RE: [Urang Sunda] Kursus di Malaysia - unek unek

[Yosep Hania]

Duh resep sigana tehh upami nagara urang sapertos M’sia (misalkan : tong waka sareng nagara nu sejen). Da abdi ge upami tos kesel kesel teuing macaan berita di urang (ningali kaayaan di urang), sok aya emutan lah “Masa Bodo (kumaha karep) nagara rek maju rek mundur”, nupenting mah dapur abdi ngebul, indung budak tiasa taruang….heheee… Kadang deui sok hoream mulih kalembur ari tos ngumbara kieu teeh..upami teu emut ka indungna si teueul mah sigana teeh moal mulang-mulang dugika bosen ge.   Komo deui geuning basa kamari bade miang deui ka dieu (Oman) etamah di bandara mani terang-terangan nyuhunkeun artos (enya oknum-oknum pagawe imigrasi / sareng di depnaker) mani ku keuheul taahhh harita. Sigana tehh di urang mah sagala di mampaatkeun wae nya… Punten achhh….kasadayana..bilih aya nu kirang merenah, da et amah ukur unek-unek sim kuring.   Tos ah…     -----Original Message----- From: urangsunda@yahoogroups.com [mailto:[EMAIL PROTECTED] On Behalf Of ika mardiah Sent: Wednesday, December 14, 2005 1:09 PM To: urangsunda@yahoogroups.com Subject: [Urang Sunda] Kursus di Malaysia   Kahatur: Baraya.   Salila 2 minggu (27 Nop-10 Des 2005) kuring ngiring kursus Change Management di INTAN (Institut Tadbiran Awam Negara) atawa tempat training keur para pegawe pelayan masyarakat di Malaysia. Sanes bade ngadongengkeun kamajuan Malaysia, da panginten tos seueur nu uninga, komo seueur baraya US nu nganjrek di Malaysia. Kuring oge kantos tepang di Mid Valley sareng MH nyanggakeun titipan buku ti Kang Oman.   Materi kursus teu aneh-aneh teuing, tos seueur teori sareng konsep ngeunaan Change Managemet sareng Learning Organization di urang oge. Mung bentenna di Malaysia diparaktekeun, teu asal nyarios di ruangan kelas, dina seminar, atawa acara ngadu bako sejenna. Janten salami kursus, 40% di kelas, 60% kunjungan ka Kantor-kantor pamarentah federal, state (negara bagian), sareng Kota.   Tina kunjungan eta tiasa katingal kumaha leres2na pagawe nagri di Malaysia kana didamel ngalayanan masyarakat. Sadayana netepkeun sasaran kenging ISO, kenging Award, oge World Class. Matak kabita, matak betah. Oge someah ka semah, motto di unggal kantor: Budi Bahasa Budaya Kita. Pakean oge sederhana (utamina istri) nu Muslim ka kantor nganggo baju kurung. Benten sareng kuring saparakanca ti nagara miskin tapi leuwih modis :-). Pamegetna mah kedah nganggo setelan lengkep.   Kuring naros, kumaha ngabangun karakter pagawe nagri jiga kitu, waleranna, nerapkeun nilai-nilai Islam sareng kaunggulan nilai-nilai Timur (Jepang atawa Korea) dina padamelan. Janten didamel teh ibadah. Padahal Indonesia teh nagara nu penduduk Islam na pangseueurna nya, tapi teu tiasa nerapkeun nilai-nilai Islam dina birokrasi pamarentahan.   INTAN tos janten tempat training ti sakuliah nagara di Afrika, Arab, Pasifik, oge Amerika Latin.   Lamun ditingal dina politik mah Malaysia tiasa disebat soft authoritarian, nu ditujukeun keur kamajuan negara mottona Cemerlang, Gemilang, Terbilang (kuring sok inget kana motto Siliwangi "Esa Hilang Dua Terbilang" (naon nya hartosna sareng kumaha nerapkeunna dina sapopoe). Antara federal sareng state (negeri) oge Kota saling ngadukung. Oge panginten pemimpinna kuat sareng soleh.   Indonesia mah ngeheulakeun demokrasi nu akhirna jadi democrazy tea, nu matak lieur, da seueur teuing pamimpin, seueur teuing nu pinter atawa asa pinter tea....:-) Kuring mah betah saleresna di Malaysia teh, maklum teu ngemutan nyusun APBD, debat sareng DPRD, berita politik nu matak lieur, oge padamelan sanesna :-). Tos ah sakitu dongengna ngeunaan pamarentahan di nagara tatangga teh. Punten ka MH, kuring teu kantos pamit.     Baktos, ika Yahoo! Shopping Find Great Deals on Holiday Gifts at Yahoo! Shopping Komunitas Urang Sunda --> http://www.Urang-Sunda.or.id SPONSORED LINKS Corporate culture Business culture of china Organizational culture Organizational culture change Organizational culture assessment Jewish culture YAHOO! GROUPS LINKS  Visit your group "urangsunda" on the web.    To unsubscribe from this group, send an email to:  [EMAIL PROTECTED]    Your use of Yahoo! Groups is subject to the Yahoo! Terms of Service.