Kituna teh si Abah bari popolotot ka Abi Shalih, tuluy Abi Shalih naros deui kieu ucapna teh
AS janten maksadna teh kumaha ieu Bah ? S aing moal ngahampura maneh keun bae maneh sina diganjar ku Gusti Allah tina kasalahan maneh Atuh Abi Shalih ngahuleng sajongjonan mah, ceuk pikirna teh wah cilaka mun kitu mah aing teh, teu lila breh wae aya akal, lajeng anjeuna nyarios kieu : AS upami Abah teu ridho ka kuring kumargi ngaraos tos dirugikeun, kumaha upami kuring rek ngaganti rugi kana kalakuan kuring, ngan terus terang kuring mah teu boga harta. S rek nganganti kunaon maneh teh lamun harta oge teu boga ? AS Sugan jeung sugan bae tiasa diegntos ku tanaga ? Si Abah ngahuleng sakedap lajeng nyarios deui: S Bisa diganti ku tanaga, ngan lilana saumur jeung tangkal apel ti saprak melak bibit nepi ka buahna AS Euleuh mun kituna mang-taun taun atuh panginten Bah S Atuh enya, kuring oge hanas geus melak apel mang-taun taun dipiara, disiram, hanas geus buahan dicokot ku maneh, kumaha daek maneh teh ? AS mangga Bah upami kitu mah atuh S Syarat nu sejenna salila maneh digawe didieu, ku kuring moal diburuhan (dibere duit) AS mangga Poe gentos ku minggon, minggon gentos ku sasih, sasih janten taun, teu karaos tangkal apel nu dipelak ku Abi Shalih teh tos ageung malihan tos buahan, katingali buahna seueur pisan. Lajeng anjeuna ngadongkapan sepuh nu gaduh eta tangkal bari nyarios kieu : AS Bah kapungkur pan Abah nyarios yen dosa kuring bakal dihampura lamun kuring digawe didieu salami ti melak bibit apel dugi ka buahanana, tah ayeuna pan Abah tos ningali tangkal apel nu dipelak ku kuring geus buahan, ayeuna bade pamit tur Abah kedah ngahampura kana dosa abdi S Heueeuh uing oge tos ningali tangkal nu dipelak ku maneh tos buahan, ngan aya hiji syarat deui nu kudu dilakokan ku maneh sangkan Abah ngahampura dosa maneh AS Naon Bah syaratna teh ? S Maneh kudu kawin jeung anak Abah Ngadenge kitu bungah pisan hate Abi Shalih teh, kaleresan anjeuna teh harita tos cekap umur malihan mah pan anjeuna teu gaduh harta nu cukup keur ngawin hiji wanoja, wah kabeneran yeuh upami kitu mah, ceuk gerentes hatena lir ibarat kalunturan madu karagragan menyan bodas. AS Tapi anak Abah teh torek, lolong, gagu (pire), tuluy lumpuh deui S Asa ngadangu guludug di siang bolong, beu ieu mah lepas tina maung asup ka liang buhaya, kumaha nya piakalaeunana teh ? Lami pisan Abi Shalih ngajentul mikiran nasib, lajeng anjeuna nyarios bari pasrah, nya mangga bae upami kitu mah Bah. Teras bae eta Abi Shalih ditikahkeun ka putrina, rerencepan teu nganggo pesta sagala rupi, mung nyandak tina syah-na bae. Saparantos resmi ditikahkeun Abi Shalih dipiwarang mendakan bojona di kamarna, barang jol ka eta kamar anjeuna mendakan hiji istri geulis pisan kawanti-kawanti, endah kabina-bina. Anjeuna reuwas ningali ieu istri, tuluy lumpat kaluar ti eta kamar lajeng mendakan si Abah tea, bari setengah nyarekan AS Abah teh kumaha sich geus kolot tapi sok ngabohong ?, Abi Shalih naros bari ambek S Emangna aya naon kitu ? AS Abah nyarios yen anak abah nu rek ditikahkeun ka abdi torek, lolong, gagu (pire), tuluy lumpuh deui, nembe abdi dongkap ka kamar mendakan hiji istri geuningan teu jiga kitu ? S Kieu Cep, Torek the hartosna anak abah can pernah ngadangu nu hal-hal nu dilarang ku agama, lolong hartosna can pernah ningali hal-hal nu dilarang ku agami, gagu hartosna can pernah ngomong nu dilarang ku agami, lumpuh hartosna can pernah indit ka tempat maksiat. Tah ieu istri the engkinna bakal janten piibueun Syech Abdul Qodir Jaelani, didieu urang tiasa ningali yen ditilik tina turunan Syech Abdul Qodir Jaelani the jalmi nu terhormat tur shaleh dina ngajalankeun agami. Jaman Orok Syech Abdul Qodir Jaelani Ciri yen Syech Abdul Qodir Jaelani bakal janten jalmi soleh, tos ditunjukkeun nalika keur orok keneh. Harita anjeuna tara kersaeun nyusu ka ibuna dina sasih saum (ramadhan), anjeuna nembe kersaen nyusu ka ibuna upami tos waktos magrib dugi ka janari (sateuacan shubuh). Hal ieu oge anu ngajantenkeun kaum muslimin di wewengkon Syech Abdul Qodir Jaelani linggih, ngajantenkeun ciri-ciri ieu kanggo nandaan yen sasih Ramadan tos dongkap lajengkeuneun [Non-text portions of this message have been removed] ------------------------ Yahoo! Groups Sponsor --------------------~--> Make a clean sweep of pop-up ads. Yahoo! Companion Toolbar. Now with Pop-Up Blocker. Get it for free! http://us.click.yahoo.com/L5YrjA/eSIIAA/yQLSAA/0EHolB/TM --------------------------------------------------------------------~-> Komunitas UrangSunda --> http://www.UrangSunda.or.id Yahoo! Groups Links <*> To visit your group on the web, go to: http://groups.yahoo.com/group/urangsunda/ <*> To unsubscribe from this group, send an email to: [EMAIL PROTECTED] <*> Your use of Yahoo! Groups is subject to: http://docs.yahoo.com/info/terms/
