Mejuah-juah, 'Ngerana' nina Mama MUG, 'parle' nina ka perpolitik, maka dungna lit gelarna 'parlement' memang tugasna ngerana.
Ibas parlemen enda ndai katepen keputusan iputusken idarat arah lobby, baik dr persekutuan doa, makan bersama, karaoke tah pe golf. "Entabeh menu ku enda Boss, bandu deba?? "Iyah, enda pe seh kel tabehna, uga kin bandu ka deba?? "Adi bage sicubaken dage menu si sadah.....yah..." Arah meja bola pe banci kang. Tempa2 bola 8 sipantem, ateta gelah mantul ku bola 9 simasok. Bage2m kalah Aceh ena ndai, pantemna bola 8 waloh, gelah bola 9 si masok, e kin bas ukurna. E pe arah 'ngerana' ena ndai, 'bergerak' nina Bang JG. Uga kin cara 'ngerana' enda ndai sidalanken?? Pelembagaan, e ngenca jababna. Arah FB nggo kuidah melala lembaga2 group, lit masalah seni-budaya, perbaikan dalan, wisata sampai buah biwa dan tak ketinggalan Situs Haru. Enda nggo cukup jadi modalta utk latihan ngerana ras sibegin. Milis2 enda pe sada lembaga kang. Tinggal menunggu bergerak?? Lenga bo kuakap ita seh kujena. Sebab, gundari sama-sama bekerja ngenda kita kerina, lenga bekerja sama. Lenga ligt sinergy bas pergerakenta enda. . Momentumna selalu diganggu dg kepentingan temporer. Lit Pilpres, enda ka Pilkada, tek nari Pilgub ka. Teman2 arah GBKP pe lit ka momentum si deban. Suka tidak suka, kepemimpinan pergeraken enda ndai menjadi faktor mendasar dan mendesak yg harus dipecahkan, bagai menanti mesias (ratu adil) Bukur.... Igan Brecca® -----Original Message----- From: MU Ginting <[email protected]> Date: Sat, 27 Mar 2010 19:33:38 To: <[email protected]>; <[email protected]>; <[email protected]> Subject: [tanahkaro] An Inspirational Short Story An Inspirational Short Story Karo mengubah dunia Mejuah-juah permilis sirulo kerinana Enca ku oge-oge posting sekalak biarawan 1100 AD an inspiratioanal short story, turah ka inspirasi bas ukurku erbahan sada short story simbera ka banci mereken inspirasi man banta kalak Karo, la terkecuali kerina pejabatna si nguasai daerah-daerah Karo i Sumut atau Aceh, bupati, camat atau pengulu. Bas posting enda mesunah nge pepulung kalak enda kerina, tapi bas kegeluhen riil lenga ka bage. Engkai? Sada sisangkut rusur bas ukurku emkap soal 'ngerana' bas kita Karo. Melala kita sibeluh ngerana, adi kuperdiateken bas acara-acara adat, termasuk i kuta-kuta pe, ertina labo ngenca kalak i kota beluh ngerana. Megati kang kuperdiateken isi ranan, kesimpulenku menam 'bali' kerina, menam siperlu-perlu saja atau si enggo biasa saja, si patut ibelasken. Atau adi banci ku kataken semacam 'rutin' si enggo ngangkaisa kerina simegi. Janah menam bali 'dari satu kampung ke kampung lain' atau 'dari satu masa ke masa lain' juga. Enda bagi si berisiko ka ngenda aku erkata bagenda, mbera aku salah, tapi adi la aku salah ma enggo pasti celaka ngenda perdalanen nasib Karo enda ndai. Ertina perubahan atau perkembangan enda ndai bas kita enggo me pasti ndauh denga. Melala kita sibeluh ngerana ningku idatas, gia ngerana 'rutin', tapi la kabo kita sada pe sengget adi kukataken buen denga nge kita si la beluh ngerana atau si la nggit ngerana. Janah enda mbue ka menentuken atau si enggo pasti menentuken perdalanen nasibta, terutama ibas zaman gundari enda. Maka pernah kang kusingetken, 'ngerana kita atau erperang kita'. Erperang enggo lewat zamanna janah beluh nai kita, janah menang nai kita. Gundari 'ngerana' enda ndai me kuakap siperlu denga siranaken, sebab je nge kuncina, perbahan je ka me kita silenga beluh. "ini susahnya jadi orang Karo..Tidak ada istilah lobby, jadi segalanya formalistik Kalaupun duduk satu meja tidak biasa atau tidak bisa" nina Kikin Tarigan. Atau "sinek-sinek Pa Dungdung atau Saling mencabut sesuatulah orang ini dari pinggang" nina Juara R Ginting, sangana