One can\'t fail to feel sad - the picture tells it all http://www.bukedde.co.ug/detail.php?mainNewsCategoryId=2&newsCategoryId=60&newsId=402223
Enkuba erese Kampala mu maziga Yaddukidde ku nju waggulu ng�amazzi gamutwala. Bya Margaret Ziribaggwa ne Sennabulya Baagalayina NNAMUTIKWA w�enkuba eyafukumuse mu Kampala ku Lwokuna akawungeezi alese abantu basatu bafu. Ebitundu bya Kampala byasaliddwako amataba entambula n�esannyalala era abantu bangi eka baatuuseeyo mu ttumbi. KAWAALA - KASUBI Abaafudde kuliko Idi Kimuli 40, omukozi w�amasannyalaze e Kawaala. Omuti gwakubye waya z�amasannyalaze ne gakutuka bwe yagenze okugaggyako ne gamukuba n�akalirawo. Mu kitundu kye kimu, essomero lya siniya erya Excel eriri e Kawaala ku kkanisa lyatikkuseeko akasolya kibuyaga n�akakunguzza n�akakuba okumpi n�omuzikiti oguliraanyewo. KIRA Noah Kiwanuka ow�e Kyaliwajjala yabadde agenze okuyiwayo bisaaniiko ku ssaawa 12.30 ez�akawungeezi, n�aseerera n�agwa mu mwala kyokka olw�amaanyi amazzi kwe gaabadde gatambulira teyasobodde kuva mu mwala mwe yafiiridde. Mu Lubigi okumpi n�e Nansana ku lw�e Hoima amazzi gaayanjadde mu luguudo era emmotoka nnyingi zaalemereddwa okugayitamu ne zisalinkiriza e Kawaala-Nabweru. Ezimu zaaguddeyo, era poliisi ye yaziyambye. Abavubuka beeyambisizza akakisa okwekolera ensimbi ez�amangu ng�okusomosa omuntu mu mazzi osasula 1000/- ate abavuzi b�obugaali ne bodaboda obwedda beeramula 1500/- okutuuka ku 3,000/-. BWAISE Amazzi gaayanjadde mu luguudo emmotoka ne zeesiba. Abantu badduse mu mayumba ng�amazzi gagazinzeeko. Embeera eyo yabadde ku Kaleerwe, Katwe, Ndeeba, Nateete n�ebitundu ebirala. Abasuubuzi mu bitundu ebyo enkuba yabonoonedde ebintu n�ebirala amazzi we gabitwala. Emmotoka zeesibye mu �traffic jam� olwo era bangi abasula mu nkingizzi za Kampala baatuuse eka mu ttumbi. Omwogezi w�ekibiina ekigatta abasuubuzi ekya KACITA Mw. Isa Ssekitto yagambye nti enkuba yagootaanyizza nnyo emirimu gy�abasuubuzi naddala abakola akawungeezi n�ekiro. Omwogezi wa poliisi Mw. Asuman Mugenyi yagambye nti omugotteko gw�ebidduka gwaweddeyo kumpi ku ssaawa 7.00 ez�ekiro. Omuvubuka eyategeerekeseeko erya Sula yabbye pikipiki UBC 535K n�agyolekeza e Mpigi. Baamukutte akutte olw�e Butambala ne bamukumako omuliro. NTINDA Omubbi yayambadde kabuuti n�akwekamu emmundu n�apangisa bodaboda UBC 347C eya Felix Walugaba ku siteegi y�e Kiwaatule bwe baatuuse e Bukoto n�amusongamu emmundu n�agimubbako. E Kampalamukadde Vincent Yeko omukuumi w�edduuka ly�emigaati erya ECLUF ku Martin Road yeekobaanye ne banne ne banyagamu ssente oluvannyuma ne yeetwala ku poliisi okutegeeza bwe bamubbyeko emmundu. Akulira poliisi e Kampalamukadde Abbey Kisubi yagambye baasitukiddemu ne basanga ng�emmundu yagirese awo ne bamukwata. WAMPEEWO Omulongooti gwa laadiyo ya City FM gwagudde ne gukuba emmotoka y�omubaka Ssebalu Sitenda. Emmotoka kuliko Pajero ne tulakita. Maj. Kakooza Mutale yatutte abaserikale okukuuma ekifo. Ebirala bya Samuel Kavuma ne Deborah Nanfuka. Bwanika ________ http://www.idr.co.ug --> for your consultancy needs http://p201.ezboard.com/fugandamanufacturersassociationfrm1 ----------------------------------------------------------- Spela poker mot verkliga m�nniskor �ver Internet. �ver 60 000 spelare online http://www.multipoker.com _______________________________________________ Ugandanet mailing list [EMAIL PROTECTED] http://kym.net/mailman/listinfo/ugandanet % UGANDANET is generously hosted by INFOCOM http://www.infocom.co.ug/
