[Urang Sunda] Laporan Hasil Nguseup di Laut Jawa

[Gunawan Yusuf]

Ping 24-06-2005, ninggang dina dinten jum'ah wengi dongkap ka Serang, Banten, sareng punbojo kalih palaputura abdi, Pa Siddik, Ibu, sareng putri-na, lajeng ngawengi di rorompokna Kang Asep Hendra (rakana Kang Hendri Mulyana tea, nu juragan epson ti Cikarang, nanging sanes wargina Mulyana W Kusumah), kumargi rorompok abdi mah alit hawatos ka Pa Siddik, lajeng dinten saptuna, rombongan jemaah nguseup nyaeta Pa Siddik miwah istrina & putrina, Kang Hendri, Kang Asep Hendra, Abdi, Kang Ridwan (ieu rerencangan damel abdi), wargina Pa Siddik, angkat ka Pelabuhan Karang Hantu, Serang, Banten. Di Pel Karang Hantu, numpak kapal motor, ka laut jawa ngajugjug perairan pulo tunda caket kawasan pulo seribu, lamina perjalanan teh kirang langkung 2 jam, alhamdulliah sadaya nu nguseup teh kenging lauk, kang Hendri mah kungsi kenging 2 lauk barakuda sakaligus, ngan abdi mah teu kenging hiji-hiji acan kumargi ..............mabok laut tea, atuh sajajalan teh ngan ngagoyey.....wae. Kinten tabuh 5 sonten rombongan tos mulih ka pelabuhan karang hantu deui, bari nyandak hasil useup tea (abdi mah harita masih leng-lengan keneh), malihan dinten mingguna  rarieut deui (panginten kena vertigo tea), lajeng Pa Siddik saparantos ngajajap ka rorompok anjeuna mulih deui ka Bogor margi enjing mingguna bade aya kopdar tea di rorompokna, sareng Kang Hendri mah mulih ka Cikarang Tah sakitu heula laporan nguseup di Serang, Banten tea, upami wargi kusnet aya nu minat nguseup di laut, urang carioskeun deui kapayun.   wassalam Komunitas Urang Sunda --> http://www.Urang-Sunda.or.id YAHOO! GROUPS LINKS  Visit your group "urangsunda" on the web.    To unsubscribe from this group, send an email to:  [EMAIL PROTECTED]    Your use of Yahoo! Groups is subject to the Yahoo! Terms of Service.