Fwd: Fwd: Chaar Dham Yathra (23)

[Narayanaswamy Sekar]

🙏🙏🙏🙏🙏

What a description? Wonderful and Thanks.
Even to read this description is a blessing, I feel.

We had been to Badrinath but could not make it to Vyasa Guhai ( where the
Mahabharatha was written as per legend) and this Punya Nadhi Sarawathi as
these places are accessible only by foot.

We need to visit all the Holy Places when we are fit and not postpone it to
retired life.

Bharat Mata has innumerable Holy Places, each competing with the other and
each excelling in its own right. Latest addition to this glorious list is
the Ayodyha Ram Lalla Temple.

We are eagerly waiting for Kashi and Mathura to reclaim and  regain their
full glory. 4 June 2024 is not far off.  Hopefully God will show mercy on
us Hindus and make us feel proud of our religion and heritage.


N Sekar
Yahoo Mail: Search, Organize, Conquer
<https://mail.onelink.me/107872968?pid=NativePlacement&c=Global_Acquisition_YMktg_315_EmailSignatureGrowth_YahooMail:Search,Organize,Conquer&af_sub1=Acquisition&af_sub2=Global_YMktg&af_sub3=&af_sub4=100000945&af_sub5=OrganizeConquer__Static_>

On Wed, May 1, 2024 at 12:39 PM, Chittanandam V R
<chittananda...@gmail.com> wrote:


கேதார்நாத் பத்ரிநாத் யாத்திரை - 23
மானா கிராமமும் சரஸ்வதி நதியும்

*கோவை சிவசுப்பிரமணியன் *

மானா கிராமம்
சரஸ்வதி நதி

மானா கிராமம் இந்தியாவின் முதல் கிராமம் என்ற பெருமையுடையது என்று பார்த்தோம்.
இந்த மானா கிராமத்துக்கு வேறு பல சிறப்புகளும் உண்டு. நம் புண்ணிய நதி சரஸ்வதி
இங்குதான் உற்பத்தி ஆகிறது.

இந்தச் சார்தாம் யாத்திரையில் ஒவ்வோர் நாளும் பல நதிகளை நாம் பார்த்து
வருகிறோம். இந்திய நதிகளுக்கெல்லாம் தாய், நம் அன்னை கங்கா மாதாவைப்
பார்த்தோம். அவளுடைய ஆதி வடிவமாக, பகீரதன் தவமிருந்து பெற்ற, பாகீரதி நதியைப்
பார்த்தோம். அலக்னந்தாவும் பாகீரதியும் கலந்து கங்கையாக உருமாறும் அற்புதத்தை
இனிப் பார்க்க போகிறோம். ஆனால் அவற்றிலெல்லாம் மிகத் தனிச்சிறப்பு வாய்ந்தது
இந்த மானா கிராமத்தில் நாம் பார்க்கப் போகிற சரஸ்வதி நதி.

இந்த இடத்துக்குச் சற்று மேலே உற்பத்தியாகி, இங்கே பெரிய அளவில் வருகின்ற
சரஸ்வதிக்கு இங்கே ஒரு சிறிய கோயிலும் உண்டு. கோயிலுக்கு அருகில் பேரோசையுடன்
அருவியாக, மிகப்பிரமாண்டமான அருவியாகக் கொட்டுகிறாள் சரஸ்வதி. அந்த அழகை
வர்ணிக்க வார்த்தைகளே இல்லை. அங்கிருந்து அதே வேகத்துடன் கீழ்நோக்கிச் சென்று
சுமார் ஒரு கிலோமீட்டருக்குள்ளேயே சரஸ்வதி, பூமிக்குள் சென்று மறைந்து
விடுகிறாள். அதையும் நாம் பார்க்கலாம். நம்ப முடியாத அற்புதக் காட்சி அது.

நாம் காசி யாத்திரையின் ஒரு பகுதியாக, பிராயாகராஜ் நகரில் உள்ள திருவேணி
சங்கமத்தில் ஸ்நானம் செய்வதை ஓர் ஆன்மீகக் கடமையாகக் கொண்டிருக்கிறோம் அல்லவா?
அந்தத் திரிவேணி சங்கமத்தில், திரிவேணி என்ற பெயருக்கு ஏற்ப மூன்று நதிகள்
கலக்கின்றன. அதாவது சங்கமம் ஆகின்றன. ஒன்று கங்கை; இரண்டாவது யமுனை. இவை
ஒவ்வொன்றும் திரிவேணி சங்கமத்தில் வெவ்வேறு நிறங்களில் தெளிவாகத் தெரியும்படி
ஒன்றோடு ஒன்று கலக்கின்றன. அவற்றோடு பூமிக்கடியிலிருந்து நம் கண்ணுக்குத்
தெரியாமல் மூன்றாவது நதியாகச் சரஸ்வதியும் கலப்பதாக ஐதீகம்.

