[UrangSunda] PSK di Mayak

[MSasmita]

Omat PSK didieu mah hartina Pabukon Simpay Katresna, lain PSK nu sejen. PSK teh salah sahiji tina program YP, tujuanana mah sasieureun sabeunyeureun ngilu ngahudangkeun "minat baca" barudak di padesaan. Basa guntreng jeung MJ, di Cianjur teh can aya PSK, nya nyobaan kontak ka Mayak (arah jalan ka Cibeber), sanggup henteuna lamun di Mayak di adegkeun PSK, jawaban ti Mayak teh giak pisan, kabeneran anu dituju sabenerna mah masih dulur keneh pisan, pernah alo ka inyana, jeung inyana teh guru di SMU Negri Cibeber ngajar basa Inggris, atuh ka bumina kuring ge sering, enya merenah lamun didinya diadegkeun PSK, da di bumina teh aya rohangan nu kira kira merenah dipake nyimpen buku buku pabukon. Bieu isuk isuk kuring kontak per telepon, Ki Alo teh geuning geus ngobrol jeung RW/RT didinya panarimaanana kacida hageutna jeung kacida ngarojongna,  malah cenah mah mun aya majalah Mangle keun bae anu urut ge alusna mah dikirim ka Mayak, sabab loba kolot boh bapa bapa boh ibu ibu, komo barudak mah anu "haus" ku bacaan basa Sunda. Mentana buku buku teh campur bae antara nu basa Indonesia jeung nu basa Sunda, antara bacaeun barudak jeung bacaeun kolot. Kuring teh nyanggupan, Insya Alloh kalaksanakeun. Kukituna ka baraya sadayana anu gaduh buku dibumi, tapi tos tara diaos, tibatan mubadir gular goler teu puguh, langkung sae kintunkeun bae ka sim kuirng atanapi ka MJ, kanggo dimangpaatkeun kintunkeuneun ka PSK.   MSasmita Komunitas UrangSunda --> http://www.UrangSunda.or.id Yahoo! Groups Links To visit your group on the web, go to: http://groups.yahoo.com/group/urangsunda/   To unsubscribe from this group, send an email to: [EMAIL PROTECTED]   Your use of Yahoo! Groups is subject to the Yahoo! Terms of Service.