Digawe dihiji pausahaan PMA Korea, geus aya kana 10 taunna.
Salila eta, kuring teh asa dikekeyek pisan, diekploitasi.
Salian ti eta, apresiasinya kurang nyugemakeun.
istilahna mah, litel-litel tu mi, epriting tu mi, salari not ap-up.
Model-modelna jiga sendal capit geuning. Ongkoh dipake tapi ongkoh
di-ijek. Dipakena oge ari keur butuh wungkul, ari geus teu dipake
mah, dialungkeun we ka popojok.
Sedengkeun, pagawean kuring teh ngurusanan tetek bengek. Ditungtut
kudu sagala bisa. ngaaaan hanjakal, tetekna keur juragan, ari
bengekna dibikeun keur kuring. hi hi hi
Loba nu nanya mah, naha atuh geuning betah nepi ka 10 taun ?
Anu matak anu mawi, hulu botak katinggang awi.
Realistis we, nyiar pagawean jaman kiwari mah susah pisan, komo umur
geus rada kasorenakeun, katambah rumasa teu sakola luhur, jadi sok
laloang. Pernah oge di ITB, geus nepi tingkat 3, tapi turun deui ka
tingkat 1. Lain bodo, ngan pedah we adukanana seep, jadi kapaksa
turun deui nyokot dua ember deui mah.
(harita teh kungsi jadi buruh bangunan heu..heu..)
Batur oge geuningan nu jaradi sarjana, ti mimiti S1 nepi ka S3, loba
nu palinter, garinding, gareulis tur karasep, tapi meni hese nyiar
pagawean anu matuh teh. Naha sabab ? Boa geus loba teuing sarjana,
sedengkeun lapangan pagawean teu nyukupan ? atawa loba teuing
pagawean nu teu saluyu jeung sistem pendidikan di urang ?
teuing ketang.....
Ngan nu matak ngabenghul dina beuheung teh perlakuanana sok rada
kurang manusiawi ari urang Korea teh di kantor kuring mah. Teu
kaitung teu katugenahan anu karandapan salila kuring gawe teh.
Pernah kuring dicarekan bari sirah kuring ditakolan. Atuh etamah
ngadak-ngadak, getih tina dampal suku naek nepi ka ubun-ubun, ampir-
ampiran eta si ontohod teh dibabuk korsih ku kuring, mun babaturan
teu rarikat ngarejeng kuring nu ngagerem jiga Buta nu nincak paku
payung.
Matakna,
Peupeujeuh...kanu sarakola...sing junun sing palinter...
palinter nempatkeun diri dina sagala widang.
Geus ah...
-dul-
ieu postingan aya dina :
http://ndoell.multiply.com/journal/item/20
--
Teh Nenong __._,_.___
Komunitas Urang Sunda --> http://www.Urang-Sunda.or.id
![]()
YAHOO! GROUPS LINKS
- Visit your group "urangsunda" on the web.
- To unsubscribe from this group, send an email to:
[EMAIL PROTECTED]
- Your use of Yahoo! Groups is subject to the Yahoo! Terms of Service.
__,_._,___
- Re: [Urang Sunda] Milarian padamelan --> Murukusunu Neng Nong
Kirim email ke
