Anu kaopatna, soal waktu nganjang ka Kanekes. Harita waktu lunta ka dinya, heunteu ngitung panaggalan sabenerna mah. Ngan barang keur aya di Cibeo, Baduy Jero, ti peuting, geuning caang bulan mani ngempray. Emh, da eta mah endah kabina-bina rarasaan harita. Bulan keur mayungan, ngepmray, aya di wewengkon anu bener-bener masih asli, wani sigana diadukeun jeung wewengkon mana bae anu kaasup asli di ieu alam anu geus kaancikan ku budaya manusa. Keur ngobrol jeung sohibul bet bari anu nganjang teh ditaranggap ku anjeuna jeung tatangga-tatanggana ngariung, pating kalentrung sora kohkol diaradu minuhan dedengean. Barang disidikeun ka luar, sora pating kalentrung teh bijil tina lodong. Horeng wanoja-wanoja urang Kanenekes Cibeo keur pulang anting (bulak-balik) ngakutan cai ti sumber cai (walungan sisi kampung) make lodong (sarupa wadah ngangkut cai, dijieun tina awi). Cai keur sasadiaan aroteun sapopoe di bumi aranjeuna sewang-sewangan. Kukituna, "tips" anu kaopat, aya alusna upama nganjang ka Kanekes teh dirarancang supaya pas keur bulan purnama, dina heunteuna tanggal 13-14 bulan Hijriah, nya atuh dina mingguan bulan keur gede ka ditu teh.
Kalima, kampung mana anu jadi tujuan. Aya 3 kampung anu kaasup Baduy Jero, nyaeta Cibeo, Cikertawana jeung Cikeusik, patungturuy ti kaler ka kidulkeun. Anu pangjauhna, tangtu bae kulantaran urag jol ti kaler, nya Kampung Cikeusik. Wayahna, sok sanajan gede kahayang urang nyaba tepi ka Cikeusik-kulantaran nya di Cikeusik minangka anu disebut kampung Kanekes pangmimitina, jeung puseur-sebut bae- karahasianana-nyaba urang engke sigana moal tepi ka dinya. Sabab, keur anjog ka Cikeusik teh miang ti Kaduketug bae merlukeun waktu leuwih ti dua poe sapeuting di jalan. Umumna mah anu ngaranjang ka wewngkon Baduy Jero teh ukur tepi ka Cibeo atawa Cikertawana. Kagenep, peupeujeuh di jajalaneun ulah sapetik-petikna, entong sala- alana. Upama teu perlu pisan mah teu kudu putuk-petik, rubat-rabut. Eta teh bisi matak ngarempag pantangan aranjeunna anu urang heunteu engeuh sakabehna. Katujuh, keur logisti, enya sakuduna urang teh bebekelan da ditu mah teu aya warung kadaharan oge sangkan heunteu ngaheskeun nu diimah. Di Baduy luar, anu dianjrekan minangka pangrereban, geus bisa narima tamu model urang engke. Aranjeunna geus ngaikhlaskeun dapurna dipake masak ku urang. Kukituna, upama urang bebekalan atahan oge, kayaning beas jeung deungeunna, teu nanaon. Kitu deui di Baduy jero. Ngan anu kaalaman baheula, aranjeunana oge nawisan ka urang, nyobaan katuangan beunangna, bari rada arisineun. Waktu dipaluruh, aya anu ngajelaskeun urang dinya, satemena urang Kanekes lain heunteu someah nawaran naon rupa kadaharan ka urang, tapi aranjeunna inggis ku bisi, rempan ku beja, katuangan beunang aranjeuna heunteu pas kana letah tamuna. Kukituna, poma ulah heran upama urang ditu ku urang "dianggap" (ka-persepsi) heunteu pati someah soal kadaharan. Kadalapan, salila di Baduy jero peupeujeuh teu meunang mandi atawa beberesih migunakeun pakakas modern, upamana sabun jeung odol. Di dieu pakaitna tadi soal tips kudu sayogi fisik jeung mental teh. Bisi teu biasa mandi heunteu make sabun, wayahna salila di baduy jero mah ulah make sabun (keun bae atuh da papada sarua teu make sabun). Mandi jeung miceun kokotor awak sejenna geus aya tempatna sewang-sewangan, sakumaha pituduh aranjeuna. Urang Kanekes kalintang parantos tiasana ngatur soal mulasara lingkungan. Cag heula, bisi aya keneh kapanasaran mah prak bae tanyakeun, sugan jeung sugan anu inget mah aya keur ngajelaskeunana. Baktos, manAR --- In [EMAIL PROTECTED], "Oman Abdurahman" <[EMAIL PROTECTED]> wrote: > > Baraya, > > Minangkana mah "tips" atawa nasehat ringkes keur anu rek nganjang ka > Kanekes (wewengkon Baduy). Sakalian bae ngingetkeun deui sorangan, > susuganan aya waktu gabung jeung Kusnet komisi Jakarta, lunta deui > ka Kanekes bulan Pebruari; atawa dipajukeun miluan ka "kloter" anu > arek "taun baru"-an di Kanekes. > > Nu Kahiji, peupeujeuh di ditu teh ulah mindeng teuing migunakeun > kecap Baduy. Ceuk warta anu kungsi katampa, urang ditu leuwih suka > dirina disebut salaku "Urang Kanekes". "Baduy" teh sesebutan > masyarakat luar ka masyarakat di dinya. "Baduy" sorangan oge > ngarupakeun ngaran hiji gunung di wewengkon eta. > > > Cag sakieu heula, rarusuh arek juma'ahan, ke pareng aya waktu urang > teruskeun deui. > > Baktosna, > manAR ------------------------ Yahoo! Groups Sponsor --------------------~--> Make a clean sweep of pop-up ads. Yahoo! Companion Toolbar. Now with Pop-Up Blocker. Get it for free! http://us.click.yahoo.com/L5YrjA/eSIIAA/yQLSAA/0EHolB/TM --------------------------------------------------------------------~-> Komunitas Urang Sunda --> http://www.Urang-Sunda.or.id Yahoo! Groups Links <*> To visit your group on the web, go to: http://groups.yahoo.com/group/urangsunda/ <*> To unsubscribe from this group, send an email to: [EMAIL PROTECTED] <*> Your use of Yahoo! Groups is subject to: http://docs.yahoo.com/info/terms/
