Kang Agus,
Ngiring belasungkawa kana naon anu karandapan ku salira. Satemenna eta teh pasoalan urang sadaya, warga Tatar Sunda. Wewengkon Parahiyangan, anu cenah diciptakeunana oge nalika Pangeran "ngagelenyu imut", tina bakating ku endahna, ayeuna sigana, kari beja jeung carita baheula. Samemehna, mikatineung ka wewengkon Cicalengka, kulantaran sababaraha hal. Kahiji, sabab nya ieu patempatan patilasan karajaan Kendan anu mimiti nyangkaruk dina ingetan, mimiti jadi kacinta ati di sagigireun banjar karang pamidangan sorangan di Galuh. Siga heunteu sapira muasalna mah, eta jalaran mangsa keur sakol dasar (SD), anu jadi bahan bacaan basa Sunda teh "Taman Pamekar" tea. Apan anu ngarang eta buku teh Samsudi sareng Sanusi (dua SS), nyandak Cicalengka salaku kasang tukang jeung tempat "tokoh-tokoh" anu dicaritakeun dina eta buku kajadian. Enya, Isah, Aman, Ade jeung balad-baladna, putrana padamel Statsiun KA Cicalengka. Kacinta ka wewengkon Tatar Sunda katambahan, ti sagigireun nao rupa anu kasaksian jeung ka alaman di wewengkon Galuh, lamping kaler G. Syawal, oge pangalaman Isah, Aman, Ade jeung balad-baladna sakumaha anu dicaritakeun ku dua SS dina buku Taman Pamekar. Taman Pamekar, estuning ngarupakeun hiji buku anu kuat dina nyaritakeun kaayaan lingkungan anu khas, hiji catetan manusa anu cinta ka lingkunganana. Kaduana, kabehdieunakeun, geuning seueur pisan anu ngaabadikeun lingkungan Cicalengka anu endah dina karya-karya seni, khususna senis sastra. Upamana bae, karya-karya Teh Aam Amilia jeung curug sindulangna, oge Kang Wahyu Wibisana dina salah sahiji rumpaka kawih gawe bareng sareng Mang Koko. Enya tetela, teu nyalahan baheula karuhun, ngajadikeun Cicalengka (Kendan) salaku daerah "transit" samemeh bubuara di wewengkon Galuh. Katiluna, kabehdieunakeun, beuki pansasaran bae ka taneuh Cicalengka, aya naon dina cai taneuhna, bet bisa "ngahasilkeun" sababaraha bentang dina widang kaelmuan. Sebat bae, Kang Jalal sareng Kang Chaedar Al-Wasilah. Duanana kawentar dina widangna masing-masing, khususna komunikasi sareng linguistik, lain bae di tataran nasional, tapi oge internasional. Tangtuna oge Cicalengka ngagduhan potensi ngalahirkeun bentang-bentang kahirupan, tuladaneun. Ayeuna, sakumaha anu dicarioskeun ku salira, Cicalengka parantos sakitu pikamelangeunana. Sanes bae Cicalengka satemenna, tapi ampir sadaya lingkungan di Bandung parantos sakumaha anu dicarioskeun ku salira. Sakapeung sorangan oge sok ngarasa hoream indit-inditan jero kota Bandung teh, eta seunggah ku macet jeung panasna hawa. Ari teu perlu-perlu teuing mah, mendingan numpi bae di imah atawa "lembur" di kantor anu sabudeureunana masih liuh ku tatangkalan baradag. Kumaha ketak urang ka payun? mangga, nya ieu PR anu sakitu ageungna. Bade ti mana jeung kumaha ngawitanana, nyanggakeun ka sadayana. Baktosna, manAR --- In [EMAIL PROTECTED], "Agus Mth" <[EMAIL PROTECTED]> wrote: > Hapunten kasadayana, sim kuring rek cumarita ka balarea. > > Nelengnengkung..nelengnengkung....kuring teu bisa balik ka Bandung > > Surabaya, 22 Nop2004 > > Agus Muthoharun ------------------------ Yahoo! Groups Sponsor --------------------~--> Make a clean sweep of pop-up ads. Yahoo! Companion Toolbar. Now with Pop-Up Blocker. Get it for free! http://us.click.yahoo.com/L5YrjA/eSIIAA/yQLSAA/0EHolB/TM --------------------------------------------------------------------~-> Komunitas Urang Sunda --> http://www.Urang-Sunda.or.id Yahoo! Groups Links <*> To visit your group on the web, go to: http://groups.yahoo.com/group/urangsunda/ <*> To unsubscribe from this group, send an email to: [EMAIL PROTECTED] <*> Your use of Yahoo! Groups is subject to: http://docs.yahoo.com/info/terms/
