|
Ceu Ineu... punten rada elat email na,
sim kuring nembe online (biasa ari sabtu minggu tara ngoprek
komputer). lumayan panjang we upami didongengkeun lengkep mah. Mung
saleresna autis, ds, mr, jrrd saleresna kirang tepat upami disebat panyawat.
Kumargi ari pasifatan panyawat mah tiasa menular, sedengkeun autis, ds tea...
teu nular. Upami dikategorikeun panginten disebatna "kelainan" tea.
Khusus autis, memang saestuna aya kelainan secara
medis nu ngaganggu kana perilaku sosial tur bahasa atanapi secara psikologi
disebat gangguan sosial. Penyebab autis dugi ayeuna teu acan pasti, ngan nu
jelas gangguanna Neurobilogi. secara fisik mah autis teu aya bedana ti nu
normal. Tapi secara psikologis aya ciri-ciri nu bisa ngabedakeun budak autis
atawa henteu. Aya ciri-ciri saperti : (punten rada direumbeuy nya basa
sundana, supados tepat istilahna)
1. telat dina "perkembangan bicara" -- kahade ulah
dilalaworakeun upami murangkalih telat nyarios
2. teu tiasa nyarios kecap-kecap nu tos
"dikuasai"
3. teu tiasa nurut kana instruksi sederhana
sapertos "pangyandakeun acuk ujang!"
4. teu aya "kontak mata" upami diajak
nyarios/berinteraksi.
5. asyik dina dunyana sorangan. kadang sapertos nu
gaduh "teman hayalan".
6. jrrd...
Tapi ciri-ciri nu diluhur mangrupakeun ciri-ciri
umum. upami diobservasi budak ngabogaan ciri-ciri spesifik, bisa jadi teu autis
tapi: PDD NOS, Fragile X, Landau, Asperger, jrrd... (seueur pisan
ceu....)
Benten deui sareng autis, DS atanapi Down Syndrome,
secara fisik kelainanana tiasa katingali. Secara medik, urang nu normal
ngagaduhan 23 pasang kromosom, tiap pasang aya 2 (x,y). sedengken nu DS dina
kromosom ka 21 sifatna trisomi atawa rempet 3. Efekna, secara fisik ngagaduhan
bentuk mastaka mongoloid. tangtos wae kelainan ieu secara psikologi ngakibatkeun
gangguan sosial tur emosi. Janten tiasa wae umur budak 12 taun, tapi usia mental
sami sareng budak 7-8 taun.
Upami MR tea jelas singketan tina "Mental
Returdised", kasarna mah keterbelakangan mental. Seueur aspek nu tiasa ditingal
boh secara psikologis atanapi secara medis.
Boh autis, ds, mr, pamendak sim kuring mah upami
tos kadeteksi "secara dini", kedah enggal bertindak nu disebat "intervensi
dini". Intervensi ieu mangrupa terapi, boh terapi motorik, terapi wicara, dugi
ka terapi perilaku tur terapi okuvasi.
Di klinik sim kuring aya pasien umur 17 taun AD/HD
alias hiperaktif tea, ku indung bapana ti keur leutikna eta budak teu pernah
dikonsultasikeun. Anggur kalah di kerem atawa dicangcang, ayeuna eta budak can
tiasa nyarios-nyarios acan, malah mun ka cai ge diombehan ku
indungna. Watir pisan ceu...., teu kabayang ku kuring mah, mun indung
bapana geus teu aya, kumaha masa depan eta budak. Tah di dieu pentingna
"intervensi dini" teh.
Memang vonis dokter (upami tos jelas,) kolotna ukur
bisa narima sabab teu aya ubarna. Tapi kusabab gangguan nu karandapan bisa jadi
gangguan sosial, emosi, bahasa atawa prilaku, tangtu bisa diobah ku jalan terapi
dini tea.
-salam-
MDY
----- Original Message -----
|
