Punten ah abdi ngiring mairan. khususna ka kang misan, kade kang upami ngaluarkeun pendapat teh ulah dapon ASBUN alias asal bunyi, lamun urang ngangken Agamana Islam, cobi buka deui Al Qur'an, tah dina al Qur'an eta aya sababaraha katerangan yen Allah SWT ngahalalkeun masalah nyandung, janten nyandung teh henteu hiji dosa, Upami akang teu percanten yen nyandung Halal atuh akang teh tos ngalakukeun hiji dosa teu percanten kana ayat ayatna Al Qur'an. Perkawis aya anu nyandung ngabalangsakeun kulawargana (sanes ngabalangsakeun masyarakat) eta mah anu salah jelemana, cobi turutan sunnah rosul geura, asana teh moal ngabangsakeun kulawarga..
Tatan Abdi oge teu hoyong nyandung ngan percanten yen nyandung teh di halalkeun ku Allah SWT. -----Original Message----- From: AA misan [mailto:[EMAIL PROTECTED] Sent: Wednesday, February 08, 2006 12:36 PM To: [email protected] Subject: RE: [Urang Sunda] "Sangsara"na Nyandung .......... Rek ulubiung ah pedah eta we geuning teu saeutik nu resep kana masalah 'panyakit' nyandung. Sateuacana atuh punten yeuh ka nu keur nyarandung alias ka nu keur ngarandapan panyakit nu matak nyangsarakeun ieu. Dina rohangan ieu kuring mah ukur rek mere conto fakta alias teu fiktif. Boga emang (moal disebutkeun timana jeung ngarana mah bisi aya balukarna jeung jadi panyakit keur kuring), alhamdulillah jumeneng keneh nepi ka ayeuna tapi kadieukeuna kalah leuwih ripuh jeung sangsara oge butak mastakana najan pereneh jadi kades . Kieu caritana ; baheula mah (aeh can lila teuing ketah) basa si emang can jadi kapala desa, pamajikan hiji, anak dua sarakola di kota, ngabogaan cita-cita hayang jadi kades jeung proyek kahiji nu dicutat dina agendana teh nyaeta hayang ngaspal jalan desa nu cenah mah ti jaman walanda keneh jalan ieu teh can perenah ngambeu aspal. Alhamdulillah cita-cita si emang laksana pedah pinter ngabako jeung pidato dina unggal rereongan, tapi saanggeus mancen tugas jadi kades agenda kahiji nyaeta ngaspal jalan desa teh taya buktina. Malah ngadua alias nyandung ka kembang desa ngora keneh pisan nu jadi tatangga tur ngabogaan anak dua. Tos ah dipungkas dugi kadieu ti mimiti si emang dirapalan nu kadua kalina dugi ka kiwari sabab matak butak sirah ngabandunganana. Dina pamilihan kades nu kadua mah si emang euweuh nu ngalieuk, jigana mah ijideun pedah taya bukti fisik keur desa eta .Kalahkah beak banda keur ongkos kampanye, jalan desa tetep taringgul jeung kahayang si emang nyakolakeun anakna ka paguron luhur teu laksana. Beu karunya eta pun emang, tapi ah bongan saha da polah sorangan . Tetela nyandung teh panyakit nu nyangsarakeun kulawarga sakabeh. Pan dosa badag nu kieu teh, sanes ? Hapunteh garihal pisan babasaan kuring mah pedah keur rada keuheul ka nu ngahalalkeun nyandung padahal nyandung teh (sarerea oge tos uninga) nyangsarakeun masarakat, minimal kulawargana sorangan. Naha nu kieu lain dosa badag? Aeh simkuring oge dosa ketah ngomongkeun batur (baca : nu nyarandung) bari jeung can tangtu aya patula-patalina jeung kuring. Sakali deui hapunten . Ki sobat Misan == Komunitas Urang Sunda --> http://www.Urang-Sunda.or.id Yahoo! Groups Links <*> To visit your group on the web, go to: http://groups.yahoo.com/group/urangsunda/ <*> To unsubscribe from this group, send an email to: [EMAIL PROTECTED] <*> Your use of Yahoo! Groups is subject to: http://docs.yahoo.com/info/terms/