tersinget pertemuan ideal bupati Karo ras bupati Langkat. Gia setuju nge kita kerina bagi sikataken Moses Sitepu emkap "Kalak ena me ngenca duana genduari Bupati i Taneh Karo. Idealna, ia nge min duana pioner bas pesikap Kuta Kemulihenta Taneh Karo Simalem." Bupati kab Karo mbelin kemungkinen kalak Karo nge kari rusur, tapi bupati Langkat belum pasti. Maka sada kesempatan enda tentu banci ibahan sebagai kesempatan emas, je dua kabupaten Karo banci persada gegeh. Tapi seh kin kujah ukur kalak enda duana? Kultur atau 'ideologi' milis enda lenga bo seh bage dauhna ku kab Karo bagepe ku kab Langkat dikalangan pejabat daerah, gia enggo mungkin merata dikalangan anak-anak mudana. Ugakin peseh kultur atau ideologi milis enda ku kalak enda? Ngerana ndai! Pertama siperlu ngerana emkap si enggo ngantusi perluna 'ngerana' enda ndai. Ngerana sideban selain ngerana 'rutin' bagi si kusingetken idatas. Lobby emkap salah sada bentuk ngerana si la rutin, je lit tanda-tanda perubahan dan perkembangan, karena maksud dan tujuannya juga sudah jelas, yaitu untuk mengubah sesuatu dan atau mengembangkan sesuatu, seperti bikin persetujuan atau sebaliknya memastikan ketidaksetujuan. Jenda pas bagi sikataken Kikin Tarigan, istilahna saja pe lalit kai denga ka ngantusisa atau melaksanakan. Padahal dunia berkembang atau perkembangan apa sajapun tak lepas dari kegiatan lobby, istilah yang di Karo tak ada. Ma enggo pasti akibatna ndai. Kerehen anggota DPD pe iboikot, tapi ersura-sura ka gelah presiden min reh ka ku Karo. Perban biarta ngerana ndai? Milis enda enggo berfungsi ngembangken 'kultur baru' enda ndai dikalangan anak-anak muda atau mahasiswa atau intelektual Karo. Bersyukur ka kita enggo banci milis enda jadi penggerak kultur baru enda ndai dikalangan kita Karo. Janah enggo ka kita teruji ka sitik bas milis enda, teridah nangat bas perkembangan perukuren anggota-anggotana. Enda pe sada perkembangan si seh ergana. Hidup mati, jatuh bangun kita je bertahan, tapi siterusken lalap. La gia sitteh ja kari sehna, tapi perkembangenna enggo me pasti, labo ngenca 'rutin', sebab kegigihenta bertambah ngadapi kedalam lebe, tapi enda jadi modal keluar kang. Ngadapi keluar enda nge simbue menentuken, misalna adi enggo kari kundul sada meja dua kabupaten Karo, seterusna keluar (lobby) ke pusat atau propinsi mempercepat pelaksanaan. Enda synergi kekuatan. Labo lit isepe siman talunken, sebab lobby atau ngerana enda emkap maka kerina menang, kerina berkembang, daerahta, bangsanta. Adi sinik kita ma enggo me pasti ise sitalu. Simerandalna ka kuakap emkap enggo melala anak-anak muda/mahasiswanta bagepe kaum intelektualta la erleja-leja peseh inspirasi, berita ras sura-sura enda ndai ku generasi pejabat-pejabatta. Je nari me ngubah ukurta bas soal ngerana enda ndai, je nari ka kari ngubah dunianta. Bujur, bujur melala man bandu singuda nguda denga kerina. Salam inspirasi MUG An Inspirational Short Story I Wanted To Change The World By Unknown Monk, 1100 A.D. When I was a young man, I wanted to change the world. I found it was difficult to change the world, so I tried to change my nation. When I found I couldn't change the nation, I began to focus on my town. I couldn't change the town and as an older man, I tried to change my family. Now, as an old man, I realize the only thing I can change is myself, and suddenly I realize that if long ago I had changed myself, I could have made an impact on my family. My family and I could have made an impact on our town. Their impact could have changed the nation and I could indeed have changed the world." __________________________________________________ Använder du Yahoo!? Är du trött på spam? Yahoo! E-post har det bästa spamskyddet som finns http://se.mail.yahoo.com
