Euleuh, kutan tos ngageser ka Maret sasih pantangan nganjang ka dinya teh? Saleresna sanes pantang, mung ku ituna moal ditampi da keur aya acara khusus aranjeunna.
Leres, nganjang ka Kanekes kudu tarapti, kudu bebekelan. Utamana keur di jalan samemeh anjog ka nu dijugjug. Sabab di Baduy, boh di luar atanapi di jero, teu aya warung (aya ari nu dagang mah, tapi arang langka). Di Baduy luar geus kabiasaan (aya sababaraha "statsion", pupuhu kampung atawa Jaro) anu tiasa dipeutingan ku urang anu ziarah, sabab lalampahan tepi ka Baduy jero lamun disamualkeun (siga ngahuap bae nya, disakalikeun atuh kecap sejenna mah) sapoe jeput inggis mopo di jalan hara-haraeun (ieu teh mangmelangkeun ka sorangan bae utamana mah, baheula kuat soteh, ayeuna mah biheung kaduga). Lalampaheun ka Baduy enya matak nineung hayang malikan. Sapanjang jalan titingalian kaaslian (relatif lah, asli bae di banding jeung di pilemburan urang anu geus sakieu rusakna), asa di "the dream land" bae. Di wewengkon eta aya keneh cukang (B. Ind: jembatan, di ditu disebutna rawayan) tina akar kai asli (anumasih hirup) anu panjangna leuwih ti 50 meter jeung gede, bisa diliwatan ku dua jelema. Tangtu bae rawayan teh luhureun walungan anu caina herang. Peuting kahiji sigana kudu ngarereb di petempatan Jaro Daenah di Kadu Ketug, kampung nu geus kaasup Baduy anu pangraketna jeung Ciboleger (statsiun kandaraan pangakhirna). Sakalian urang nanggap ki Jaro, kumaha carita anjeunna ngeunaan Baduy, baheula jeung ayeuna. Ti Kaduketug jalan nuju ka Baduy jero teh bisa 2 jalur. Aya anu ngaliwatan Cipiit atawa ..kampung naon nya hilap deui. Nu kahiji rada nguriling jalan teh, tapi heunteu tarahal teuing, tanjakanna heunteu pati netek. Anu kadua make jalur anu leuwih singket, tapi kacida tarahalna (loba tanjakanana). Lalampahan teh unggah gunung-turun gunung. Gunung-gunung anu minangka benteng alam nu ngajaga lembur. Kahade, kudu sayogi leres- leres, boh fisik atawa mental. Ulah mopo di jalan, sabab moal aya nu mantuan ngagandong (duka tah Nneg Mpup mah da panganten anyar, sigana mopo oge teu nanaon da aya arjuna-na). Sapanjang jalan liliwatan tetempoan kacida endahna. Di Baduy jero, hulu cai cur cor tina gawir jalan. Caina bisa langsung diinum da urang ditu mah tara migunakeun pestisida dina tatanen na jeung deui tartib dina ngokolakeun runtah, kaasup runtah tina bdan arenjeunna. Di Baduy Jero mah ngan bisa meuting sapeuting bae, kajaba upama geus aya "deal" sareng puun (upamana pikeun panalungtikan). Kituna teh sabab isukna, isuk-isuk pisan sakabeh pangeusi kampung budal ka tempat gawe aranjeunna (huma). Emh...pokona mah matak deudeuieun sanajan cape oge. Upama hayang ngasaan sangu anu parena geus mangtaun-taun disimpen di leuit (bari heunteu rusak), hayu urang nganjang ka Baduy (harita si kuring disuguhan sangu beureum tina pare anu geus aya dileuti leuwih ti 10 taun). Enya leuit (lumbung) pare teh keur aranjeuna mah minangka bank di jaman jeung alam urang ayeuna. Upama hayang ngasaan kumaha rasana dahar ngariung cara Baduy, beuleum cau, cai legen, gula anu karen nyait, hayu ka Baduy. Upama hayang nempo "satpam" imah puun mangrupa patok tina rangrang dahan kai satangtungan budak, minangka garis demarkasi (teu meunang diliwatan) anu pohara ditumutna, hayu ka Baduy. Cag heula. manAR --- In [EMAIL PROTECTED], "Mpup" <[EMAIL PROTECTED]> wrote: > > Leres, asanamah sasih Maret mun di masehi mah... naon disebatna teh > kang OMan, sasih pantrangan teh?? huehue, punten hilap deui.. > > Kapungkur abi kaditu teh sasih Februari, mung masih keneh usum hujan, > jadi bebelesekan dugi ka satuur leutakna... kedah siap-siap we > nganggo sapatu gunung nu teu gampil nyorosod... ari batur mah > tikosewad wae, abi mah teu acan kantos geubis basa harita teh... > > Kedah nyandak oleh2 kanggo urang Baduyna, diantawisna lauk > asin+tarasi, sareng kanggo urangna mah nyandak beas kanggo tuang > sadidinten, rencangna mning keneh nu instant2... sapertos Abon+mie > atanapi Auo (makanan siap saji nu dibungkus ku aluminium foil nu > kantun dikeueumkeun kana cai ngagolak)... Resep da... matak asa > nineung, hoyong kaditu deui!!! siap2 jaga kondisi, da mapahna ge dugi > ka mangjam-jam... > > ~Ipup~ > (sono kana kadu Baduy) > > -- ------------------------ Yahoo! Groups Sponsor --------------------~--> $9.95 domain names from Yahoo!. Register anything. http://us.click.yahoo.com/J8kdrA/y20IAA/yQLSAA/0EHolB/TM --------------------------------------------------------------------~-> Komunitas Urang Sunda --> http://www.Urang-Sunda.or.id Yahoo! Groups Links <*> To visit your group on the web, go to: http://groups.yahoo.com/group/urangsunda/ <*> To unsubscribe from this group, send an email to: [EMAIL PROTECTED] <*> Your use of Yahoo! Groups is subject to: http://docs.yahoo.com/info/terms/
