Poe Minggu kamari kuring nganteur barudak jeung indungna jalan-jalan ka BSM (Bandung Supermal) di Jl. Gatot Subroto Bandung. Asup teh ti panto beulah kaler, anu langsung asup ka METRO Departemen Store. Pas asup pasanggrok pisan jeung nu di"blankon" jeung disamping batik, mimiti mah nyangka teh eta "jelema" sasab rek ka ondangan adat Jawa, kalah ka asup ka Mall. Tapi sanggeus disidik-sidik geuning pagawe METRO. Rurut-reret, eulueh geuning nu diblangkon teh ampir kabeh pagawe METRO, malah aya nu make baju adat jawa lengkep jeung kerisna. Hawar-hawar kadenge lalaguan jawa, suasana Metro BSM teh mere nuanasa di Jawa Tengah atawa di Yogya.
Panasaran aya acara naon, kuring nyampeurkeun kanu di"blankon" jeung make keris, terus nanya keur aya acara naon ieu teh. Jawab manehna cenah dina rarangka agustusan, Metro Dep. Store pagawena disina marake baju adat Yogya. Ceuk kuring teh, apan ieu mah di Bandung, lain di Yogya? jadi ari kitu mah nu merdeka teh ngan urang Yogya wungkul atuh, ari urang SUnda jeung nu sejen mah can merdeka. Dikitukeun teh manehna jiga nu bingung, kalahka pok ngajawab :" Mungkin adat bandung tahun depan pak atau adat Papua!". Sidik manehna ngajawab sangeunahna, kuring haroream neruskeun ngomong, mending ngaleos. Ngan tetep we teu ngarti, kunaoan perayaan tujuh belas agustus, di Bandung, di tempatna urang Sunda, kudu dirayakeun make adat Yogya jeung lagu-lagu jawa? Ari 17 Agustus teh milik saha? =WALUYA= [Nu keur ngenes] ------------------------ Yahoo! Groups Sponsor --------------------~--> Yahoo! Domains - Claim yours for only $14.70 http://us.click.yahoo.com/Z1wmxD/DREIAA/yQLSAA/0EHolB/TM --------------------------------------------------------------------~-> Komunitas Urang Sunda --> http://www.Urang-Sunda.or.id Yahoo! Groups Links <*> To visit your group on the web, go to: http://groups.yahoo.com/group/urangsunda/ <*> To unsubscribe from this group, send an email to: [EMAIL PROTECTED] <*> Your use of Yahoo! Groups is subject to: http://docs.yahoo.com/info/terms/
