[Urang Sunda] Pasea

[Sumarna, Nana]

Geus dua poe si Adul pasea jeung pamajikanana. Mun geus pasea jiga kieu, biasana maranehna tara patanya, komo ngobrol mah. NIncak poe kalima pasea, si Adul tetep teu daek ngomong, komo pamajikana mah tetep haroream ngomong.   Tapi dasar apes, poe isukan isuk-isuk pisan si Adul boga jangji anu kawilang penting. Artina si Adul kudu hudang isuk-isuk. Padahal si Adul teh paling hese lamun kudu hudang isuk-isuk, ma'lum anu kebluk tea. Kulantaran masih pasea jeung nu jadi pamajikan padahal isukan kudu hudang isuk-isuk nya kapaksa si Adul neangan akal satekah polah supaya pamajikanana daek ngahudangkeun manehanana bari jeung teu kudu ngomong ka pamajikanana.   Si Adul nyokot kertas sacewir nu ngagoler dina meja, terus nulis pesen keur pamajikanana,"Isukan isuk-isuk Aing aya rapat, panghudangkeun jam 6!". Eta kertas digolerkeun di meja rias pamajikanana, terus langsung sare. Isukanana pas hudang kareret dina jam anu nangkod na tembok geus nunjukeun jam 10 beurang. Atuh teu kira-kira ambekna si Adul lantaran pamajikanana teu ngahudangkeun manehanana.   Bari mentegeg jeung dada karasa eungap, manehna nyampeurkeun meja rias pamajikanana. Didinya manehna nimu sacewir kertas nu geus ditulis ku pamajikanana, "Hudang hudang, geus jam 6 isuk!!"       Komunitas Urang Sunda --> http://www.Urang-Sunda.or.id Yahoo! Groups Links To visit your group on the web, go to: http://groups.yahoo.com/group/urangsunda/   To unsubscribe from this group, send an email to: [EMAIL PROTECTED]   Your use of Yahoo! Groups is subject to the Yahoo! Terms of Service.