Muhun kang, abdi satuju jeung tulisan kang Waluya.... Buku-bukuna Harun Yahya mah leuwih pantes mun disebut buku pangaweruh populer, sabab lolobana nyutat tina tina pendapatr ahli-ahli nu lain.
Mun aya nu nanya kumaha makhluk nu hirup bisa mucunghul di bumi, meureun jawabanna ngan aya dua, nu kahiji; mucunghul ku ayana evolusi, nu kadua mucunghul sabab aya nu nyiptakeun. Teori nu kahiji mah didasarkeun kana teori Darwin (mudah-mudahan bener... ) nu nyatakeun yen makhluk hirup teh asalna tina hiji nenek moyang nu sarua. VAriasi mucunghul kusabab lobana perubahan-perubahan. Jadi perbedaan jeung variasi kerumitan paralel jeung majuna zaman. Teori nu kadua, nyebatkeun yen makhluk hirup teh dijieun ku "Pencipta" nu maha cerdas (Allah SWT). Jadi diawal mula keneh, makhluk hirup teh geus ngabogaan sistem jeung struktur nu kompleks tur sarua jeung naon anu dipiboga ku makhluk hirup ayeuna. Nurutkeun kana aturan logika, mun aya dua jawaban jang hiji pertanyaan, bisa dipastikeun salah sahiji jawaban eta tangtu bener (ngaran kaidahna kuring poho....). Ayeuna mah tinggal kumaha urang we, rek nyokot jawaban anu mana...... Catetan; Punten pang lereskeun kecap anu ditandaan..... regards, Reddy Technical Dept. Ph. +62 31 8964555, ext 2533 Kang Ari, kuring kungsi maca, Buku Harun Yahya teh, aya nu mostingkeun kahiji millis Islam. Ieu mah ceuk kuring, eusi buku ieu ( "Runtuhnya Teori Darwin/ EVolution Deceit") leuwih mirip karangan buku pangaweruh populer tinimbang buku Ilmiah. Janten teu tiasa dilebetkeun karya ilmiah. Eusi buku ieu meunang cutut-cutat tina artikel tina jurnal Ilmiah, atawa majalah semi Ilmiah jiga majalah "Nature". Nu dicutatna nyaeta padungdengan para ahli (nu sadayana oge pro Teori Evolusi) dina hiji masalah ku kapendakna buktos enggal. Contona umpami mendakan tulang fosil. Ceuk ahli si A ieu teh tulang mangkeluk nu engkena jadi manusa, Ceuk ahli si B, lain, ieu mah tulang fosil monyet, Ceuk ahli si C, beda deui. Ku Harun Yahya, padungdengan ieu, dicutat sapotong-sapotong, dina bagean nu nguntungkeun "teori" manehna. Atuh puguh we siga enya, da disalenggorkeun tina maksud nu sabenerna. Dina buku eta oge, teu disigeung saeutik-eutik acan nu ngarangna (Harun Yahya) kungsi apruk-aprukan neangan fosil di sakuliah dunya, atawa paling henteu kungsi naliti tulang-taleng fosil di hiji laboratorium. Ieu mah ukur nyutat tiditu-tidieu, terus disusun sakahayang manehna. Kanggo bandinganana Charles Darwin ngurilingan dunya sajero 5 taun, naliti alam (Geologi, flora sareng fauna). Salian ti Darwin, aya deui naturalist anu sakaliber Darwin, Wallace (urang Inggris oge) nu apruk-aprukan di urang (indonesia). Wallace nu ngadorong Darwin medalkeun bukuna nu kamasyur " The Origin of Species", sabab Darwin sorangan ragu-ragu kana teori manehna. Aran Wallace di urang diabadikeun ku garis maya, nu misahkeun fauna jeung flora di Indonesia bagian Kulon jeung Indonesia bagian wetan. Ieu "garis" aya di Sulawesi. Teori Darwin ti awal medalna oge parantos kontroversial. Komo da ieu teh sanes ayeuna tapi 150 taun kapengker (abad ka 19). Jaman Harita kungsi aya debat antara Uskup Inggris jeung salah saurang pendukung Teori Darwin, Thomas Huxley nu profesina dokter. Uskup teh naroskeun, nyindir maksudna mah, kira-kira kieu : " Tuan Huxley, ari luluhur monyet tuan Huxley teh, ti pihak palih mana, ti pihak ibu atanapi bapa?" Jawab Huxley teh : "Bapa Uskup, kuring mah leuwih suka lamun boga dulur jauh teh monyet, tinambang boga dulur nu jadi Uskup!" [Non-text portions of this message have been removed] Komunitas Urang Sunda --> http://www.Urang-Sunda.or.id Yahoo! Groups Links <*> To visit your group on the web, go to: http://groups.yahoo.com/group/urangsunda/ <*> To unsubscribe from this group, send an email to: [EMAIL PROTECTED] <*> Your use of Yahoo! Groups is subject to: http://docs.yahoo.com/info/terms/
