[Urang Sunda] Wilujeng Enjing...kataji...!!!

[MSasmita]

Meh saminggu teu posting ka Kusnet teh, satutasna ngiluan Silaturahmi di Jkt, alatanana mah nyakitu tea, computer keuna ku pirus jadi rada ngaco, mindeng error-na. Resep ka barudak ngora di Kusnet Jakarta, sumanget. Keur kuring mah kacida bungahna da tina sumanget eta bakal mucunghulna sirung harepan Sunda kahareupna, kataji ku hoghagna, kataji ku eusi nu di-hoghagkeun-na, kataji ku ngarora-na (da dina ukuran umur mah sigana kuring pangkolotna nu harita hadir ti Kusnet teh atuh ari ti luar Kusnet mah kapan aya Mang Ayat nu tos yuswa 60 langkung), jeung kataji ku…daria-na.   Kataji ku omongan Kang Tirta, yen ngayakeun riungan teh keur ngocal-ngocal program naon nu bakal bisa kalaksanakeun kahareupna boh nu jangka pondok atawa nu jangka panjang, jeung jang ka imah (kulawarga)*), nu jadi sabab Kusnet Jakarta aya niat rek manggihan Urang Sunda di Jakarta boh inohong, gegeden, ilmuwan(?) keur ngawanohkeun Kusnet, bisi ditanya naon programna jawabna teh teu sabolang bentor teuing tapi nyoko kana hasil riungan tea. Mun kongang kuring ge hayang nurutan ngayakeun silaturahmi siga kitu di Bandung, keur mah ongkoh aya nu ngaharewos Kusnet teh kudu diwanohkeun (disosialisasikeun) ka urang Sunda senior (? ).   *) Jang ka imah didieu teh taya lain iwal ti naon anu bisa dilakukeun ku urang keur ngahaulkeun deui Sunda di kulawarga, naha ngan sakadar ngalobaan buku bacaeun basa Sunda, atawa ngan sakadar ngalanggan majalah/koran basa Sunda, tujuanana mah sangkan barudak di imah teu poekuen teuing kana basa Sunda.   Der..ahh..!!   MSasmita     Komunitas Urang Sunda --> http://www.Urang-Sunda.or.id Yahoo! Groups Sponsor ADVERTISEMENT Yahoo! Groups Links To visit your group on the web, go to: http://groups.yahoo.com/group/urangsunda/   To unsubscribe from this group, send an email to: [EMAIL PROTECTED]   Your use of Yahoo! Groups is subject to the Yahoo! Terms of Service.