"Aa bade moal..?" "Enya sabeulah.!!" "Ih.." cenah bari terus ngajengkat. Kuring ngahuleng sorangan. Transaksi jual meuli, peuting ieu bedo. Bedo hartina kuring meunang, meunang saheulanaan dina ngayonan hawa nafsu, naha peuting nu bakal datang bakal jol deui ngabarungsinang siga peuting kieu, naha kuring bakal meunang deui atawa bakal eleh serah bongkokan?. Dualisme awewe lalaki geus aya dina kosmologi kuno, taneuh sok dianggap awewe, langit sok dilambangkeun lalaki, supaya tetep aya dina harmoni, langit jeung bumi/taneuh kudu dikawinkeun, supaya lahir kasuburan, supaya aya kasaimbangan lingkungan, prakna dina upacara adat, reuneuhna pare kalawan subur ciciren hasilna ngawinkeun gaib bari jeung diaping ku Sanghyang Sri Pohaci.
Kuring cengkat, ninggalkeun kahareneg. Ceuk sawareh sex teh teu beda jeung kabutuhan sapopoe kayaning dahar, nginum, sare, rekreasi. Mun bieu bedo transaksi jeung si gamuleng, naha hartina kuring geus teu perlu kana kabutuh sapopoe nu mangrupa sex. Sieun katepaan panyakit, sieun nyandu, lamun ieu nu jadi alesan, naha pantes disebut meunang dina merangan hawa nafsu? Geus lila kuring teu balik ka lembur, nu pangahirna teh basa lebaran nu geus kaliwat, Nini Jumsih masih keneh ngawarung, nu dijualna tetep siga baheula jaman kuring keur leutik, aya goreng sampeu, goreng cau, goreng hui jeung endog hayam kampung atahna. Lebaran harita ge kuring nelek nelek, pantes baheula waktu kuring meuli endog sabeulah tea, Nini Jumsih lila pisan ngaladanganana, sigana endogna dikulub heula ambih bisa dibeulah. Sok rame bae di warung Nini Jumsih teh da jadi tempat pangreureuhan, boh tukang ojeg, boh barudak nu tas sakola boh anu tas ngebon ti leuweung. Hiji waktu Nini Jumsih ngawakwak pedah eta ningali gambar awewe dina sosoehan koran urut bungkus pindang. "Awewe jaman ayeuna mah geus teu boga wiwaha deui.." Puguh we nu keur ngopi didinya ting raringeuh. "Tah deuleu.." kituna teh bari ngalungkeun sosoehan koran ka anu keur dariuk, gambar awewe ngajeblag ukur make cangcut jeung tutup dada sacewir. "Baheula mah jaman Nini keur ngora, euweuh awewe nu ngucah ngaceh awak siga kitu.., tah ka maraneh nu boga anak awewe kahade sing bener ngajagana, ulah kabawa sakaba-kaba.." Lamun Nini Jumsih nyahoeun kahirupan di kota, dina sisi kahirupan yen awewe ngan jadi komiditi, sigana bakal ngalenggerek kapiuhan. "Nini meser endog.." ceuk kuring. "Endogna ge ngan tinggal dua Sujang..!" "Wios Nini.." Ti kajauhan kadenge bedug lohor nurugtug ti tajug. (tamat saheulanan) ------------------------ Yahoo! Groups Sponsor --------------------~--> $9.95 domain names from Yahoo!. Register anything. http://us.click.yahoo.com/J8kdrA/y20IAA/yQLSAA/0EHolB/TM --------------------------------------------------------------------~-> Komunitas Urang Sunda --> http://www.Urang-Sunda.or.id Yahoo! Groups Links <*> To visit your group on the web, go to: http://groups.yahoo.com/group/urangsunda/ <*> To unsubscribe from this group, send an email to: [EMAIL PROTECTED] <*> Your use of Yahoo! Groups is subject to: http://docs.yahoo.com/info/terms/
