>From: "wpsusanto" <[EMAIL PROTECTED]> > Kumaha atuh-nya eta nurani para kulawargi anu menikahkan siri teh, > naha teu ngemut ka duka derita isteri pameget eta sareng putra- > putrana ? Sanes ku masalah harta semata pan ari ngalalana di dunya > teh, apan kebahagian rumahtangga abadi teh cita-cita para isteri > waktos ijab kabul kapungkur teh ...?
Haturan Teh WpSusanto (saha atuh nami leresna?) nepangkeun sim kuring Pun Waluya, urang Sumedang ngan netep di Bandung. Teh, perkawis nikah siri, saleresna di lembur urang oge (indonesia) , ku nagara mah dianggap teu sah. Di Urang aya UU Perkawinan, sareng nagara oge nyadiakeun perangkatna keur urang Muslim nyaeta : KUA sareng Pangadilan Agama. Perangkat Nagara ieu moal ngalayanan jalma-jalma nu kawin siri lamun gaduh masalah. Contona upami nu kawin siri teh "pipirakan". Nagara moal daekeun ngurus lamun nu pipirakan ieu rebutan harta gono-gini. Kitu deui lamun dina kawin siri ieu, gaduh anak. Anakna dianggap anak Haram ku Catetan Sipil. Kawin Siri ceuk kuring mah langkung ngarugikeun pihak istri tinimbang pameget. Tapi sistem ieu oge gaduh kalemahan. Kamari kuring mulang ka Sumedang, meunang beja, aya budak awewe tatangga di lembur (umurna 15 taun!) dibawa "kabur" ku pameget nu geus gaduh pamajikan. Kolotna "kalang-kabut". Nu "kabur" diteangan nepi ka kapendakna. Saleresna mah ceuk UU Perlindungan Anak, eta pameget teh kedahna lebet bui, margi mawa kabur budak (batesan dewasa di Indonesia 17/18 taun). Tapi maklum di kampung, malah dikarawinkeun. Waktos dicandak ka KUA, KUA nolak, kahiji budak awewena dibawah umur, nu kaduana si lalakina geus boga pamajikan, nu ceuk UU Perkawinan lamun hayang kawin deui kedah gaduh izin ti pamajikan nu ti heula. Nya dikarawinkeun teu liwat KUA, nu istilah di lembur kuring mah, kawin agama cenah ........ Tah nu model kieu, kuring oge teu terang, kumaha Nagara ngaturna? Baktos, WALUYA Komunitas Urang Sunda --> http://www.Urang-Sunda.or.id Yahoo! Groups Links <*> To visit your group on the web, go to: http://groups.yahoo.com/group/urangsunda/ <*> To unsubscribe from this group, send an email to: [EMAIL PROTECTED] <*> Your use of Yahoo! Groups is subject to: http://docs.yahoo.com/info/terms/
