PEMILIHAN KANGNONG TANGERANG 2009 Mejuah-juah Turang, Senina, Teman i Jambur enda... Gelarna JILLENA OSETA G. MUNTHE, diberu, 17,5 tahun umurna, pas ka mbaru tamat SMA ia. Arah gelarna e lahgia dahndu ma enggo me ia teridah Kalak Karo man banta. Bagi pada umumna beru Silima dahkam kemauanna seh kal kerasna, rajin, erkesehen adi ngerana, janah beluh erteman. Tambah sie kerna prestasi sekolahna mulai SD,SMP,SMA Tarakanita Gading Serpong Tangerang ntah lagia datna nomor sada, tapi tuhu la mengecewaken, sebab ibas 10 besar nge ia rusur. Paksa kelulusen SMA mbaru enda ndai pe dahndu lulusen terbaik nomor dua kang ia ibas angkatanna. Ntah uga ka pagi ku perlebe la ka tuhu siangka. Tambah sie beluh ka ia landek terutama modern dance, tamborin tupung erminggu i Gereja, bagepe main piano. Salahna sitik emkap lenga erlajar Tari Karo ma bage? Ercakap Manggris pe fasih nge, sitik ka Mandarin. Kurangna emkap terbetat cakap Karo, terjeng je enggo buen kekurangen orang tua. Situhuna enggo me ia mendaftarken diri ku Univ.Multimedia Nusantara Jurusen Komunikasi, tapi tes ka ia UI lewat SNPTN. Janah-janah nimai hasil pengumumen awal Agustus pepagi, cubakenna ikut seleksi KANGNONG Tangerang 2009(adi i Jakarta Abang None ningen) janah seh me ia ku Grand Final sinilakoken tanggal 18 Juli 2009 si reh enda i Gedung Cisadane Tangerang. Bagi si sangana ermusim gundari dahndu kaipe perlomban sibuen dat dukungen sms kuidah rusur simenang, bagepe perlomban KANGNONG enda ndai. Bagem nina panitiana bagelah. Jadi pala-pala enggo benaken si Jillena enda ndai ma pebetehken dage ku jelma sienterem ate ka, walaupe siantusi nge labo kita kalak enterem. Jadi enda me turi-turin gendek gelah enggo tehndu karina ersikap. Adi enggo petandaken ku jelma sienterem bagenda kuakap kita karina nge siempuna Jillena enda ndai. Enda ka kepe sada dalin kitik-kitik peembarken Karo enda ndai ninta. Selain dukungen ibas toto dahndu dukung ia alu sms simbuena... Ketik : IM3<spasi>kangnong14 kirem ku : 085780720007.. Sibarem, Bujur. RGM
