tah beltek diberu tah la erndobahen? Adi la erndobahen, uga maka la lit simakesa kata mbuyak seri ertina ras beltek? Misalna: "Galang kal mbuyakna." La lah mbuyak enda ertina kandungan ibu? Akulah ningku sekali contohna, kalak Ginting Munte bebere Karo-karo Sitepu ndai aku. Teruhen bapaku ngempoi Sembiring Pandia, maka anak-anakna kalak Ginting Munte bebere Sembiring Pandia. Bapa kalak enda ras bapaku bebere Karo-karo Gurusinga. Kami banci nge ersembuyak banci kang ersenina, ngenehen inganna. Adi ku kalimbubu Gurusinga, ersembuyak kami perbahan nini kami sidiberu (nande bapa kami) beru Gurusinga. Adi ku kalak Sitepu enggo kami ersenina, perbahanken la seri nande kami. Adina kin bagi katangku e, ma enggo ka ateta mamang? Adikin mbuyak enda ertina kandungan ibu, uga ka maka garis keturunan arah bapa? Lit ka kuakap pertengtengna kata Masri Singarimbun bas disertasina Kinship, Descent and Alliance among the Karo Batak (1975). Kalak sada clan ersenina, kalak sada sub-clan ersembuyak, nina. Masalahna, la jelaskenna kai clan kai sub-clan adi iterapken bas Karo istilah e. Adi siikuti alur pikirenna, Ginting clan bas ia, Ginting Munte subclan. Emaka, menurut kerangka berpikirna, kerina kalak Munte ersembuyak. Kenyataanna la bage i lapangan. Lit 2 urung panteken kalak Munte; Sipitu Kuta Ajinembah ras Si Pitu Kuta Tengging (masing-masing terdiri dari beberapa kampung/kuta). Munte simanteki urung Si Pitu Kuta Ajinembah la banci ersembuyak ras Munte simanteki urung Si Pitu Kuta Tengging. Adi min nina ndai Singarimbun sub-clan adalah merga yang bernilai territorial urung, e enggo pas katana e. Maka Munte Ajinembah sada sub-clan, Munte Tengging sada sub-clan nari ka. Bage kang bas kalak Sitepu. Sesapih Sitepu Empat Teran ersembuyak, sesapih Sitepu Si Enem Kuta (Sukanalu Simbelang) ersembuyak ka. Tapi Sitepu Empat Teran ras Sitepu Si Enem Kuta ersenina, perbahan enggo lain urungna. Sada keturunen kalak enda tah lang (adi nina turi-turin ue), adi enggo lain urungna enggo ia ersenina, lanai banci ersembuyak. Bali pe gelar merga nibabana (radu Sitepu nge duana), adi enggo lain urungna berarti lain kalimbubuna. Jadi, siidah gia ma labo garis keturunan tok je si man ukurenta. Tercakup ije soal hubungan perkawinan (marriage alliance) ras soal wilayah (territory). Mari ka siukurken ras-ras. Asah otak ka kita sekali soal sembuyak ras senina. jg
