|
Widura enggal nyuhunkeun kasempetan nu kadua ;
saparantos diidinan lajeng anjeunna biantara , kalem we teu emosi teu naon ; da
memang kitu panganggona .
"Sang Raja Drestarastra panutan samudaya Ra'yat
Astina , Resi Bhisma nu dipisepuh ku sadaya , miwah para gegeden sadaya ; tos
kadangu ku sadaya serat ti Pandawa , sareng biantarana Sang Prabu Anom
Duryodhana ; ku margi sakitu kuring ayeuna di dieu bakal milu komentar ka na eta
dua sumber ."
Reg heula Widura liren , nyariosna , saparantos
langkung tenang enggalna neraskeun deui biantarana :" Naon margina Pandawa teu
sowan ka Astina ? Lantaran Pandawa kacida ngahormatna ka Raja Drestarastra .
Naon alesanana ?"
"Nya eta kapan Yudhistira teh Raja Gung Binatara ,
nu tos ngayakeun pesta Rajasuya , tegesna Raja ti sagala Raja . Tapi lamun
ayeuna sowan ka Astina , meureunan harkatna turun , lantaran teu aya Nagarana ?
kapan teu acan kacepeng . Tah lamun Yudhistira tos nyepeng Indraprasta , kakara
eta saharkat sadarajat ; tah didinya , lamun Yudhistira teu sowan , kudu
disalahkeun !"
"Tapi ari ayeuna mah , kapan Yudhistira teh di
Upawilya , sasat Nagara Deungeun , nya atuh lamun sowan ka Astina teh meureun
hartina ngawakilan Matswapati ."
"Ayeuna soal waktu , kapan sadayana Brahmana
tos nyakseni , yen Pandawa teh tos jangkep 13 taun hukumanan waktu Pandawa
katohyan teh , malahan leuwih saeutik ti na katangtuan . Tah ku sabab eta memang
wajar lamun Pandhawa leupas ti na hukumanan ."
"Soal menta Nagara Indraprasta , beunang hese cape
maranehanan , eta oge pantes ; lantaran kapan leupasna Indraprsta teh lain ku
sabab goreng ngurus Nagara , atawa eleh di na peperangan , tapi eleh di na MEJA
DADU !"
"Tah atuh kuduna mah lamun urang rek nanjeurkeun
kaadilan , jeung bebeneran , pantes pisan mun eta Indraprasta atawa Astina
beulah kidul diserenkeun deui ka Pandawa , sakitu omongan Kaula
."
Atuh ger wae anu satuju ka na biantara Widura
susurakan ; tapi kaciri ngan saeutik , da lolobana mah kapan nu ngarojong ka
Kurawa ."
Saparantosna Widura lajeng Sakuni majeng ka payun ,
ari di pengker mah para Kurawa teh , rada saheng sabab kukulutus ka Widura ,
lantaran make ngabela Pandawa .
"Hahahahaha , aya ku kataji ku Arya Widura . Heueuh
alus tah pamadegan kitu teh . Tapi naha Widura ngarti henteu ka na masalah
Elmu "nisbi" ; waktu atawa kajadian teh ; hese nangtukeun kapastianana ; ku
lantaran kitu pantes Prabu Anom Duryodhana ngedalkeun unek unek yen Pandawa teu
boga budi jeung kaera !"
"Hese saenyana mah nangtukeun Waktu nu pasti
teh ; naha bener 13 taun , atawa 13 taun kurang satengah poe saparapat poe
misalna . Kapan kabehanan oge teu pasti . Komo ayeuna geus kaliwat sababaraha
bulan , kapan ? Tah ku sabab kitu , keun we soal Hukuman mah , Kuring satuju ,
yen Pandawa teu kudu dihukum deui ; da teu pasti tea ; sakabehna bisa wae
nyebutkeun geus tuntas atawa can tuntas ; duanana bisa dibenerkeun . Cenah nu
nyebutkeunana Para Brahmana nu bisa dipercaya ! Hehehe , kuring oge atuh
bisa nenangan Brahmana nu bisa dipercaya ku kuring , nu bakal nyebutkeun
yen Pandawa teh geus katohyan saencan waktuna ."
"Tah nu matak , keun we soal hukuman mah , ngan
soal Nagara Indraprasta , tangtu ieu mah hese pisan nimbangna ; eta Nagara teh
kapan hese beleke oge dipajukeun ku Astina ( Kurawa ) ; salila 13 taun Pandawa
teu tanggung Jawab ? Naon wae alesanana , pokona Pandawa geus teu ngurus
Ra'yatna !"
"Tah kapan Raja naon ngaranna mun kitu ? Jadi Kaula
mah satuju pisan ka na Pandangan Prabu Anom Duryodhana teh ."
Gek wae akuni diuk deui na korsina , eta nu surak
di pasamoan mani ambal ambalan ku satuju jeung kataji , ka na alesan nu
dikahareupkeun ku Sakuni .
Hanca
Komunitas UrangSunda --> http://www.UrangSunda.or.id Yahoo! Groups Links
|