சரஸ்வதி ஒரு கற்பனை நதியல்ல. பத்ரிநாத் ஸ்தலத்துக்கு அருகில் இப்போது நாம்
நின்றுகொண்டிருக்கும் மானா கிராமத்தில் சரஸ்வதி உற்பத்தியாவதையும்
பெருவெள்ளமாக வந்து அங்கேயே பூமிக்குள் செல்வதையும் கண்ணால் காண்கிறோம்.
வேதங்களிலும், புராணங்களிலும் குறிப்பிடப்படும் இந்தச் சரஸ்வதி நதியும்
ஒருகாலத்தில் தன் உற்பத்தி ஸ்தானத்தைக் கடந்து, ஹிமாலயத்தில் நடந்து,
கங்கையைப்போல், யமுனையைப் போல் இந்தியாவின் சம தளங்களில் பாய்ந்த நதிதான்.
பலப்பல நூற்றாண்டுகளுக்குமுன் இந்தியாவின் பெரிய நிலப்பரப்பை வளப்படுத்தி
விவசாயத்துக்கும் மக்கள் பயன்பாட்டுக்கும் உதவிய வற்றாத ஜீவநதிதான். ஆனால்
காலப்போக்கில் வற்றிப்போனது.

இன்று அதன் தோற்றம் முதல் இறுதிவரை நவீன அறிவியல் முறைகளின்படி ஆய்வு செய்து
அதன் பாரம்பரியம் மிக்க வரலாற்றை ஆய்வாளர்கள் மீட்டெடுத்திருக்கிறார்கள்.
இவ்வகையில் முழு விவரங்களையும் சொல்லும் ஆய்வு நூலான மிஷல் தனினோ எழுதிய
”சரஸ்வதி –- ஒரு நதியின் மறைவு” என்ற நூலைப் படித்துப் பாருங்கள்.
 –
நம் முன்னோர்கள், முனிபுங்கவர்கள், ஞானிகள் தங்கள் காலத்தில் எந்த சரஸ்வதி
நதிக்கரையில் வாழ்ந்தார்களோ அதே சரஸ்வதியின் உற்பத்தி ஸ்தானத்தில் இப்போது
நாம் நின்றுகோண்டிருக்கிறோம். கங்கையைப்போல் பாரத தேசத்தின் வடக்கில் பரந்த
நிலப்பகுதியை வளப்படுத்தி, மக்களையும் ஹிந்துக் கலாசாரத்தையும் வளர்த்தெடுத்த
அதே சரஸ்வதி பிறக்குமிடத்தில் நாம் இப்போது நிற்கிறோம். மெய் சிலிர்க்கிறது.

நான்கு வேதங்களில் ரிக் வேதத்தில் சரஸ்வதி நதி மீண்டும் மீண்டும்
குறிப்பிடப்படுகிறாள். 45 வேத ஸ்லோகங்களில் 72 தடவைகள் மிகவும் புகழ்ந்து
சொல்லப்படுகிறாள். வேதகாலப் பூகோளப் பகுதிகளில் முழுமையாகக்
குறிப்பிடப்பட்டிருக்கின்ற நதி சரஸ்வதி.

‘மாபெரும் வெள்ளக்காடு, பிரம்மாண்டமாகவே படைக்கப்பட்டது, எல்லையில்லாத,
தடையின்றிப் பாய்ந்து அதிவேகமாகச் செல்லும் நதி, கம்பீரத்திலும், பலத்திலும்,
பெரும் ஓசையிலும் தனக்கு இணையற்றது’ என்றெல்லாம் வேதத்தில் சரஸ்வதி நதி
பெருமையுடன் குறிப்பிடப்படுகிறது. இந்தச் சரஸ்வதி நதியின் கரையிலேதான் வேதப்
பாடல்கள் சேகரிக்கப்பட்டு நான்கு வேதங்களாக வியாச மகரிஷியால் தொகுக்கப்பட்டன.

கடலைச் சென்றடையும் நதி என்று ரிக் வேதத்தில் சரஸ்வதியைப் பற்றி
சொல்லப்பட்டிருக்கிறது. ஹிமாலயத்தில் உற்பத்தியாகி, பல சமவெளிகளைக் கடந்து
கடலைச் சென்று அடைந்த நதி இது. இமயமலை உச்சியில் இருந்து தோன்றி, கடலை
நோக்கிப் பாய்ந்து செல்வது பற்றி ரிக் வேதத்தில் குறிப்பிடப்பட்டிருக்கிறது.

ஏகாசேதத் சரஸ்வதி நதீனாம் சுசிர்யதி க்ரிப்ய ஆ சமுத்ராத்

‘மலைத்தொடரில் உதித்து கடல் நோக்கி பாயும் நதிகளில் அதி புனிதமும் அதி
தூய்மையானதுமானது இந்த சரஸ்வதி நதி தான்’  என்பது பொருள்.

