Di Sumenep aya makam Pangeran Diponegoro, aneh nya? bet beda jeung palajaran Sajarah waktu urang di SD nu ngariwayatkeun Pangeran Diponogero teh dibuang ka Sulawesi, malah makamna di Makasar. Makam Pangeran Diponegoro di Sumenep bener-bener aya, disaungan, jeung tutunggulna dibulen ku boeh (lawon bodas). Tempatna di Asta Tinggi, di kompleks makam Sultan-Sultan Sumenep. Makam Pangeran Diponegoro aya diluareun pager kompleks para Sultan jeung katurunana, tapi ampir nempel kana pager. Ceuk ki Kuncen eta makam, cenah Pangeran Diponegoro, saentasna ditewak ku Walanda, teras dicandak ka Sumenep, samemeh dibuang ka Sulawesi Kidul teh, ku Walanda dititipkeun heula ka Sultan Abdurahman Van Sumenep. Waktos P. Diponegoro bade dicandak ku Walanda bade dibuang ka Makasar, ku Sultan, P. Diponegero teh ditukeuran kunu "palsu". Jadi nu dicandak ku Walanda sareng teras dibuang ka Makasar mah, P. Diponegoro "palsu". P. Diponegoro anu asli tetep tumetep di Sumenep, lamun teu lepat mah namina oge gentos, dugi ka wafatna. Dimakamkeun di Asta Tinggi, tapi kumargi sanes kulawarga Sultan, makamna aya diluareun pager.
Kitu cenah P. Diponegoro versi Sumenep mah. Duka mana anu bener ............. Baktos, WALUYA Komunitas Urang Sunda --> http://www.Urang-Sunda.or.id Yahoo! Groups Links <*> To visit your group on the web, go to: http://groups.yahoo.com/group/urangsunda/ <*> To unsubscribe from this group, send an email to: [EMAIL PROTECTED] <*> Your use of Yahoo! Groups is subject to: http://docs.yahoo.com/info/terms/
