|
SIKSA KUBUR DILAKSANAKEUN DI KUBURAN :
Sampurasun Kang Dudi
Anu disiksa di kubur teh, sanes Waragadna (Kurungna), ari kurung na
mah seep janten Taneh deui. anu ngaraoskeun siksa sareng pahala dina Kubur
kalawan Langgeng (ABADA) teh Kuringna (Ruh Manusana). Kanggo Ngamaphum kana
perkawis eta kedah tiasa misahkeun heula dina diri ti antawisna :
JISIM - KURUNG - KURING:
Anu disebat JISIM nyaeta Nafsu anu Opat tea
Anu disebat KURUNG nyaeta Badan anu tina saripati Bumi hasil patemon rasa
Ibu sareng Rama.
Anu disebat KURING nyaeta Ruh anu saur dina Al-Qur'an : firman Allah :
"Wanafakhtu fiihi min-ruuhi", hartosna "Jeung Kami Niupkeun Kana eta (Badan anu
Geus Sampurna), Ruh ti Kami".
Upami Kang Dudi kagungan Anggoan Sae pisan anu pangaosna awis kalintang,
teras eta Anggoan Kang Dudi teh ku simkuring di Duruk, kinten-kinten kang Dudi
Ngambeuk moal? tangtos Rasa Batin Kang Dudi hanjelu tur ambek, teu genah
calik, upami nafsuna kapegung sok janten ceurik balilihan bakating ku nyeri,
padahal ngan ukur anggoan (KURUNG) kang Dudina anu di Duruk kantenan ari Kang
Dudi na mah.
Terasna supados awas kana KURING (RUH) nyalira, cobi wae rampa Seneu dina
lilin ku panangan Kang Dudi, anu ngaraos keun panasna tina Seneu naha
naonnana?
Naha Panangan? atanapi Kuringna anu ngagaduhan panangan? tantos Kuringna.
Cobi tingali anu maot, teras gebugan panangan eta anu maot? ngagorowok nyeri
moal? tangtos moal da etamah ngan ukur wadahna. Janten Hakekatna anu ngaraoskeun
Tiis-Panas, Nyeri-Nikmat, Bungah-Susah Didunya rawuh Akheratteh Ruhna
(KURINGna) anu asalna ti Anu Maha Hirup (Al-Hayyu).
Upami ayeuna Kang Dudi digebugan Panangan eta, anu ngaraoskeun Nyerina naha
Malaikat anu aya dina Diri Urang Ngaraoskeun Nyeri Henteu? henteu, Naha Syetan
anu Ngagoda Kang Dudi ngaraoskeun Nyeri henteu? Heunteu, Naha simkuring ngiring
ngaraoskeun nyeri henteu? henteu, Naha Alloh anu ciptakeun diri urang sarerea
ngaraoskeun Nyerina eta digebug heunteu? henteu. ESTU TETEP Karasa Tunggal mung
ku Kang Dudi Wungkul nyerina eta digebugan panangan kang Dudi, nuduhkeun eta teh
yen sifat Allah anu Maha Tungga aya dina diri tiap jalmi anu mangrupikeun
Af'alna (CiptaannaNa) Alloh anu disebat Af'alulloh. "NYUNGSI DIRI NYUAI BADAN
ANGELO PAESAN TUNGGAL".
Seuneu Rasana Panas, naha Panasna eta Seuneu katingal ku Kang Dudi tangtos
henteu, da katingalna mah ngan ukur bereumna eta seuneu, ari panasna eta
terangna ku RASA anu nyanding dina KURUNG. Panas oge nyanding dina Seuneu anu
beureum, samodel GULA sareng AMISna, LAHIR sareng BATINna.
Numawi dauhan Kanjeng Nabi Muhammad S.A.W, : "Lilqur'ani Dzahirun
wabaatinun", hartosna "Dina Al-Qur'an teh aya (hartos/makna) Lahir sareng
Batin". Ngamafhum Qur'an teh kedah sareng makna Lahir Batinna
Perkawis ngalaksanakeunnana eta SIKSAAN kumaha KURINGna eukeur di DUNYA,
ALLOH SWT mah netepkeun hasil Laku Lampah Urang di Dunya, upama KURINGna
teu tiasa ngendalikeun Nafsu-nafsu (JISIM) anu Opat, maka tangtos KURINGnana teh
moal Mulih Kajati Mulang ka Asal, tapi Nuturkeun hawana eta Nafsu kamana wae
Nafsuna-Kuringna Oge nuturkeun Nafsuna disebat wae marakayangan,
numawi rajeun sok aya anu mendakan (kawenehan) di Sawah aya nu ceurik
tapi teu aya jirim disebat wae JURIG SAWAH, aya anu keur ucang-ucangan dina
Tangkal Gede disebat wae Kunti Lanak, aya anu Keur Ngaji di Masjid tapi teu aya
jirimna disebat wae JIN ISLAM jeung sajabana. Tah eta sadaya nuju
ngalakonan hasil Tekad Ucap Lampahna keur di Dunya satung tung teu acan
Kiamat Kubro.
Anapon pintonan-pintonan di layar TV etamah namina oge Hiburan anu ngandung
Pelajaran diatur ku Sutradara, mung aya candakeunnana, yen Hirup Manusa
kumaha Lampahna di Dunya. Rupa Anu Goreng pikasieuneun anu nempo eta teh nya
Nafsu Goreng anu aya dina Diri Urang Keneh jeng saterusna.
aduh panjang teuing yeuh, hapunten upami kirang dina ngajabarkeunnana upami
hoyong langkung ecesna Alam Barzah urang kedah ngalaksanakeun Hadist Nabi anu
unggelna " MUUTUU QOBLA ANTAL-MAUTA", hartosna :"Geura Maraot (heula) Aranjeun
Kabeh, Samemeh Aranjeun Maraot".
sakitu heula
hapunten
Baktos
Agus Wirabudiman
----- Original Message -----
|
- Re: [Urang Sunda] PENYIKSAAN ALAM KUBUR Agus Wirabudiman
