Re: [Urang Sunda] Naros deui bae...

[Aj Kusnet]

Kecap kutan (poma ulah diambihan "g", nya...), lamun dina Bahasa Indonesia mah ternyata. Aya kawih baheula nu make kecap kutan teh; kieu unina (saeutik bae nya):    Kutan kieu rasana ditampik,  hate peurih pikiran baluweng,  gering nangtung hirup ngalanglayung,  ...    Kecap kutan nuduhkeun rasa teu  biasa ku alatan hiji hal anu munggaran kaalaman. Aya kecap lian anu meh  sarua (kukituna sok mindeng pahili makena) jeung kecap kutan teh, nyaeta baruk jeung geuning. Kecap baruk biasana nuduhkeun rasa hookeun anu rada pohara, leuwih pohara tibatan kecap kutan. Kecap geuning ieu mah anu pang basajanna hookeunana teh.    Baruk, silaing nu maling teh..! Teu nyangka sacongo buuk..    Tah geuning kadenge sorana ayeuna mah...     "Kutan kieu rasana ditampik" bisa diganti ku "Baruk kieu rasana ditampik" lamun nyerina rada pohara jeung nyaritana bari ambek, atawa "Kieu geuning rasana ditampik" lamun perkara ditampik teu nyeri teu sing, lucu malah nu aya, he he...      Kecap samanea biasana dilarapkeun pikeun negeskeun hiji perkara anu henteu biasa/ilahar.     1. ... ulah samanea   ngobral auratna kajaba anu biasa tembong. (ulah jadi kabiasaan / ulah sangeunahna)  2. ... eta ngaran jeung anu nyieuna henteu samanea. (estu make cara anu anyar, lain cara anu sakumaha ilaharna)  3. Ana disidik-sidik, singhoreng lain hujan samanea. (lain hujan ku alatan mega hideung, ieu mah ku alatan sakadang jurig, hi hi...)   4. dikarangkeng ku sarigsig iga ruh teu bisa samanea ngalayang ngacacang ... (teu bisa bebas)  5. ... nu bogana ge lain jalma samanea. (pasti sakti lah...!)  6. ... sanajan ngan ku heheh tapi   hehehna ge teu samanea heheh panganten anyar tea loba hartina heheheh... (duka tah nu ieu mah...)    Punten ah... Ieu mah sakaterang sim kuring... Bari jeung rada era oge,  ngawani-wanikeun medar, kapan sim kuring teh boga kahayang aya nu  ngabenerkeun saupamana salah...    AJ  The MetZ <[EMAIL PROTECTED]> wrote:                  Punten ah, bade tumaros deui ah, hartos na   :  -kutan 
 -samanea - postingan kang waluya...  hatur nuhun sa teu acan na...:)     wass..  Awin  tukang tanya tea                      
		 Yahoo! Mail 
Use Photomail to share photos without annoying attachments.





Komunitas Urang Sunda --> http://www.Urang-Sunda.or.id






    


  
  
    SPONSORED LINKS
  
          
                  
            
        Corporate culture
      
                      
        Business culture of china
      
                      
        Organizational culture
      
              
                        
            
        Organizational culture change
      
                      
        Jewish culture
      
                    
           
  







  
  
  YAHOO! GROUPS LINKS



   Visit your group "urangsunda" on the web. 
   To unsubscribe from this group, send an email to: [EMAIL PROTECTED] 
   Your use of Yahoo! Groups is subject to the Yahoo! Terms of Service.