LEBARAN HAJI DI MESIR
Dua poe memeh lebaran haji, kuring tos taki-taki. Geuwat balanja kabutuhan di imah kira-kira opat-lima poeeun. Sabangsaning kadaharan tiwit beas, sayur-sayuran, dugi ka bungbuahan. Barangbeuli gagancangan teh pedah warung bisi kaburu narutup. Da kitu geuning di Mesir mah, asal usum lebaran Idul Adha, toko-toko bakal rehe. Narutup. Keur sawatara poe, nepi ka ping 13 Dulhijjah. Tradisi mudik lebaran haji urang Mesir, leuwih marema batan lebaran puasa. Poean lebaran Idul Fitri mah, masih rada rame. Kantor-kantor ge tara lila nutupna. Oge warung-warung. Paling ge poean lebaran wungkul. Tapi mun pareng lebaran haji, biasana kaping 14 atawa 15 Dulhijjah nembe maruka deui. Kuring sono kana suasana lebaran siga di lembur baheula, di daerah Sagaranten, 50 km kiduleun kota Sukabumi. Mun maleman lebaran teh, takbir babarengan di masigit. Ari kuring harita, jeung barudak ngagotong bedug ngurilingan lembur, atawa nyampeuran barudak di masigit sejen. Sora pepetasan atawa karbit ting jeleger ti unggal lembur. Takbir teh sapeupeuting kadenge ti unggal masigit. Di nagara piramid mah, takbir model kitu kari waasna. Duka kunaon tah. Meureun urang Mesir mah teu resepeun. Haleuang takbir kakara kadenge teh jam genep isuk, tos subuh. Eta oge laguna teh lempeng, teu make itu-ieu siga di urang. Mun giliran meuncit kurban, boh sapi atawa domba, urang Mesir mah dimana wae tempatna teh. Di sisi jalan raya ge jadi. Nya memang taneuh di kota Kairo mah heurin, susunan imah apartemen, teu aya pakaranganana. Trotoar jalan oge teu jadi sual. Atuh puguh getih teh ngocor ka jalan raya. Ah, sakitu heula wae dulur-dulur...sanes waktos diteraskeun deui. Insya Allah. Selamat Hari Raya Idul Adha 1425 H ===== "....menjadi tua itu kepastian menjadi dewasa itu pilihan..." www.dedepermana.blogspot.com ________________________________________________________________________ Yahoo! Messenger - Communicate instantly..."Ping" your friends today! Download Messenger Now http://uk.messenger.yahoo.com/download/index.html ------------------------ Yahoo! Groups Sponsor --------------------~--> Give underprivileged students the materials they need to learn. Bring education to life by funding a specific classroom project. http://us.click.yahoo.com/4F6XtA/_WnJAA/E2hLAA/0EHolB/TM --------------------------------------------------------------------~-> Komunitas Urang Sunda --> http://www.Urang-Sunda.or.id Yahoo! Groups Links <*> To visit your group on the web, go to: http://groups.yahoo.com/group/urangsunda/ <*> To unsubscribe from this group, send an email to: [EMAIL PROTECTED] <*> Your use of Yahoo! Groups is subject to: http://docs.yahoo.com/info/terms/
