Re: [Urang Sunda] Gempa

Fri, 12 May 2006 03:39:23 -0700

Baraya, nyanggakeun sakedik inpo ngeunaan lini:
 
Lini (B. Ind: gempa) anu karasa di daerah jauh ti gunungseuneu (vulcano; gunungapi) tur badag (leuwih ti 4-5 skala Richter eta bisa dipastikeun jenis lini tektonik (gempa tektonik). Ningali tempat karasana lini anu ti mimiti Jakarta nepi ka Palembang (komo Palembang mah jauh pisan ka gunungseuneu), geus bisa dipastikeun jenisna lini tektonik tea.
 
Dimana sumberna? Pamendak Kang Ato nyaketan. Sumber lini tektonik anu pangcaketna. boh ka Jakarta atawa Palembang, taya lian ti lempeng Indo-Australia (baheula mah ngetopna disebut lempeng Hindia) anu aya di sakuloneun P. Sumatera, sakiduleun P. Jawa, kalawan "engselna" di Selat Sunda.
 
Lempeng teh, dina tatanan tangtungan bumi, eta hambalan anu cicingna sanggeus lapisan simbut (mantel) bumi anu diwangun ku senyawa-senyawa Magnesium-Silikat (Mg-Silikat, lempeng samudera) atawa Alumunium-Silikat (Al-Silikat, lempeng benua). Lempeng samudera nya tempat samudera (lautan) nangkod, sakumaha lempeng benua eta tempat benua numpang.
 
Lempeng-lempeng anu ngawangun hambalan samudera jeung benua teh sakapeung paalamprok, kalan-kalan pasalingsingan, jeung bisa oge pipisahan (lempeng anu sajenis). Samangsa-mangsa dua lempeng anu beda massa-jenisna paamprok (lempeng samudera patepung lempeng benua), kulantaran Mg-Silikat leuwih beurat tinimbang Al-Silikat, nya lempeng samudera mubus ka handapeun lempeng benua ( B.Ind: penunjaman, B. Ing: subduction). Ieu anu kajadian di kuloneun Sumatera jeung kiduleun P. Jawa. Nya kajadian mubus eta lempeng anu hiji ka handapeun lempeng sejenna anu bisa ngabalukarkeun lini.
 
Gempa anu gede di jero laut (leuwih ti 6,5 skala Richter; jerona puseur lini di dasar laut kurang ti 60 km) nya eta pisan anu bisa nimbulkeun tsunami. Nilik kana gedena lini anu bieu kajadian di Jakarta oge Palembang, bisa dicindekkeun moal ngabalukarkeun tsunami.
 
Kunaon tempat patepungna lempeng di Selat Sunda disebut "engsel"? Ieu patali jeung ayana beda juru (sudut) mubus masing-masing lempeng samudera ka lempeng benua di kuloneun Sumatera jeung kiduleun P. Jawa. Jejer ieu urang simpen heula. Engke upama pareng aya waktu urang teruskeun.
 
baktos,
manAR 

 
On 5/12/06, [EMAIL PROTECTED] <[EMAIL PROTECTED]> wrote:

Komo Abdi mah Teh Emme di lt 9 heuheuheu meuni karaos rieugna. Saurna mah eta teh lantaran pergerakan lempeng tektonik di Selat Sunda. Duka lantaran Krakatau keur batuk (=gohgoy kituw...??!!).


Baktos,
OTA
   


"Nila Erma Agustini" <[EMAIL PROTECTED] >
Sent by: urangsunda@yahoogroups.com

05/12/2006 03:42 PM

Please respond to
urangsunda@yahoogroups.com

To
urangsunda@yahoogroups.com
cc
Subject
Re: [Urang Sunda] Gempa




 

Sumuhun aya lini,
di daerah Cakung mah karaos rieug-rieugna rada lami aya kana samenitan, mangkaning di lantai dua lumayan oge lieur...
raraosan teh asa naek parahu nu keuna ombak
 
baktos,
emme
 
----- Original Message -----
From: Yuliadi
To: 'urangsunda@yahoogroups.com'
Sent: Friday, May 12, 2006 3:00 PM
Subject: [Urang Sunda] Gempa

 
aya nu ngaroskeun ayana gempa,
bieu pisan...15:40
lumayan rada reuwas
da simkuring mah gawe sisi laut.....heuheu sieun tsunami

 


Komunitas Urang Sunda --> http://www.Urang-Sunda.or.id



SPONSORED LINKS
Corporate culture Business culture of china Organizational culture
Organizational culture change Organizational culture assessment Jewish culture

YAHOO! GROUPS LINKS





Komunitas Urang Sunda --> http://www.Urang-Sunda.or.id



SPONSORED LINKS
Corporate culture Business culture of china Organizational culture
Organizational culture change Organizational culture assessment Jewish culture

YAHOO! GROUPS LINKS



Kirim email ke