Assalamualaikum Alhamdulillah tiasa ditepangkeun sareng sabagian wargi kusnet/kisunda di kopdar sareng cupumanik (19 Juni 2005) haturan ka sadayana sanaos tos kalamian sim abdi nyuhunkeun di hapunten wireh dongkap elat ari wangsul rurusuhan ..Nyanggakeun kutrat kotret nu pamugi teu ngaganggu topik nu nuju hangat di kisunda/urangsunda.
===== Ulikan kasundaan: Maehan panca indra !!! Naha bisa? Naon gunana? jeung naha enya bet kudu kitu? Panganteur I .Lamun keur pareng aya waktu ti budak keneh tiap malem minggu sok remen ngupingkeun pagelaran wayang tina radio sawengi jeput, radiona cukup disimpen dina anggel. Dina cariosan wayang golek di urang, lamun palebah Semar Badranaya [nu dina wayang mah disebut Dewa kamanusan teu aya dina aslina/mahabarata] kacanir bangban boh ditideresa, boh aya kabutuh/perlu sok midamel kawas dihandap ieu: Rep sidakep sinuku tunggal mateni patang parkara [maehan panca indra] angilo paesan tunggal .terus ngagibegkeun awakna Nya nu asalna badega beuteung burayut bari ngomongna ngalengis siga ceehan teh malih warni jadi Hyang Ismaya rakana/nu leuwih luhur/jago ti nungawasa triloka Hyang siwa/Batara Guru . Terus we bisa ngabebener pasualan di marcapada mampuh nulung ka nu butuh nalang kanu kasusahan bari nanjeurkeun bener. II lamun pareng ngobrol jeung kokolot urang lembur tangtung kampung jati dilelebah wewengkon sirna rasa sok remen dicaritaan yen cenah luluhur urang sunda mah Mahaprabu Pajajaran anu mulya . dina mayunan masalah nu sesah waktos ngaheuyeuk dayeuh ngolah nagara teh sok mujasmedi museurkeun sagalana ka nu mahasuci di kabuyutan. Eta teh tiasa kahontal ku sabab Jaya Dewata (Jaya=tara keuna ku naas/gagal Dewa=Dev=cahaya) langgeng caang mampuh mendakan caang dina caang nyumput[keun nafsuna kalawan] buni dinu caang. Tapis ngalelebah (manah) rasa kongas katelah Sang Pamanah rasa nu kukitu teh langgeng kawartikeun dugi ka ahir jaman janten Sang Siliwangi nu loba urang sunda hayang/ngaku jadi seuweu siwina. III Lamun pareng nanya ka Guru ngaji kumaha carana lamun pas meunang ka susah atawa karerepet kupikir geus teu kapikir ku akal geus teu kahontal terus hayang meunang tuduh kumah carana ?? .ieu Guru ngaos teh kalahka ngadongeng yen Sang rahmatan lil alamin Muhammad Rasulullah tuladeun sadaya nu kumelip mah sok tara naros ka nu sanes tapi ngaheneng nyuhunkeun pituduh ti nu Maha Suci-nya upami NU Maha keresa Allah swt marengkeun-teras sok lungsur wahyu ka mantenna (Quran lungsur sakedik-sakedik dumasar sabab kajantenanana). Dina nuju ngaheneng kitu teh mantena tara mayunan/ngabibisani namung leres-leres aslamtu kumaha Nu maha suci wae sanaos kantos kajantenan Nabi dikritik ku Allah swt upami ngalalangkungan Allah kawas dina cariosan ngeunaan ngawaler case Ashabul kahfi- kedahna insya Allah wae kadieunakeun sok katingal cara kawas rasul teh bijil ti ahliwarisna ..para ulama hakekat lain nu saukur disorban atawa lekoh arabna- tapi Satmata nu jadi pananyaan/panyaluuhan gunung pananggeuhan somah. III Urang ge sapopoe . .Lamun pareng meunang kasusah atawa ditanya nu urang teu apal/ diluar kamampuh pikir jeung akal sorangan sok reg ngaheneng ..cicing heula ngan saterusna kumaha kamampuh na ..aya nu jadi kabingung, aya nu jadi nyerah bae, aya nu jadi ngarasula, ay anu teu bisa sare, ay a nu jadi leuleus aya nu nanya ka batur deui.. timimiti ka konsultan nepikeun ka pananyaan..nepikeun kanu gaib-gaib...nu can tangtu salah/benerna . Padahal pan nanya jeung menta tulung mah kudu ka Allah ???? naon buktina yen meunang pituduh ti Allah lain ti setan ?? Malah loba nu lamun ngaheneng teh terus jadi ngahuleng kawas nu gelo nu bisa jadi ku lantaran stress/depresi bisa oge jadi siwah kabawa ku sakaba ..kaba teu eling ka temah wadi. IV Kabeh caritaan diluhur beda sumberna jeung beda-beda cara nyaritakeun katut penekanannana tapi lamun ku urang ditilik bakal katingal aya benang merah nu sarua dina hal menta kamampuan/tulung diluar kabiasaan sapopoe nu ngagunakeun akal/pikiran mungkul eta ge lamun pareng meunang kasusah/kabutuh. Nu sabenerna cenah mangrupakeun ulikan nu masagi (salah sahiji cirina empirik) nu puguh parameterna, teori reujeung praktekna dina pustaka di alam SUNDA. V Wah siah Naha enya ???? Kumaha carana ?? naha kunaon bet aya hubungana jeung maehan panca indra??? naha bisa? Naon dasarna? Boa-boa ngawadul mungkul !!!! ===== Upami pareng Insya Allah urang teraskeun kapayun etang etang ngaramekeun ku cara ngintunan dongeng kampung. Tawis sillaturahmi bae .. Haturan .sun. ==== Baktosna Eddy Nugraha __________________________________________________ Do You Yahoo!? Tired of spam? Yahoo! Mail has the best spam protection around http://mail.yahoo.com Komunitas Urang Sunda --> http://www.Urang-Sunda.or.id Yahoo! Groups Links <*> To visit your group on the web, go to: http://groups.yahoo.com/group/urangsunda/ <*> To unsubscribe from this group, send an email to: [EMAIL PROTECTED] <*> Your use of Yahoo! Groups is subject to: http://docs.yahoo.com/info/terms/
