Re: [Urang Sunda] Nepangkeun sareng usul

[MSasmita]

Ke..ke..ke...ieu anu diusulkeun teh ngadamel deui yahoogroups anu anyar ( seratan Kang Mustakim nu munggaran mah kitu asana) atanapi perkawis undak-usuk basa Sunda..? Upami perkawis undak usuk mah usul teh sae pisan, malah sim kuring mah satuju upami pangersa Kang Mustakim nyalira anu ngaluluguan perkawis ngabahas undak usuk, mangga geura prung...! kuncen mah satuju bae salami eta aya mangfaatna kanggo balarea, upami di "pelajari" undak usuk teh saur Pa Hidayat Suryalaga mah nu ulah pahili mung aya 30. Leres perkawis undak usuk aya pro kontra dina mangsa kiwari, kanggo dina ieu forum mah teu kedah silih salahkeun, anu pro atuh mangga dianggo bae kalayan leres, kitu deui ka anu kontra da adab na mah kedah dianggo, tetep aya basa loma, basa lemes, basa kasar, kedah sami sami merenah nempatkeunana. Atuh kitu deui kana basa wewengkon kedah sami sami ngahargaanana, upamina urang Baduy (ceuk sakaol mah asli urang Sunda kalebet basa Sunda-na) nyariosna kasar, kasar soteh saur urang wewengkon sanes ( wewengkon Priangan misalna) da ari kanggo dirina mah tetep we merenah. Hatur nuhun, urang sami sami diajar bae.   MSasmita kuncen # 2 ( tos kolot abdi mah tos 55 taun, nu ngora keneh mah kuncen 3,4,5 ari kuncen 6 mah sami tos kolot mung tegep keneh).     ----- Original Message ----- From: A.M. Ardipradja To: urangsunda@yahoogroups.com Sent: Sunday, July 17, 2005 11:13 AM Subject: Re: [Urang Sunda] Nepangkeun sareng usul Sanes kitu Cep Murdi,   Ari miturut sim kuring mah basa Sunda teh bahasa warisan ti karuhun nu masih keneh aya di alam feodal, jadi basa Sunda salaras sareng ayana stratifikasi di masarakat Sunda harita.   Ayeuna mugi2 feodalisme parantos sirna, namung tetep wae basa Sunda mah kedah nga-beda2-keun nu kasar, nu biasa jeung nu lemes, pami memang bade dilestarikeun jeung dianggo kalayan leres mah. Cobi geura aos conto2 dihandap ieu:   Abdi tuang: lepat, kuduna mah Abdi dahar Maneh lali: lepat, kuduna mah Maneh poho Kuring linggih di Bandung: lepat, kuduna mah Kuring cicing di Bandung Anjing kuring keur dahar tulang: lepat, kuduna mah Anjing kuring keur ngalebok tulang .......................... jeung sajabana ti eta.   Kumargi eta sim kuring ngararepkeun forum ieu teh tiasa ngalereskeun basa Sunda warisan para karuhun urang ka para anggota sadayana.....   Kumaha Cep Kuncen?   Salam, Mustakim   murdi <[EMAIL PROTECTED]> wrote: Kahatur kang Mustakin anu bageur. Asalamualaikum wr.wb. Ke,ke,ke...maksadna teh ngarah teu pacampur kumaha ?..... ari kaemut ku sim kuring mah, upami aya perbentenan dina masalah daerah atanapi dialek, atamah  tos lumrah, malahanmah ngarah tambih seueur kawanohan jeung nandakeun yen basa sunda teh benghar ku kata. Upami bade di pisahkeunmah, asanateh asa aya perbedaan antara urang sunda teh, duka ieumah pangemut sim kuring.   wassalam msm "A.M. Ardipradja" <[EMAIL PROTECTED]> wrote: Urang Sunda nu Balageur,   Simkuring nembean ngiring dina ieu milis. Nami: Mustakim Ardipradja Kawit: Desa Arjasari, Kacamatan Singaparna, Galunggung (sanes Singapura)   Simkuring bade ngusulkeun ka Cep Kuncen: ngadamel yahoogroups hiji deui namung husus kangge ngalestarikeun basa Sunda nu pang-kasar2-na, teras ngadamel hiji deui husus kangge basa Sunda pertengahan, teras hiji deui husus kangge basa Sunda nu pang-halus2-na. Jadi aya 3 deui yahoogroups anyar, supados katilu tingkatan basa Sunda tiasa lestari jeung dipake kalayan bener, teu pa-campur2.   Kumaha Cep?   Mustakim Komunitas Urang Sunda --> http://www.Urang-Sunda.or.id YAHOO! GROUPS LINKS  Visit your group "urangsunda" on the web.    To unsubscribe from this group, send an email to:  [EMAIL PROTECTED]    Your use of Yahoo! Groups is subject to the Yahoo! Terms of Service.