kungsi dua kali ka kampung naga. mimiti mah formal ti pangulinan. rek maluruh arsitektur tradisional tea. tapi teu wani laha-loho ka jero imah, ngan ngariung di bale gigireun masjid.
harita ge geus boga rasa teu pati sugema. alatan asa kudu nongton batur. sabab kampung naga mah beda ti tujuan wisata sejenna nu biasana museum siga taman mini nu imah2na teu dieusi cara Kampung Naga. enya, teu ngeunah oge karasana jeung karunya, urang dinya jadi bahan tongtonan, sabab maranehna caricing di dinya. biasana mah imah tradisional kitu teh teu dicicingan, jadi teu aya masalah psikologis. nu kadua mah basa ka singaparna, lalajo sunatan masal yasana yayasan annisa indonesia teh Lies Parish. bareng kang soni tukang gim, ua sas, kang darpan, pupi + kumi oge. balikna nyimpang ka kampung naga. sarua kitu. taang toong, rarat-reret, kadang2 sok paadu teuteup jeung urang dinyana, boh kolot boh budak bari jadi hese rek ngadon silaturahmi atawa nganjang cara baraya urang sunda. duka pedah ngarasa jadi turis duka kumaha. aya hiji dua warung suvenir -lolobana karajinan tina awi-di jero kampung naga, lolobana mah di luhurna, di tempat parkir. duka urang kampung naga duka lain. sakedap deui Kiblat Buku Utama baris medalkeun buku Kampung Naga, seratan gan Her Suganda, wartawan senior Kompas -resmina mah tos pangsiun. Nya sigana seratan model wartawan atawa leuwih ka model jurnalistik. buku ngeunaan Kampung Naga nu geus medal beh ditu mah beunang msiswa/alumnus arsitektur unpar, husus soal wangunan/arsitekturna. mj http://geocities.com/mangjamal Komunitas Urang Sunda --> http://www.Urang-Sunda.or.id Yahoo! Groups Links <*> To visit your group on the web, go to: http://groups.yahoo.com/group/urangsunda/ <*> To unsubscribe from this group, send an email to: [EMAIL PROTECTED] <*> Your use of Yahoo! Groups is subject to: http://docs.yahoo.com/info/terms/
