Perkembangan milista Mejuah-juah kerina permilis sirulo Kai gia ningen bas milis enda enggo me lit rusur perkembangan. Tentu enda perbahan lit perkembangan bas perukurenta, ertina je nari nge rehna. Perukurenta berkembang, bas pengalamen nari atau bas pemetehta si tambah buena rusur tiap wari, perbahan kita ngikuti perkembanan dunia. Melala terpelajar bas milis enda, atau menam kerina terpelajar. Maka enda pe enggo salah sada jaminen erbahan mulus perkembangan enda. Enggo seh bage ganjangna ibas teori pe, bagepe ibas nyimpulken pengalamen ras pendapat-pendapat secara nasional/internasional si mekatep ipostingken teman-teman si rajin ras bertanggung jawab ku milista. Sekalak-sekalak labo mbue banci sibahan termasuk bas postingken info bagepe pendapat dunia ku milis, tapi perbahan rusur siras-rasken maka muat lengkapna janah muat hidupna milista. Seh ku filsafat, antropologi, psikologi, politik dunia rsd enggo meganjang ras melala perubahenna. Seh ku teori tes-antites-syntes bagepe soal materialisme historis rsd. Labo melala milis dunia si berkembang bagenda. Siarapken tentu maka muat lalana ka kita si terlibat bas tantangan teori bagepe pentrapenna bas keadaan si ilebe-lebenta, man Karonta bagepe Indonesia atau dunia si langsung didepan mata. Teori enda kapken sada kesimpulen lengkap ras sistematis tentang kejadin si enggo lewat. Gundari banci jadi pedoman ibas ngenehen melala soal. Simeriahna kel emkapken kita banci bebas ngujisa gundari bas situasi konkret dihadapan kita. Kalak si erbahan teori/kesimpulen enda ndube atau nai lanai mungkin nguji kebenaran kesimpulenna gundari, sebab enggo mate. Maka kita me singenanami si meriahna, lit kesempaten nguji kebenaranna ibas keadaan sigundari. Kita menentuken, terpake denga ntah lahang teori enda, atau mengembangkan gelah banci sesuai ras keadaan gundari janah banci lebih berguna. Dialektika misalna, pernah i boikot kalak sebagai pandangan kalak komunis/sosialis. Tapi payo kin bage? La kin cara pandang dialektika enda berguna man banta kerina? La kin enda meringankan ndarami solusi persoalan? Enda kerina kita banci ngujisa. Kai pe nina teori enda, kita ka nge kari simenentuken perdalanen prosesna. Bas pandangenku si enggo biasa ka ku postingken, tertentu ka nge dasar-dasarna ku nehen bas pandangan dunia si enggo terbaba aku. Soal dua pandangan tentang dunia: materialis atau idealis, bedana emkap sipertama materina lebe, encage idena. Pandangan idealis: idena si utama, maka reh kari materina (objekt). Soal dialektika enda ndai emkap ngenehen persoalen kaipe dari segi pertentangan si lit ije, janah enda lit prosesna emkap terpaksa ngelewati proses tesis-antitesis-syntes. Mekatep proses enda la sisedari, atau la seh kujah ukurta, tapi bage me persoalen erdalan. Megati kang ku ukuri persoalen kai kin ndia si la bage? Cara dialektis enda kapken banci mbue membantu mecahken soal-soal, cara enda la pernah atau la mungkin erbahan lebih rumit piah lanai terpecahken. Cara enda mbantu. La terkecuali bas soal-soal tiap wari si lit bas kita. Megati kupraktekken bas perkumpulen ijenda, adi lit persoalen maka kudarami pertentangan-pertentangan si lit ije, atau kontradiksi ninta. Si dat enda atau seh ukurta kujah, muat sukahna ndarami solusina. Bas milista enda pe enggo kang megati, sejarah milista kapken sejarah sipanjang-punjuten, pernah ku kataken. Payo kin bage? Banci kang si selidiki, uga kin ndai adi la pernah lit kontradiksi bas milis enda? Jenda pe tes-antites-syntes ndai kang. Adi muat ganjangna kualitas milis enda, emkap nandaken syntes simbaru (kualitas baru). Organisasi, partai, atau tiap perkumpulen kaipe bage kang. Tes (kedamaian atau suasana damai)-antites (pertentangan, cekcok)-syntes (persatuan baru, kualitasna enggo lain). Kita si enggo pernah rubat (cekcok) ibas tingkat keakraban berikutnya teridah nangat nge perbedaan persahabatan enda ibandingken ras persahabatan sope rubat. Enda me maka ikataken syntes enda nandaken perubahan kualitas, atau bagi bas buku nina perubahan menurut lingkaran spiral, melingkar tapi muat ganjangna. Adi siperdiateken teridah kang bas milista, uga persahabatenta gundari, gia melala ka si la tahan ngikuti tes-antites-syntes enda. Ibas syntes lanai ikut. Tapi masuk ka lah kam bas tes berikut, gelah muat lalana ka kita si erbahan tes-antites enda. Enggo muat riahna muat dekahna, syntes simbaru ka Bas dilalektika Karo Sinoria 'seh sura-sura tangkel sinanggel'. 'sura-sura' enda emkapken ndai syntes simbaru, encage maka kari mulai ka reh antites simbaru, piah reh ka kari syntes simbaru dst. Enda me dialektika Karo bas perukuren (pikiran). Bas alam bagi si enggo mekatep ku postingken 'aras jadi namo, namo jadi aras' atau Panta Rei Karo ningku, mbandingken ras Panta Rei Heraklitos Yunani Kuno. Adi sinehen salu cara pandang materialis maka objek/materi yang pertama. Bageme bas memandang sejarah pe. Maka nina materialisme historis (perubahan dan perkembangan sosial ekonomi masyarakat). Ku ertiken lebih sederhana menurut perukurenku, emkap melihat sejarah dari segi materinya atau melihat materinya dari segi sejarah. Duana nge kuakap banci tengteng. Kai kin materina jenda: emkap kekuasaan, kelas-kelas atau golongan masyarakat yang bertentangan karena pembagian kerja: budak ras tuan budak, hamba tani ras tuan tanah, buruh ras borjuasi. Enda me materina. Sejarah enda emkap uruten kejadin enda: dari perbudakan ke feodal, terus ku kapitalisme. Adi iterusken ku sosialisme/komunisme nina pengarangna Marx. Uga kin enda gundari bas kab Karo? Hehehe . . . rasras ka kita nangkelisa. Kaipe kapken bas tradisinta sirasrasken nge maka banci dung. Tradisi enda siterusken. Enda ka sitik. Bujur ras Mejuah-juah kita kerina MUG
