RENUNGAN KULTUR
Enggo megatikel kita ngerana atau ngeranaken kultur, terutama kultur Karonta.
Maon turah kang bas ukurku, kai kin situhuna kultur enda ndai? Tiap jelma
kuakap pasti lain definisina, terutama kultur Karo, kai kin e? Bagi simekisat
kang aku nangkelisa terbagasen, sebab kai pe ibahan definisina tetap nge
tengteng, asalken 'erpalasken ukur meciho' salin kata sembuyak kami California
nari. Maon mentas kang bas ukurku, ntah enda semacam kode saja nge bas
kegeluhenta. Adi ersenina kita ningku (tutur ersenina banci arah bapa banci ka
arah nande), atau erbengkila kam ningku, enggo me cukup mbages antusenna, gia
kalak Karo ngenca simungkin ka ngantusisa, sebab ije enggo ka termasuk asal
usul atau keturunen ja nari, seh luasna jangkauan arti senina atau bengkila
adah ndai. Adi bersaudara kita ningku atau we are brothers ningku, enda biasana
maksudna si utama gelah ula kita sitampulen (kode perdamaian), maka lanai bo
kode Karo ndai enda, enggo lain antusenna,
lebih sempit atau banci kang lebih luas tapi je kari butuh penjelasan extra
ka. Bas kultur Karo banci enggo termasuk ije 2-3 keturunen perlebe bagepe
saling hubungenna ku manusia Karo sideban. Kai gia ninta, ku ikutken ka jenda
sada definisi kultur ndai si kuakap lebih cocok bas perukurenku (bas Wikipedia
nari).
the set of shared attitudes, values, goals, and practices that characterizes an
institution, organization or group.
Definisi enda cocok nge kuakap, ertina melala si banci icocokken ras kai
siterjadi bas kita. Enda kapken seperangkat sikap dan penilaian yang
dipraktekkan oleh satu etnis misalna kita Karo bas kegeluhenta. Ilustrasi
pencerminan kultur enda erbage-bage. Banci kang sada contoh bagi sipostingken
P.Sitepu bas milista uga attitudes, values bagi sinipraktekken pengawal
"kadekade Pak Bupati" i Dolu. Enda pe pencerminan kultur ndai kang. Jenda
lanai sesuai ras 'Karo ingan cio cilinggem, jelmana mehamat kerina'. Engkai
maka banci terjadi bage? Melala jawabna, tapi sada teku kupeseh emkap jenda
soal dominasi kekuasaan. Lanai bo teraguken, ijapape janah katawari pe bas
perdalanen sejarah enda, kekuasaan banci berfungsi pejile perkembangan kultur
atau perusak perkembangenna. Atau bagi sikataken P.Sitepu: "Apakah petugas
retribusi di Dolu memang harus dari penduduk kampung lain dan harus family
Pejabat???" Seterusna nina "Apakah Pariwisata dapat maju tanpa
keramahan (baca: senyum dan penampilan simpatik petugas) ???"
Jelma Karo simehamat ndai tetap nge lit janah perlu denga, gundari terutama bas
era turis enda, ije turism enggo atau banci jadi sada industri tersendiri
sebagai sumber PAD bagepe kehidupen pendudukna. Encage adi kuakap labo mesera
mobilisasi sopan santun ras kejujuren Karo enda, sebab enggo me lit dasarna bas
kultur Karo, jelmana bujur ras mehamat. Selebihna simenentukan bagi si
tersinget adah ndai, emkap attitudes ras values siberdominasi ndai, ertina
kekuasaan (power), pejabat ras petugasna di daerah/lokasi, sikap saling
menghargai dan menghormati sesama manusia. Tersinget pepatahta, adi guru
kencing berdiri . . . mberat akibatna.
Seterusna adi kuperdiateken ka definisi Wikipedia adah ndai, bagi si lit denga
ka kuakap kurangna, terlalu statis kuakap adi kubandingken ka ras kai sirusur
jadi kebiasaan bas milista: kai pe dalam gerakan. La kap lit benda kaipe adi
lalit gerakan (motion), termasuk kang kultur enda ndai. Bagi siterkesan ka aku
ngoge kata-kata penulis cultural imperialism, Herb Schiller nina:
The attainment of critical consciousness is not an ultimate destination, but an
ongoing process whose unfolding will continually surprise and confound patterns
of thought and habit that prevail at each point along the historical road of
human development. Current efforts at communications-cultural policy making
must be seen and understood in this way. However advanced or primitive the
formulations may be, they are only markers on an endless road to the
realization of human potential.
(Herb Schiller, 1976 Communicatioan and Cultural Dominatioan)
Nggedang formulasi Schiller enda, tapi adi kupegendek praktis, enda enggo me
mekatep sicakapken bas milista (dialektis) emkap: proses si la erngadi-ngadi,
perkembangan hal-ihwal bas pertentangan segi-segina, atau gendekna
tes-antites-syntes. Schiller ngikutken istilah critical consciousness, istilah
sienggo ipake 1971 pedagog Brasilia Paulo Freire tentang pendidikan dan
pengajaran secara dialektis. Jenda critical consciousness maksudna salah sada
emkap kesedaran manusia akan situasinya sendiri dalam kehidupan sehari-hari
ditinjau dari kontradiksi sosial dalam masyarakat. Bagi contoh sigundari
misalnya meningkatnya pemahaman etnis-etnis minoritas (ALA-ABAS) dibawah
tirani etnis mayoritas kalak Aceh di NAD atau kalak Tapanuli di Sumut. Atau
antara murid dengan guru dalam wajah pedagogi Paulo Freire, adanya kesedaran
dipihak murid dan guru untuk bersama-sama memfaatkan potensi besar kemanusiaan
yang tersembunyi dalam tiap machluk manusia. Maka
ijenda Freire Paulo ngutamaken dialog sebagai pendorong dan pembangkit daya
cipta (the realization of human potential). Tapi dialog banci mungkin terjadi
adi lit imbangan kekuatan (keseimbangan) antara kedua pihak. Jenda jelas nge
teridah dialektika pedagogi Freire Paulo.
