Keur resep ngobrolkeun sasatoan, da bongan dimimitian ku Kang Kumi. Kabeneran dua bulan katukang ka imah kuring aya oray asup, orayna teh rada hideung, sagede cinggir. Lamun di lembur kuring, eta oray teh biasa disebut oray sapi. Teu antaparah deui neangan paneunggeul, oray digebug, tepi ka pejet. Geus digebug kuring ngahuleng, kunaon nya ari manusa lamun papanggih jeung oray, hayangna teh ngagebug wae. Aya nu nyebutkeun kunaon manusa sok hayang maehan oray wae, sabab kulantaran "dosa" oray baheula ngolo Siti Hawa, supaya ngadahar buah kholdi jeung Nabi Adam tepi ka diusit ti sawarga turun ka dunya.
Tapi para saintist mah boga alesan anu beda. Cenah kasieun jelama kana sato samodel oray, cucunguk, babakaur, langir jrrd kulantaran karuhun manusa di jaman pra sejarah hirup dina guha-guha nu oge tempat oray, babakaur, cucunguk, langir jst. Sifat "sieun" ku sato-sato ieu diturunkeun ka manusa tepi ka ayeuna. Jadi geus nasib oray lamun kapanggih ku manusa, dibabuk tepi ka pejet ... Oray rupa-rupa. Di lembur kuring aya oray kisi di sawah, oray kadut nu kabeukina lauk, oray welang nu peurahna matih. Oray Warakas, siga oray welang tapi gede. Oray tambang nu leutik, tapi kacida panjangna. Oray hejo, peurahna matih sok aya dina tatangkalan. Oray gibug, awakna pondok hirupna dina taneuh, loba kapanggih di leuweung jati, peurahna matih. Oray sendok (cobra) nu sok nyiduhan ku peurah. Oray sawah, kabeukina beurit, teu peurahan. Oray Sanca, oray panggedena. Tapi aya oge aran oray anu jadi "mithos". Di lembur kuring nu duekuet jeung Gunung Tampomas, aya mithos soal oray totog, ceuk cenah oray ieu teh ngagantung dina tangkal, sok notog ti luhur ka sing saha wae nu ngaliwat. Ku sieun-sieunna ku oray totog, aya kapercayaan, tong boro awak urang nu dipacok, dalah kalangkang urang oge, lamun dipacok, urang langsung ngajungkel. Mithos nu sejenna, cenah aya oray nu panggede-gedena disebutna teh oray kuda. Tah ieu mah sigana pacampur jeung mithos orang cina, da apan Naga teh huluna rada-rada siga kuda. Baktos, WALUYA ------------------------ Yahoo! Groups Sponsor --------------------~--> Everything you need is one click away. Make Yahoo! your home page now. http://us.click.yahoo.com/AHchtC/4FxNAA/yQLSAA/0EHolB/TM --------------------------------------------------------------------~-> Komunitas Urang Sunda --> http://www.Urang-Sunda.or.id Yahoo! Groups Links <*> To visit your group on the web, go to: http://groups.yahoo.com/group/urangsunda/ <*> To unsubscribe from this group, send an email to: [EMAIL PROTECTED] <*> Your use of Yahoo! Groups is subject to: http://docs.yahoo.com/info/terms/
