RE: [Urang Sunda] ngabuburit

[Nia Sri Winiarsih]

Jaman Kuring keur leutik dimajalengka   Lembur kuring teh desa pisan, pasawahan jeung pagunungan, di tungtung desa (landeuheun bumi bapak ), aya walungan cihieum dikenal sebutanana sasak cihieum padahal mah teu hieum teu sing...,....tempat anu sok di jarugjud muda mudi ti sababaraha desa keur ngabuburit,...atawa lari2 subuh, boh bulan puasa boh lain bulan puasa, istilah na mah ..ngeceng cenah di dinya teh..( duka naon nu di kecengan ).   Tos saur mani sok pinuh pabaliut, kitu oge pasosore...komo awal2 puasa mah..motor mani gandeng...istri lalaki dariuk disisi sasak, terutama remaja.   Abdi mah SD keneh , siang2 teh ngojay di walungaa bulan puasa oge, da herang harita mah caina oge...balik2 teh mani cenghar, panon beureum, sirah dung deng, beuteung kemplu pinuh ku cai lebak....duka boa2 jeung hurang2na kateleg...   Pasosore, ulin di sawah...nyedek magrib, mawa rantang meser cingcau ka tatangga... Menu buka teh, gusti...harita,..asa teh mani rewog abdi mah....ayeuna mah sakintenlah.....najan salaki dugi ka colohok oge....   Mangga ah bade uih heula.. Nia -----Original Message----- From: urangsunda@yahoogroups.com [mailto:[EMAIL PROTECTED]On Behalf Of Hepi Sent: Monday, October 10, 2005 3:26 PM To: urangsunda@yahoogroups.com Subject: [Urang Sunda] ngabuburit Urang nyawang alam katukang basa keur lembut   Bulan puasa keur umur wewelasan taun wayah kieu (jam tiluan) sok geus mandi, malah mah biasana mandi teh ti jam 2 keneh, ngusrek salila lila bari si cai tina gayung rada di golokgokeun kanu sungut,   Rada seger awak ari geus mandi mah teu lungse teuing, teu lila ting parecenghul babaturan nyampeur ulin, ngajak ngabuburit, ka HB (gedong sate) ari ngabuburitna teh. ari kaulinan ngan ngurilingan gedong sate bolak balik, tumpa tempo ka rohangan bawah tanah tina jandela ventilasi, sakapeng sok manggih rohangan nu pok mongkleng, tara lila lila nempo teh dan kaburu ting berebet lumpat sieun jurig   sakapeung sok ulin lalaheran, nyaeta momobilan anu rodana di jieun tina laher urut, ting sorolok di jalan aspal, baheula mah da can rame motor sumawona mobil   beger saeutik ngabuburit teh di calana panjang,  tara beurang teuing ayeuna mah, cukup ku jam opat atawa satengah lima sore   sok atuh baraya obrolkeun pangalaman ngabuburit jaman baheula, sok resep lah... Komunitas Urang Sunda --> http://www.Urang-Sunda.or.id SPONSORED LINKS Corporate culture Business culture of china Organizational culture Organizational culture change Organizational culture assessment Jewish culture YAHOO! GROUPS LINKS  Visit your group "urangsunda" on the web.    To unsubscribe from this group, send an email to:  [EMAIL PROTECTED]    Your use of Yahoo! Groups is subject to the Yahoo! Terms of Service.