Punten Kang Syam ngiringan nambihan, da abdi ge resep pisan bobodoran nu
ngajantenkeun seuseurian, ngicalkeun setres, obat awet ngora saur batur mah.
Tah, ieu pemendak abdi nganggo basa cohag
Kecap Seuri bisa dijieun rupa2 make awalan jeung ahiran jadi pikaseurieun,
seuseurian, disengseurikeun, nyeungserikeun, seungseurikeuneun, sura seuri siga
sero
.pidangan Kang Syam tea.
Seuri, bisa dimimitian tina imut nu lila-lila beuki ngagedean jeung
ngaluarkeun sora nu rupa-rupa. Salian ti ngaluarkeun sora, seuri biasana
mangaruhan kanu beuteung, bisa nyeri beuteung nepi ka mules matakna bobodoran
teh sok disebut ngocok beteung. Enggeusna teh sok leuleus saawak-awak, jeung
narik napas
Hhhhh
geus, ah! kuring cape tong seuseurian wae
hhhhh.
Urang Sunda lolobana sok nyaruakeun imut jeung seuri, da ari ditilik-tilik
mah beda. Si A tadi seuri ka urang padahal ngan saukur kunyem alias imut nu
digambarkeun ku biwir nutup ngahiji jadi sagaris, mun ngaluarkeun sora oge ngan
saukur
.hmmmm.
Jalema nu resep seuri kudu ningali kaayaan/situasi jeng saha rek seuri.
Tingali heula paroman jelema nu diajak seuri, mun nu keur sedih, siga loba
masalah, setres & murukusunu mah tong diajak seuri...
Jeng kolot atawa jeung jalema nu dipihormat biasana seuri teh teu bisa bebas,
rada diatur & ditahan. Beda deui mun jeung babaturan atawa jeung sahandapeun,
ngabarakatak ge teu nanaon, tapi omat keur awewe mah seuri ngabarakatak teh
ngewa.
Budak Karek Gede (mun diIndonesiakeun mah ABG) seurina teh patingcirihil &
patingciricit (siga beurit wae
). Jeung kabogohnamah komo deui seurina rada2
centil da hayang kataksir tea. Budak leutik atawa orok ge sok seuri sorangan
bari ningali kanu teu katingali ku urang alias seuri jeung nu goib hiiii
matak
maruriding bulu punduk.
Kuring boga babaturan awewe nu teu bisa seuri padahal manehna sok nyieun
bobodoran, sakumaha pikaseurieunana hiji lalakon manehna ngan saukur kunyem,
judes mah henteu manehna teh
ngan nya kitu tea diciptakeun ku Allah kudu kitu.
Garis beungetna kaku, eueweh kempot-kempotna acan siga boneka nu di toko baju
we kumaha
(kabayang teu?).
Babaturan kuring nu hiji deui gawena Programmer mun seuri teh sok tarik
ngabarakatak, mun ceuk nu bohong tea mah dina radius sakilo kadenge seurina
teh. Babaturana mun teu kuat2 teuing ngadenge seurina sok ngomong,Gandeng
siah! seuri teh meakeun bandwith!
.uluh2 abong di pausahaan IT, seuri ge
ukurna make bandwith.
Basa keur SMP kuring boga guru Sejarah, barudak sakelas mah geus arapaleun
mun seuri panona peureum, bari jeung ciduhna sok tinggaleun digigireun biwir,
sakapeung mah sok nepi ka ngelay mun seurina ngenah pisan. Hiji waktu guru
Sejarah teh ngalalakonkeun sejarah nu pikaseurieun, kompak barudak sakelas teh
nyarumput dina kolong meja
pas geus seuri
panona muka, culang cileung neangan
barudak
Jaman kiwari pikaseurieun teh sok ditareangan keur ngubaran setres boh na
obrolan, gambar, tulisan atawa pilem. Ngabodor dijadikeun pacabakan keur
neangan napkah lain pagawean nu babari kusabab bodoranana kudu bisa jadi
pikaseurieun. Tukang ngabodor lolobana urang Sunda, cik geura ti Kabayan mula,
Padiyangan mah puguh deui da ti Bandung, di Extravaganza lolobana urang
Sunda
siganamah geus ti dituna Urang Sunda teh beuki ngabodor.
Dina agama Islam sagala rupa nu kaleuleuwihi sok dicaram malahmah
diharamkeun, nya kitu deui dina seuri. Kuring kungsi maca na buku Fadhlail
Amal karangan Maulana Muhammad Zakariyya basa jaman Rasulullah Muhammad SAW
rek shalat ka masigit, anjeuna ningali sobat2na ngariung ngobrol gogonjakan
bari seuri tarik ngabarakatak nepi ka huntuna jelas pisan katenjo. Anjeuna
nyarita : Saumpama anjeun loba inget kana paeh, pasti kuring moal ningali
aranjeun siga kieu. Kusabab kitu, lobakeun inget kana paeh. Ceuk na buku eta
yen loba seuri nu teu pararuguh bari jeung tarik ngabarakatak bisa ngajadikeun
hate jadi teuas alias ngabatu da biasana jalema keur seurimah bararoraah inget
kanu paeh
Ceu Eros.
Message: 25
Date: Thu, 23 Feb 2006 17:18:06 +0700
From: "syam ridwan" <[EMAIL PROTECTED]>
Subject: Macem2 Seuri
Seuri teh mun diibaratkeun kawas pakean loba macemna, modelna tur
Corakna timimiti mesem mesem nepikeun ka ngagakgak atawa ngahahah. Seuri,bisa
dibedakeun tina sorana anu dihasilkeun tina seuri eta, saperti; ngahihih(seuri
jurig cai,kunti, seuri kuda atawa seuri nini nini mun keur nyisig),ngaheheh
(seuri anu huntuna geus ompong), akey akeyan (biasana seuri awewena, seuri teu
bisa ditahan, terus terusan,teu kaampeuh samping atawa rok weh jebod)
nyakakak, ngahahah, ngabarakatak (seuri full volume).
Send instant messages to your online friends http://uk.messenger.yahoo.com
[Non-text portions of this message have been removed]
Komunitas Urang Sunda --> http://www.Urang-Sunda.or.id
Yahoo! Groups Links
<*> To visit your group on the web, go to:
http://groups.yahoo.com/group/urangsunda/
<*> To unsubscribe from this group, send an email to:
[EMAIL PROTECTED]
<*> Your use of Yahoo! Groups is subject to:
http://docs.yahoo.com/info/terms/
