Mejuah-juah permen Moses bagepe kerina ka permilis sirulo Piga-piga kali ku ulihi ngoge tulisendu enda, suara hati ras pengalamen hidup enda tuhu, bagepe tuhu hidup kang tulisendu edi. 'Hidup' perbahan je terkena menam kerina kita anak-anak kalak Karo si pebelin orang tua Karo. Labo kuakap lepak pendidiken orang tuanta ngayak zamanna ka, tapi bagi sikatakendu (pengalamendu) enca ndauh kuta 'mburidi' nari, mis teridah kekurangenna. Muat dauhna, muat dekahna, muat jelasna siakap tergejap akibat pendidiken sienggo terbaba kitik nari ndai. Megati kang nai kubegi 'ula nggit subuk' nina, atau ula bagi pa Belo bagi sikatakendu. Secara psikologis terikat kita rusur bas batas-batas enda. Pengaruh negatifna melala, misalna kita Karo, adi sitteh 10, siakui 5 ngenca kutteh ninta. Etnis siterbalik sifatna, kebalikenna ka bahanna, gia ittehna cuma 5 tapi ia ngaku mettehsa 10. Enda kubahan contoh sifat sebagai grup (etnis) sebab teridah jelas nge bas negeri multi etnis Indonesia atau dunia, bas ethnicgroups self-assertion atau perjuangan power apai si katepen menang. Bas perjuangan enda, kuantitas pe menentukan kang prananna. Teridah bas etnis mayoritas Jawa i Indonesia, atau etnis minoritas Karo i Sumut. Kuantitas enda merekan batas atau syarat tertentu ka man banta kalak Karo. Tapi kebeluhenta ngimbangi kuantitas enda ndai nge kuakap simbelin pengaruhna man perkembangenta. Jenda banci nge kuakap ipake bantuan SWOT bagi siusulkendu. Banci simulai bas milis enda, brainstorming, apai si ndarami S na (strength) W na, O na T na, atau sada persada sikumpulken ertina simulai bas S na saja atau kerina pe sekali gus labo dalih, enterem kap kita. Gambaran praktis ras pendek saja. Misalna S : jujur, . . . . W : pede kurang, . . . O: tanah subur, . . . T: asak kalak, . . .
Enda lebe sikutteh Adi enggo kari cukup melala lanai siakap perlu man tambahen, maka rasras ka kita nganalisa solusina. Entah enda dalan simehuli kang, tapi bicara lagia mehuli tapi enggo sicubaken. La lit rugina tapi pengalamenta tambah ka sitik. Bujur ras mejuah-juah kita kerina MUG -- In [email protected], Moses S <moshe_...@...> wrote: Bls: [tanahkaro] An Inspirational Short Story Mejuah-juah Bengkila, Mantap kel kuakap tulisendu enda Bengkila, lang pe mantap nge lalap kuidah tulisendu, angkat topi kel aku!. Analisa mendalam tentang Kalak Karo.. Ngerana, aku sitek pe la beluh ras melala kang kuidah Kalak Karo bagi aku kang, ntah beluhen ka gia ia sitek asangken aku ngerana.. Enda Bengkila, lit nge ndube sebabna..bagi si enggo me si eteh , jabu/keluarga e nge ndube bena-benana inganta erlajar kerina sope lenga kita ku sekolah (pendidikan formal). Ntah labo seri pengalamenta, tapi sanga aku kitik denga mbarenda, bagenda nina Bapa si mupus aku man bangku: "engko anak dilaki..ola sitek pe engko bagi Pa Belo (ula ko mbue ngerana, red), aku jelmana polos..bage nge teku ka..berubah kel aku jadi introvert, ngerana si perluna saja. Bas perkembangen selanjutna, tergalangen me aku janah enggo ku angka kai ah nda tujunna ola mbue ngerna, Kehormaten ibas Bahasa Karo gelah mehangeke kelake..payo nge min tuhu mehangke kelake..seh me tempa sura-sura..tujun berhasil ninta min (bas Kalak Karo..). Ibas perkembangen selanjutna..lawes me aku Medan, sekolah kujah..enggo campor je ras suku sidebanna, Batak, Mandailing, Melayu, Padang, Nias bagepe lit ka nge kalak Acih. Megati kel sungkuni kalak aku uga maka engko sip lalap? (jenda tempa labo ka payo jadi persipnda..), seterusna kari sanga aku sekolah i Bandung pe megati pertanyaan enda reh ku aku..je kudat kesimpulen buen nge rugina kepe la mbue ngerana nda asangken nggit ngerana..pala i Mburidi kin kita lalap tading (bas lingkungen Kalak Karo, maksudku..). Sada Bengkila, perlu nge kuakap kita SWOT lebe..terutama sitandai banta (Karakterta, umumna kita Kalak Karo..), apai nge Karakter Kalak karo simejile (perlu i pertahanken ras i kembangken..) bagepe apaika si perlu i benterken ku Lau Biang ah..janah Karakter uga kin si perlu si bentuk..enda guna gelah banci kita bersaing bas Nasional bagepe bas Internasional. Em, dage lebe belas-belas bas aku nari Bengkila..bandu ka dage belas-belasndu umputen tulisen enda.. Bujur, Moses -------------------------------------------------------------------------------- Dari: MU Ginting <gintin...@...> Kepada: [email protected]; [email protected]; [email protected] Terkirim: Ming, 28 Maret, 2010 02:33:38 Judul: [tanahkaro] An Inspirational Short Story