வேதத்தில் இவ்வாறு சொல்லப்பட்டிருப்பதையும் பிறகு மஹாபாரதத்தில் சரஸ்வதி நதி
பாலைவன மணலில் பாய்ந்து வற்றிப்போனதைப் பதிவு செய்திருப்பதையும் கவனித்தால்
ஹிமாலயத்தில் மானா கிராமத்தில் பிறக்கும் இந்நதி எப்படி இருந்து மறைந்தது
என்று நாம் புரிந்துகொள்ள முடியும்.

புவியியல் ஆய்வுகளின் படியும் புராதன இலக்கியங்களில் சொல்லப்பட்டு இருப்பதன்
படியும் சரஸ்வதி நதிக்கரையில் ஆரம்பகால வேதகால மக்களின் குடியிருப்புகள் பல
அமைந்திருந்தன. சரஸ்வதியைச் சுற்றி இருந்த இடங்களை வேத காலம் முதலே மக்கள்
புனித பூமியாகக் கருதி வழிபட்டு வந்தனர். இந்த நதி வித்தைக்கும்,
ஞானத்துக்கும் அதிபதியான சரஸ்வதி தேவியுடன் இணைத்துப் பார்க்கப்படுவதை நினைவு
கூற வேண்டும்.

சரஸ்வதியின் கரை வழியாக ஸ்ரீ கிருஷ்ணரின் சகோதரர் பலராமர் தீர்த்த யாத்திரை
சென்றதையும், சரஸ்வதியின் தென் கரையில் ஆயிரக்கணக்கான தீர்த்தங்களுக்கு அவர்
விஜயம் செய்ததையும் மஹாபாரதம் பேசுகிறது. ஒவ்வொரு தீர்த்தத்திலும் ஸ்நானம்
செய்யும்போது ‘நதிகளில் புனிதமான சரஸ்வதியின் கரையிலல்லாமல் வேறு எங்கு
இதுபோன்ற மகிழ்ச்சி கிடைக்கும்?’ என்று சொல்லி மகிழ்கிறார்.

இதன் கரையிலே தான் வேதகால கலாச்சாரமும் நாகரிகமும் தழைக்கத் துவங்கின. வேதகால
யக்ஞங்கள் எல்லாம் சரஸ்வதி நதியின் வளமான கரைகளிலும் சமவெளிகளிலும் உருவாகி
நடைபெற்றிருந்தன. வேதகால மக்களின் மனங்களில் சிந்து நதிக்கு அடுத்தபடியாக
அல்லது அதே அளவுக்குச் செல்வாக்கைப் பெற்று அவர்களின் பிரியத்திற்குரிய நதியாக
சரஸ்வதி இருந்திருக்கிறது.

‘மக்களின் வாழ்க்கையை வளப்படுத்தியபடி கரையை அடைத்துப் பொங்கிப் ப்ரவிகிக்கும்
அந்த நதியைப் பாருங்கள். இரும்புச் சுவர் போலத் தன் மக்களை அவள்
காப்பாற்றுகிறாள். நன்மைகளை வாரி வழங்குவதில் இந்த நதி பிற அனைத்தையும் மிஞ்சி
நிற்பதில் ஆச்சரியப்பட எதுவுமே இல்லை. நம்மை அது நன்னீரால் வாழ்த்துகிறது. நம்
குழந்தைகளைப் பசியாற செய்கிறது. நம் வாழ்க்கைக்கு உயிராகத் திகழ்கிறது.
சரஸ்வதி நதி அனைத்து நதிகளின் ஒட்டுமொத்த வேகத்தையும் விட அதிக வேகம் கொண்டது.
அளப்பரிய வேகம் கொண்டது. அதன் படுகை தெய்வத்தின் கருணை போலப் பறந்து விரிந்து
காணப்படுகிறது. நமக்கு ஞானத் துளிகளை அள்ளி வழங்குகிறது. தன் பக்தர்களுக்கு
அந்த நதி அவர்கள் விரும்பும் செல்வங்களை எல்லாம் தரட்டும். அவர்களை விட்டு
விலகாமல் இருக்கட்டும்’ என்றெல்லாம் ரிக்வேதம் சரஸ்வதி நதியைப் புகழ்கிறது.

*- கோவை சிவசுப்பிரமணியன்*
*********************************************************
*சித்தானந்தம் *

-- 
You received this message because you are subscribed to the Google Groups 
"Thatha_Patty" group.
To unsubscribe from this group and stop receiving emails from it, send an email 
to thatha_patty+unsubscr...@googlegroups.com.
To view this discussion on the web visit 
https://groups.google.com/d/msgid/thatha_patty/CABC81Zc9_OHr8eMdXTL881pnokFybVTH1vqHiLcdajqkUFqbOg%40mail.gmail.com.