Maka labo erngadi-ngadi gerakan (motion) kultur enda ndai along the historical
road of human development. Uga geraken enda, apai siberdominasi janah kuja
arah gerakan kultur siberdominasi enda ndai bas tingkat tertentu perkembangan
sejarah, enda me kuakap si crucial. Crucial perbahan je lit element-element
bertentangan (kontradiksi), tapi labo keharusan antagonis.
Gia perdalanen kultur adah ndai sebagai proses nge rusur, tapi dominasi kultur
ras gerakenna, enda lit misina tertentu. Ibas zaman Soviet, memperluas budaya
Rusia, misina emkap mengukuhkan kekuasaan Kremlin. Ibas era sigundari, era
destroy and rule (Irak, Afganistan) alias era disaster capitalism (Naomi Klein)
tujuanna emkap meringankan atau mnelapangkan jalan bagi kekuasaan global demi
duit atau kekayaan. Dominasi kultur atau pengaruh kultur enda mengabdi politik
duit atau kekuasaan global. Jadi ibas tingkat perkembangan dunia gundari,
ketiganya (kultur, duit, kekuasaan) saling memperkuat. Fenomena enda la
terbantah (teori bagepe praktek) termasuk bas contoh kecil DTW Desa Dolu bagi
simbaru denga ipostingken P.Sitepu ku milista.
Cultural Imperialism.
Periode 60-70an enca berakhir periode kolonialism, maka reh ka periode
imperialism. Je melala teori soal imperialism, gia istilah imperialism enda
enggo imulai Lenin sope revolusi Rusia 1917. Ibandingken ras cultural
colonialism sidefinisina lebih jelas misalna dominasi kultur Rusia atas etnis
minoritas sangana zaman Soviet. Atau dominasi kultur Aceh atas etnis-etnis
minoritas di NAD untuk mempertahankan batas lama NAD dari zaman kolonial, alias
membelenggu etnis-etnis minoritas supaya tidak keluar dari kekuasaan orang Aceh
(NAD). Ula ka kita lupa i Sumut, dominasi etnis mayoritas dan tirani etnis
mayoritas Tapanuli. Jenda pe termasuk kang sikap mempertahankan batas-batas
lama kolonial terutama atas Karo ras daerah ulayatna.
Soal cultural imperialism gia la sederhana definisina, sebagai salah sada
sipertama secara resmi nulis teori cultural imperialism permulaan tahun 70-an,
ia (Schiller) perlu erbahan penjelasan panjang lebar. Penentangna tetap melala,
enda labo teori nina kalak enda. Tentu terutama karena teorinya langsung
menusuk jantung disaster capitalism sekarang. Herbert Schiller menganjurkan
pemakaian istilah cultural imperialism untuk menggambarkan dan menerangkan cara
yang dipakai perusahaan besar multinasional dari negeri maju, termasuk semua
medianya, dalam usaha mendominasi negeri-negeri berkembang. Adi siperdiateken
kritik-kritikna maka je nari pe mis kang si dat hakiki cultural imperialism
adah ndai. Kritik utama emkap reh bas pemilik kapital besar nari, ras
teoritik-teoritik bagepe media si mengabdi kapital besar global.
Misi atau tujuan dominasi cultural imperialism enda pe jelas nge siidah emkap
mendukung atau meringankan politik ekonomi mencari duit/kekayaan, mengeruk
kekayaan alam negeri berkembang, bagepe merintis jalan meringankan penjualan
barang negeri bersangkutan (pemasaran).Cultural imperialism global membantu
atau mengabdi misi utama enda.
Kritik sidebanna nina emkap kerina kultur dunia saling mempengaruhi, jadi la
lit cultural imperialism nina. Tapi bagi sikujelasken idatas, gia kultur dunia
enda campur aduk, tapi apai si berdominasi janah kuja arahna, enda lanai
tertutupi. Kultur negeri berkembang la berdominasi janah arahna labo ku negeri
maju. Kai simenentukan arah enda emkap kerina kekuatan dibelakang kultur enda
(ekonomi, politik, militer, teknologi) termasuk dari kekuatan agama bagi
situlis Kikin Tariga bas milista: "Di kalangan Katolik Eropa (di era Gold Glory
Gospel), penghancuran kultur diamini sebagai pembebasan bangsa2 primitif dr
ketertindasan. Hingga saat ini Amerika Latin, Flores dan Papua ternyata hanya
lepas dr mulut harimau ke mulut srigala..." , atau sidebanna bagi sipostingken
MJS, mereka "cepat mengadakan antisipasi sejak dini".
Enda ka lebe sitik merenungkan kultur enda
Mejuah-juah kita kerina
MUG
--
__________________________________________________________
Låna pengar utan säkerhet. Jämför vilkor online hos Kelkoo.
http://www.kelkoo.se/c-100390123-lan-utan-sakerhet.html?partnerId=96915014
